قىستا ماشيناڭىز مايدى كوپ جەيمە

ءۇنحات تەكشەسى حابارى ،شالقار تورابى اۆتوكولىك كانالى اۋدارماسى:
كوپتەگەن ادامدار قىس ماۋسىمىندا اۆتوكولىكتىڭ ماي ورتەۋىنىڭ جوعارلاپ كەتكەندىگىن ،ۇقساس سومادا قۇيىلعان مايمەن جۇرىپ وتەتىن جولدىڭ كورنەكتى قىسقارىپ كەتكەندىگىن بايقايدى . سونىمەن كەيبىرەۋلەر 4S دۇكەنىنە بارىپ اۆتوكولىكتى تەكسەرتەدى ءارى اۆتوكولىكتە كىنارات بايقالدى دەپ ويلايدى .اسىرەسە 10-20 مىڭ كيلومەتر جول جۇرگەن اۆتوكولىكتەر جانە جاڭا شوفەرلەر بۇل جاعىنا كوپ ءمان بەرەدى . الايدا كىنارات تەكسەرۋ بارىسىندا ەشقانداي ماسەلە بايقالمايدى ، كەيبىرەۋلەر وسى ءۇشىن اقشا جۇمسايدى ،اقشا جۇمساپ ماتورداعى كاربون قالدىعىن تازالاتادى نەمەسە اۆتوكولىكتىڭ ۇشقىنداتقىشىن الماستىرادى .الايدا بۇلارعا اقشا جۇمساۋدىڭ پايداسى بولا قويۋى ەكىتالاي .

قىس مەزگىلىندە مايدىڭ كوپ جۇمسالۋى اۋا تەمپەراتۋراسىنا تىكەلەي بايلانىستى.ەڭ ۇلكەن اسەرى كولىكتى جىلىتۋعا كوپ ۋاقىت كەتەدى.جازدا سۋدىڭ تەمپەراتۋراسى بىرنەشە مينۋتتىڭ ىشىندە قالىپتى جاعدايعا جەتەدى، ال قىستا سۋدىڭ تەمپەراتۋراسى قالىپتى قىزمەت تەمپراتۋراسىنا جەتەۋ ءۇشىن بىراز ۋاقىت كەتەدى.ماتوردى قىزدىرۋعا كەم دەگەندە ون مينۋت نەمەسە ءتىپتى 20 مينۋت ۋاقىت كەتەدى. قىزدىرۋ بارىسىندا ماي شىعىنى وتە جوعارى بولادى .بۇل بارىستا اۆتوكولىكتەگى ارالاسپا گاز قويۋ كۇيدە بولادى ، اۆتوكولىك كومپيۋتەرى كوپ بۇركىپ ،تەز قارقىندا اۆتوكولىكتى قىزدىرۋ ،امال بار تەز قارقىندا  ماتوردى ەڭ جاقسى قىزمەت تەمپراتۋراسىنا جەتكىزۋ ءۇشىن كۇشەيدى . ءار جولى سۋىق اۆتوكولىكتى وتالدىرعاندا ماتوردىڭ اينالىم قارقىنى ءبىر شاما جوعارى بولاتىنى وسىدان . تەمپىراتۋرا قانشا تومەن بولسا قىزدىرۋعا كەتەتىن ۋاقىت سونشا كوپ بولادى . مىنە بۇل ماتوردىڭ اينالىم قارقىنىن ادەيى تەزدەتىپ ، ماتوردىڭ سۋ تەمپىراتۋراسىن تەز ورلەتۋ بارىسى .

ءبىر كۇن ىشىندە ءدال وسىنداي سۋىق وتالدىرۋ باسقىشى ءبىر قانشا رەت قايتالانسا ارينە اۆتوكولىكتىڭ ماي ورتەۋى تابيعي جوعارلادى دەگەن ءسوز .

