ب م ۇ-نىڭ 15 قۇرىلىمى بىرلەسكەن مالىمدەمە جاريالاپ، يزرايل ارمياسىن ادامگەرشىلىك قىزمەتكەرلەرىنە شابۋىل جاساۋدى توقتاتۋعا ۇندەدى
ءوز حابارىمىز. ليۆان ارمياسىنىڭ ساققۇلاق قايراتكەرى بىلاي دەدى: يزرايلدىڭ سوعىس ۇشاعى مەن ۇشقىشسىز ۇشاعى 11-ايدىڭ 1-كۇنى ليۆاننىڭ شىعىس بولەگىندەگى پالبەك قالاسىنا جانە توڭىرەكتەگى نەشە ونداعان قالا-قالاشىقتار مەن قىستاقتارعا 34 رەت اۋە شابۋىلىن جۇرگىزىپ، 48 ادام ءولىپ، 50 ادام جارالاندى. قۇتقارۋ قىزمەتى جالعاسۋدا، مەجەمەن 15 ادام دەرەكسىز كەتتى.
گازا وڭىرىندەگى اقپارات قۇرالدارى كەڭسەسى جەرگىلىكتى ۋاقىت 11-ايدىڭ 1-كۇنى كەشتە بىلاي دەدى: وتكەن بىرنەشە ساعاتتا يزرايل ارمياسى گازانىڭ سولتۇستىگىندەگى كوپتەگەن تۇرعىندار عيماراتىن بومبىلاپ، 84 ادام ءولىپ، نەشە ونداعان ادام دەرەكسىز كەتتى جانە جارالاندى. ب م ۇ-نىڭ ادامگەرشىلىك ىستەرىن سايكەستىرۋ مەڭگەرمەسى، بوسقىندار ىستەرى مەكەمەسى، دۇنيە جۇزىلىك دەنساۋلىق ساقتاۋ ۇيىمى سياقتى 15 قۇرىلىم سول كۇنى بىرلەسكەن مالىمدەمە جاريالاپ، گازادا سوعىسىپ جاتقان بارلىق جاقتاردى جاي حالىقتى قورعاۋعا قۋزادى ءارى يزرايلدىڭ گازاعا كومەككە بارعان قىزمەتكەرلەرگە شابۋىل جاساۋىن توقتاتۋعا ۇندەدى. گازانىڭ سولتۇستىگىندەگى رايونداردا جۇلىن سۇر زاتى قابىنۋ ۆاكسيناسىن ەگۋ قىزمەتى جەرلىك ۋاقىت 11-ايدىڭ 2-كۇنى قالپىنا كەلەدى.
