སྤྱི་ལོ་2025ལོའི་དུས་ཆེན་དང་གུང་གསེང་གི་དུས་ཚོད་འདི་འདྲ་རེད་འདུག

 རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས་སྤྱི་ཟླ་11ཚེས་12ཉིན། སྤྱི་ལོ་2025ལོའི་དུས་ཆེན་དང་གུང་གསེང་ཁག་གཅིག་གི་བཀོད་སྒྲིག་བྱ་རྒྱུའི་སྐོར་གྱི་བརྡ་ཐོ་ཁྱབ་བསྒྲགས་བྱས་པ་དང་། ནང་དོན་ཞིབ་ཕྲ་ནི་གཤམ་གསལ་ལྟར།

     ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་པ་བརྒྱུད། སྤྱི་ལོ་2024ལོའི་ཟླ་11པར་བཟོ་བཅོས་བརྒྱབ་པའི《རྒྱལ་ཡོངས་ཀྱི་ལོ་གསར་དང་དུས་ཆེན། དྲན་གསོ་ཉིན་མོའི་གུང་གསེང་གཏོང་ཐབས་》གཞིར་བཟུང་། སྤྱི་ལོ་2025ལོའི་ཟླ་1ཚེས་1ཉིན་ནས་བཟུང་། སྤྱི་དམངས་ཡོངས་ལ་གུང་གསེང་གཏོང་བའི་ཉིན་2མང་དུ་ཕྱིན་པ་དང་། དེའི་ནང་དཔྱིད་གསར་དུས་ཆེན་དང་ངལ་རྩོལ་དུས་ཆེན་ལ་ཉིན་རེ་རེ་མང་དུ་ཕྱིན་ཡོད། དེར་བརྟེན་གུང་གསེང་ངལ་གསོ་ལེགས་སྒྲིག་བྱེད་པའི་རྩ་དོན་སྔར་ལས་ལེགས་འགྱུར་དང་འཐུས་སྒོ་ཚང་དུ་གཏོང་དགོས་ཤིང་། དམིགས་བསལ་གྱི་གནས་ཚུལ་རེ་ཟུང་ཕུད་དཔྱིད་གསར་དུས་ཆེན་ནི་ལུགས་རྙིང་ལོའི་གནམ་གང་ནས་བཟུང་ལེགས་སྒྲིག་བྱས་རྗེས་ངལ་གསོ་ཉིན་8ཡིན་པ་དང་། རྒྱལ་སྟོན་དུས་ཆེན་ནི་ཟླ་10ཚེས་1ཉིན་ནས་བཟུང་ལེགས་སྒྲིག་བྱས་རྗེས་ངལ་གསོ་ཉིན་7ཡིན་པ། ངལ་རྩོལ་དུས་ཆེན་ནི་ལེགས་སྒྲིག་བྱས་རྗེས་ངལ་གསོ་ཉིན་5ཡིན་པ། སྤྱི་ལོའི་ལོ་གསར་ཚེས་དང་། དྭངས་གསལ་དུས་ཆེན། སྣྲོན་ཟླའི་ཚེས་ལྔའི་དུས་ཆེན། ཟླ་མཆོད་དུས་ཆེན་བཅས་སོ་སོ་ལེགས་སྒྲིག་བྱས་རྗེས་ངལ་གསོ་ཉིན་3(གལ་སྲིད་གཟའ་ལྷག་པ་དང་འཁེལ་ཡོད་ན་ཏག་ཏག་ཉིན་དེར་ངལ་གསོ་རྒྱག་རྒྱུ)ཡིན་པ། རྒྱལ་སྟོན་དུས་ཆེན་གྱི་གུང་གསེང་དེ་ཟླ་མཆོད་དུས་ཆེན་དང་ཏག་ཏག་འཁེལ་ན་ཟླ་སྒྲིལ་བཏང་ནས་ངལ་གསོ་ཉིན་བརྒྱད་ཡིན་པ་བཅས་རེད།

     གོང་གསལ་གྱི་རྩ་དོན་ལྟར། ད་ལྟ་སྤྱི་ལོ་2025ལོའི་སྤྱི་ལོའི་ལོ་གསར་དང་། དཔྱིད་གསར་དུས་ཆེན། དྭངས་གསལ་དུས་ཆེན། ངལ་རྩོལ་དུས་ཆེན། སྣྲོན་ཟླའི་ཚེས་ལྔའི་དུས་ཆེན། ཟླ་མཆོད་དུས་ཆེན། རྒྱལ་སྟོན་དུས་ཆེན་བཅས་ཀྱི་གུང་གསེང་དང་ངལ་གསོའི་དུས་ཚོད་བཀོད་སྒྲིག་ཞིབ་ཕྲ་གཤམ་གསལ་ལྟར།

• གཅིག སྤྱི་ལོའི་ལོ་གསར། སྤྱི་ཟླ་1པོའི་ཚེས་1ཉིན་（གཟའ་ལྷག་པ）ངལ་གསོ་ཉིན་གཅིག ངལ་གསོ་ལེགས་སྒྲིག་བྱ་རྒྱུ་མིན།