اۆتوكولىك ىستەتۋدە قىس ماۋسىمى باسقا ماۋسىمعا ۇقسامايدى ، سىرتقى ورتانىڭ تەمپىراتۋراسى تومەن بولعاندىقتان ، ماتوردىڭ جىلۋلىق تاراتۋى دا تەز بولادى ،تاعى دا ماتور وزىنىڭ قالىپتى قىزمەت تەمپراتۋراسىن ساقتاۋى كەرەك .كوپتەگەن بەنزين جىلۋلىق ەنەرگياسىنا اينالىپ سىراپ بولىپ كەتەدى . بۇلدا ماي ورتەۋىنىڭ ارتىپ كەتۋىندەگى باستى سەبەپتەردىڭ ءبىرى .تەمپىراتۋرا قانشا تومەن بولعان سايىن ماتوردا سونشالىق جىلۋلىق ەنەرگياسىن سارىپ ەتەدى . ارينە بۇل جىلۋلىق بەنزيننىڭ ورتەنۋى ارقىلى كەلەدى .

سوندىقتان بۇل جەردە ەسكەرتە كەتەر تاعى ءبىر ءجايت ،ماتوردىڭ تەمپىراتۋرا تەڭشەگىشى (节温器) نەن كىنارات بايقالىپ ، قىس ماۋسىمىندا ماتوردىڭ سۋ تەمپراتۋراسى قالىپتى گرادۋىسقا جەتە الماسا دەركەزىندە الماستىرىپ رەمونتتاۋ كەرەك ،ايتپەگەندە كولىگىڭىزدىڭ ءىشى سۋىق بولعانىمەن قويماي جانارمايدى دا كوپ جەيتىن بولادى .

كولىكتىڭ ماي كۇيدىرۋىن اسىرىپ جىبەرەتىن تاعى ءبىر سەبەپ بولسا ءار رەتكى جۇرەتىن جولىنىڭ قىسقا بولۋىمەن تىعىز بايلانىستى . جاز ماۋسىمىندا كولىگىڭىز ەكى كيلومەتر ارالىقتا عانا ماتوردىڭ تەمپراتۋراسى نورمال كۇيگە جەتىپ الادى دا ،ماتوردىڭ ماي بۇركۋى قالىپتى كۇيدە ولشەمدى ماي بۇركىپ وتىرادى ، ال قىس ماۋسىمىندا ەڭ كەم دەگەندە بەس كيلومەتر ارالىققا دەيىن سۋدىڭ تەمپراتۋراسى قالىپتى كۇيگە جەتە قويۋى ەكىتالاي ،ارينە جوعارىدا ايتقانداي ماتوردىڭ گرادۋىسى بەلگىلى شەككە جەتكەنگە دەيىن ماتور مايدى كۇشەپ بۇركىپ ارتىق جانارماي ورتەيدى ،مىنە وسى سەبەپتى قىس ماۋسىمىندا قىسقا ارالىقتا ماشينا جۇرگىزە بەرسەڭىز ،مايىڭىز ارتعىمەن ورتەنە بەرەدى .

قىس ماۋسمىنداعى تەمپىراتۋرانىڭ اسەرىنەن ماي ورتەۋىنىڭ جوعارى بولۋىنان ساقتانۋعا بولمايدى .بۇل بارلىق اۆتوكولىكتە بولاتىن قالىپتى جاعداي ، وعان بولا اقشا جۇمساپ باس اۋىرتۋىڭىزدىڭ قاجەتى شامالى .

ارينە ماي ورتەۋى جوعارى بولۋدان تىس جانەدە باسقا ماسەلەلەر بايقالسا ، ماسەلەن: وتالدىرۋ قيىن بولۋ ، ماتوردىڭ ءدىرىلى كۇشتى بولۋ ، ماتوردىڭ كۇشىنىڭ السىرەۋى ،سۋدىڭ تەمپراتۋراسى ورلەمەي قويۋ سىندى ماسەلەلەر بايقالسا دەركەزىندە تەكسەرتىپ رەمونت جاساعانڭىز ابزال .

微信小程序搜索《xalhar翻译》

视频下载APP：mtv.xalhar.net

音乐下载APP：app.xalhar.net