港人移英後謀生能力有限，不少人已經打退堂鼓。近日有一名移英剛滿月的人妻在社交平台抱怨，指寄超過100份工作履歷（CV），大部分都沒有回音，剩下的都是一封封的拒絕信。而且因為資金唔多，所以就算天寒地凍，都唔敢開暖氣，務求慳得一蚊得一蚊，慨嘆「究竟呢種情況仲要等幾耐？」更坦言自己已想回流，「經過頭兩個禮拜，我心已默默喺到諗係咪要返香港」。
該名人妻早前在社交平台Threads發文表示，輿丈夫移民英國，選擇在普雷斯頓（Preston）落腳，因為好難搵到share house，所以而家租屋。人妻在帖文大呻「今日係移居英國啱啱好一個月，寄超過100份CV，有3分2冇回音，剩返嗰3分1全部都係收到reject email」。她表示任何工都願意做，「我唔介意辛苦，亦都唔介意返工廠，我只係怕冇人請，我住Preston呀」，就連「agent都話我哋住得好遠，所以就算有工廠工我哋都冇機會」，人妻直言「好後悔自己揀咗呢個地方」。
人妻解釋指，當初選擇普雷斯頓是因租金便宜，「我本身就係諗住喺附近搵到工，慢慢儲錢再買架車，但我冇諗過三條街，咁多間舖頭，一間都唔請……」人妻只求有一份工作，「我由移民第一日開始已經放低所有身段，我乜嘢工都見，工廠都登記咗幾份，但可能時間關係，真係暫時未有回音」。人妻亦後悔在香港時沒有學定一門手藝，「怪就怪自己唔學一門手藝，如果唔係都可以去沖咖啡……」
人妻表示，由於帶到英國的資金不多，「所以就算凍到塊面青、腳板痛，着住件羽絨瞓覺都係咁震嘅我都唔敢開暖氣，務求慳得一蚊得一蚊嚟交各種Bills and Tax嘅信……究竟呢種情況仲要等幾耐？」
人妻感慨雖然知道移民從來都唔容易，但人在異地，前路茫茫環境之下，仍難以放鬆心情，更坦言「經過頭兩個禮拜，我心已默默喺到諗係咪要返香港」。
（原文來源：點新聞）
(圖片轉自網絡)
覺得不錯，就點「在看」哦! ! ↓ ↓
