جۇڭگو ۇكىمەت تورابىنىڭ حابارلاۋىنشا، توراپتاستار ”تيجاراتقا پايدالاناتىن اۆتوموبيلدەر مەن موتوتسيكلدەردى بەلگىلى مەرزىم شەگى تولعان سوڭ ءماجبۇرلى تۇردە كەرەكتەن قالدىرۋدى كۇشىنەن قالدىرۋ“ جونىندە ۇسىنىس بەرگەن، وسى جونىندە ساۋدا مينيسترلىگىنىڭ تۇتىنۋدى ىلگەرىلەتۋ مەڭگەرمەسى جاۋاپ قايتاردى.
حىبەي ولكەسى شىجياجۋاڭ قالاسىنداعى ”گو * جياڭ“ توراپتاس بىلاي دەيدى: قازىر اۆتوموبيل ءوندىرۋ ونەرى بۇرىنعىمەن سالىستىرعاندا بارىنشا جوعارىلادى، تيجاراتقا پايدالاناتىن كەيبىر اۆتوموبيلدەر ءماجبۇرلى تۇردە كەرەكتەن قالدىرىلاتىن بەلگىلى جىل شەگى تولعان بولسا دا، اۆتوموبيل ونشالىقتى توزىپ كەتپەيدى. قازىر ەل ىشىندە اتقارىلىپ وتىرعان تيجاراتقا پايدالاناتىن اۆتوموبيلدەردى ءماجبۇرلى تۇردە كەرەكتەن قالدىرۋ جونىندەگى بەلگىلەمە ءىس جۇزىندىك جاعدايعا ۇيلەسپەيدى، ءماجبۇرلى تۇردە كەرەكتەن قالدىرۋ بايلىق قاينارىن ىسىراپ ەتكەندىك، ەكىنشى رەتكى لاستانۋدى قولمەن جاساعاندىق. اۆتوموبيل تەك حاۋىپسىزدىگى جاعىنداعى تەكسەرۋدەن وتكىزىلسە بولعانى، جالعاستى پايدالانۋعا رۇقسات بەرگەن ءجون.
جياڭسۋ ولكەسى نانجيڭ قالاسىنداعى توراپتاس ”حاحا“ بىلاي دەيدى: موتوتسيكلدى پايدالانۋ مەرزىمى 13 جىلعا تولعان سوڭ ءماجبۇرلى تۇردە كەرەكتەن قالدىرىلادى، بۇل موتوتسيكل ونەركاسىبىنىڭ دامۋىنا ءتيىمسىز بولۋمەن بىرگە، تۇتىنۋشىلاردىڭ موتوتسيكل ساتىپ السام دەگەن تىلەگىن دە تومەندەتەدى. موتوتسيكلدى 13 جىل پايدالانعان سوڭ ءماجبۇرلى تۇردە كەرەكتەن قالدىرۋ جونىندەگى بەلگىلەمەنى كۇشىنەن قالدىرىپ، موتوتسيكل وندىرەتىن كاسىپورىنداردىڭ وزەكتى تەحنيكالاردى زەرتتەۋىنە شابىت بەرىپ، وسى ارقىلى تۇتىنۋدى اناعۇرلىم ىنتالاندىرعان ءجون.
ساۋدا مينيسترلىگىنىڭ تۇتىنۋدى ىلگەرىلەتۋ مەڭگەرمەسى بىلاي دەپ جاۋاپ قايتارعان: تاس جولداعى قاتىناس حاۋىپسىزدىگىنە كەپىلدىك ەتۋ، تەحنيكالىق جاقتان العا باسۋعا شابىتتاندىرۋ، ەكولوگيالىق ورتانى قورعاۋدى كۇشەيتۋ ءۇشىن، 2012 – جىلى مەملەكەتتىك كەڭەستىڭ قاتىستى تاراۋلارى «موتورلى كولىكتەردى ءماجبۇرلى تۇردە كەرەكتەن قالدىرۋ ولشەمىن» جاريالاپ، تيجاراتقا پايدالاناتىن اۆتوموبيلدەردى، موتوتسيكلدەردى قامتىعان موتورلى كولىكتەردى كەرەكتەن قالدىرۋ قىزمەتىن باسقارۋ تالابىن ورتاعا قويعان. ەكونوميكا مەن قوعامنىڭ دامۋىنا بايلانىستى، اۆتوموبيل مەن موتوتسيكل ونىمدەرىنىڭ ساپاسى مەن تەحنيكالىق يقۋاتى ۇزدىكسىز جوعارىلاۋدا، تاس جولداعى قاتىناس ورتاسى دا ۇزدىكسىز جاقسارۋدا، بۇل موتورلى كولىكتەردى ءماجبۇرلى تۇردە كەرەكتەن قالدىرۋدى باسقارۋعا جاڭا تالاپ قويدى. كەلەسى قادامدا، مەملەكەتتىك كەڭەستىڭ قاتىستى تاراۋلارى موتورلى كولىكتەردىڭ تەحنيكالىق جاعدايى، پايدالانۋ كۇشەمەلىلىگى، حاۋىپسىزدىك قاجەتى، ەنەرگيانى ۇنەمدەپ، ورتانى قورعاۋ جاعدايى، تۇتىنۋدى ارتتىرۋ قاتارلى فاكتورلاردى ءبىرتۇتاس ويلاستىرا وتىرىپ، قوعامداعى جۇرتشىلىق، وسى سالاداعى كاسىپورىندار، ۇكىمەتتىڭ باسقارۋشى تاراۋلارى قاتارلى ءارقايسى جاقتاردىڭ پىكىرىن جان – جاقتى ويلاستىرىپ، موتورلى كولىكتەردى كەرەكتەن قالدىرۋدىڭ عىلىمي، ۇيلەسىمدى ولشەمىن زەرتتەپ بەلگىلەپ، ەكونوميكا مەن قوعامنىڭ جالعاستى اقاۋسىز دامۋىن ىلگەرىلەتەدى.
كەلۋ قاينارى: حالىق تورابى
微信小程序搜索《xalhar翻译》
视频下载APP：mtv.xalhar.net
音乐下载APP：app.xalhar.net
视频下载APP：mtv.xalhar.net
音乐下载APP：app.xalhar.net
