ءتىلشىنىڭ ونەركاسىپ جانە ينفورماتسيالاندىرۋ مينيسترلىگىنەن ۇعىسۋىنشا، ونەركاسىپ جانە ينفورماتسيالاندىرۋ مينيسترلىگى قوعام حاۋىپسىزدىگى مينيسترلىگى، شۇعىل جاعدايلارعا توتەپ بەرۋدى باسقارۋ مينيسترلىگى قاتارلى تاراۋلارمەن بىرگە، جاڭادان وزگەرىس ەنگىزىلگەن «ەلەكترلى ۆەلوسيپەت حاۋىپسىزدىگىنىڭ تەحنيكالىق ولشەمى» تۋرالى اشىق پىكىر قابىلداعان.
قازىر اتقارىلىپ وتىرعان ولشەممەن سالىستىرعاندا، بۇل رەتكى ”مەملەكەتتىك جاڭا ولشەم“ مىناداي جاقتاردان جاقسارتىلعان جانە جوعارىلاتىلعان:
بىرىنشىدەن، وتتان ساقتانىپ، جانۋدىڭ الدىن الۋ يقۋاتى جوعارىلاتىلعان، ەلەكترلى ۆەلوسيپەتتىڭ بارلىق بەيمەتال ماتەريالدارىنا قويىلاتىن جانۋدان ساقتانۋ جاعىنداعى تالاپ كەمەلدەندىرىلگەن، سۋلياۋدان جاسالعان بولشەكتەردى پايدالانۋ سالىستىرماسىنا شەكتەمە قويىلعان.
ەكىنشىدەن، زاڭسىز وزگەرتۋ ارەكەتىنەن ساقتانعان، ەلەكترلى ۆەلوسيپەتتىڭ مەڭگەرۋ اسپابى، اككۋمۋلياتورى، زاريادتاۋ اسپابى قاتارلىلاردى ءبىر – بىرىمەن سايكەستىرە پايدالانۋدى ايقىن تۇراقتاندىرىپ، ونى وزگەرتۋدىڭ تەحنيكالىق جاقتاعى قيىندىق دارەجەسىن جوعارىلاتقان.
ۇشىنشىدەن، ەلەكترلى ۆەلوسيپەتتى ءمىنۋ حاۋىپسىزدىگىنە كەپىلدىك ەتىپ، ەلەكترلى ۆەلوسيپەتتىڭ بەلگىلەنگەن قۋاتى مەن ەڭ جوعارى قارقىنىن ەسەپتەۋ امالىن جاقسارتقان، جوبالانعان ەڭ جوعارى قارقىنى ساعاتىنا 25 كيلومەتردەن اسىپ كەتپەۋى كەرەك، سونىمەن بىرگە، بەيدوۋ ورىن بەلگىلەۋ اسپابى، لەزدە حابارلاسۋ قاتارلى فۋنكتسيالار ارتتىرىلعان.
تورتىنشىدەن، ەلەكترلى ۆەلوسيپەتتىڭ قولدانىلىم ساپاسىن جوعارىلاتۋ ءۇشىن، قورعاسىن اككۋمۋلياتوردان پايدالانعان ەلەكترلى ۆەلوسيپەتتىڭ سالماعىنا قويىلاتىن شەكتەمەنى 55 كيلوگرامنان 63 كيلوگرامعا جوعارىلاتقان، ونىڭ ۇستىنە، بۇدان بىلاي تەپكى ارقىلى جۇرگىزۋ اسپابىن ءماجبۇرلى تۇردە ورناتۋ تالابى قويىلمايدى.
ونەركاسىپ جانە ينفورماتسيالاندىرۋ مينيسترلىگى مىنانى ءبىلدىردى: وسى رەتكى «ەلەكترلى ۆەلوسيپەت حاۋىپسىزدىگىنىڭ تەحنيكالىق ولشەمىنە» اشىق پىكىر قابىلداۋ ءبىر اي جالعاسادى، تاپسىرىپ العان پىكىرلەرگە ساي، ولشەمنىڭ مازمۇنىنا وزگەرىس ەنگىزىلىپ، تولىقتىرىلادى، تەكسەرۋ، بەكىتۋ قاتارلى قىزمەتتەر جەدەل ىلگەرىلەتىلىپ، ەرتەرەك جاريالاۋعا كۇش سالىنادى. ”مەملەكەتتىك جاڭا ولشەم» رەسمي جاريالانعان سوڭ، ەلەكترلى ۆەلوسيپەت وندىرەتىن كاسىپورىنداردىڭ جاڭا تيپتەگى ەلەكترلى ۆەلوسيپەتتەردى جوبالاۋىنا، وندىرۋىنە 6 ايلىق وتپەلى ۋاقىت بەرىلەدى. مۇنان سىرت، ساتىلىم جاعىندا تاعى 3 ايلىق وتپەلى ۋاقىت بەرىلىپ، ساۋدا – ساتتىق سالاسىنداعى اينالىمعا سالاتىن كاسىپورىنداردىڭ بۇرىنعى ولشەم بويىنشا وندىرىلگەن قامباداعى ەلەكترلى ۆەلوسيپەتتەردى ءبىرجاقتى ەتۋىنە قولايلىلىق جاراتىلادى.
كەلۋ قاينارى: حالىق تورابى
微信小程序搜索《xalhar翻译》
视频下载APP：mtv.xalhar.net
音乐下载APP：app.xalhar.net
视频下载APP：mtv.xalhar.net
音乐下载APP：app.xalhar.net