• གཉིས། དཔྱིད་གསར་དུས་ཆེན། སྤྱི་ཟླ་1ཚེས་28ཉིན་（ལུགས་རྙིང་ལོའི་གནམ་གང་དང་རེས་གཟའ་མིག་དམར་）ནས་སྤྱི་ཟླ་2ཚེས་4ཉིན་བར་གུང་གསེང་ལེགས་སྒྲིག་བྱས་ནས་ངལ་གསོ་འཇོག་རྒྱུ་དང་། ཁྱོན་བསྡོམས་ཉིན་8ཡོད། སྤྱི་ཟླ་1ཚེས་26ཉིན་(གཟའ་ཉི་མ)དང་སྤྱི་ཟླ་2ཚེས་8ཉིན་(གཟའ་སྤེན་པ)ལས་ཀར་འགྲོ་དགོས།

• གསུམ། དྭངས་གསལ་དུས་ཆེན། སྤྱི་ཟླ་4ཚེས་4ཉིན་(གཟའ་པ་སངས)ནས་ཚེས་6ཉིན་(གཟའ་ཉི་མ)བར་གུང་གསེང་གཏོང་རྒྱུ་ཡིན་ཞིང་། ཁྱོན་བསྡོམས་ཉིན་3ཡོད།

• བཞི། ངལ་རྩོལ་དུས་ཆེན། སྤྱི་ཟླ་5ཚེས་1ཉིན་(གཟའ་ཕུར་བུ)ནས་ཚེས་5ཉིན་(གཟའ་ཟླ་བ)བར་གུང་གསེང་ལེགས་སྒྲིག་བྱས་ནས་ངལ་གསོ་འཇོག་རྒྱུ་དང་། ཁྱོན་བསྡོམས་ཉིན་5ཡོད། སྤྱི་ཟླ་4ཚེས་27ཉིན་(གཟའ་ཉི་མ)ལས་ཀར་འགྲོ་དགོས།

• ལྔ། སྣྲོན་ཟླའི་ཚེས་ལྔའི་དུས་ཆེན། སྤྱི་ཟླ་5ཚེས་31ཉིན་(གཟའ་སྤེན་པ) ནས་སྤྱི་ཟླ་6ཚེས་2ཉིན་(གཟའ་ཟླ་བ)བར་གུང་གསེང་འཇོག་རྒྱུ་དང་། ཁྱོན་བསྡོམས་ཉིན་3ཡོད།

• དྲུག རྒྱལ་སྟོན་དུས་ཆེན་དང་ཟླ་མཆོད་དུས་ཆེན། སྤྱི་ཟླ་10ཚེས་1ཉིན་(གཟའ་ལྷག་པ)ནས་ཚེས་8ཉིན་(གཟའ་ལྷག་པ)བར་གུང་གསེང་ལེགས་སྒྲིག་བྱས་ནས་ངལ་གསོ་འཇོག་རྒྱུ་དང་། ཁྱོན་བསྡོམས་ཉིན་8ཡོད། སྤྱི་ཟླ་9ཚེས་28ཉིན་(གཟའ་ཉི་མ)དང་སྤྱི་ཟླ་10ཚེས་11ཉིན་(གཟའ་སྤེན་པ)ལས་ཀར་འགྲོ་དགོས།

     དུས་ཆེན་དང་གུང་གསེང་རིང་། ས་ཁུལ་ཁག་དང་སྡེ་ཚན་ཁག་གིས་ལས་རེས་དང་བདེ་འཇགས། བདེ་སྲུང་དང་རིམས་ནད་སྔོན་འགོག་ཚོད་འཛིན་སོགས་ཀྱི་ལས་དོན་བཀོད་སྒྲིག་འོས་འཚམ་བྱས་ཏེ། ཐོལ་བྱུང་དོན་རྐྱེན་ཚབས་ཆེན་འཕྲད་ཚེ། གཏན་འབེབས་གཞིར་བཟུང་དུས་ཐོག་ལ་སྙན་སེང་ཞུ་བ་དང་ཐག་གཅོད་འོས་འཚམ་གྱིས་མི་དམངས་མང་ཚོགས་འཆམ་མཐུན་དང་བདེ་འཇགས་ངང་དུས་ཆེན་དང་གུང་གསེང་གཏོང་ཐུབ་པར་འགན་ལེན་བྱེད་དགོས།

来源：中央广播电视总台藏语微信公众号

编辑：李 晶 晶

初审：李 晶 晶

复审：嘎     珍

终审：次仁多吉

县委进一步改进作风狠抓落实工作举报方式

举报电话：

0892-8212740

举报邮箱：

kmxdcs@sina.com

举报信箱点位：

党政办公楼大门右侧、政府楼大门左侧

邮政信箱：

康马县党政办公楼作风办212办公室