شينجياڭ كليمات ورتالىعى 10-ايدىڭ 31-كۇنى مىنانى ءبىلدىردى: مەجەمەن 11-ايدا بۇكىل شينجياڭنىڭ ورتاشا اۋا تەمپەراتۋراسى قالىپتى جىلدارداعى كەزدەردەن ءبىراز جوعارى نەمەسە جوعارى بولادى، وڭتۇستىك شينجياڭنىڭ باتىسىنداعى تاۋلى رايونداردا ءسال تومەن بولادى: 11-ايدا التاي ايماعى، تارباعاتاي ايماعى، بۇراتالا وبلىسى، ىلە وبلىسى، قارامايلى قالاسى، شىحىزى قالاسى، سانجى وبلىسى، ءۇرىمجى قالاسى، قۇمىل قالاسى، تۇرپان قالاسى جانە بايىنعولين وبلىسى قاتارلى جەرلەردىڭ ورتاشا اۋا تەمپەراتۋراسى قالىپتى جىلدارداعى كەزدەردەن ℃1.1-℃1.5 جوعارى بولادى؛ اقسۋ ايماعى، قىزىلسۋ وبلىسىنىڭ جازىق رايوندارى، قاشقار ايماعىنىڭ جازىق رايوندارى، حوتان ايماعى قاتارلى جەرلەردىڭ اۋا تەمپەراتۋراسى ℃0.3-℃0.9جوعارى بولادى، وڭتۇستىك شينجياڭنىڭ باتىس بولەگىندەگى تاۋلى وڭىرلەردىڭ اۋا تەمپەراتۋراسى ℃0.3-℃0.9 تومەن بولادى.
