༡ རླངས་འཁོར་རྙིང་པ་ཟོག་རོར་བཏང་ནས་གསར་པ་མཁོ་སྒྲུབ་བྱེད་པའི་ཐད་སྲིད་ཇུས་རོགས་སྐྱོར།
2024ལོའི་ཟླ་9པའི་ཚེས་1ཉིན་ནས་ཟླ་12པའི་ཚེས་31ཉིན་བར། དུ་རླངས་འབུད་ཚད་རྒྱལ་ཁབ་རིམ་པ་གསུམ་པའི་ཚད་གཞི་ལོན་པའི་སྣུམ་སྒུལ་རླངས་འཁོར་དང་། ཡང་ན་ཚད་གཞི་དེ་མན་གྱི་སྣུམ་སྒུལ་རླངས་འཁོར། དེ་བཞིན་2018ལོའི་ཟླ་4པའི་ཚེས་30ཉིན་གྱི་གོང་དུ། མཁོ་སྒྲུབ་ཐོ་འགོད་བྱས་པའི་ནུས་རྒྱུ་གསར་པའི་རླངས་འཁོར་བཅས་བེད་མེད་ཟོག་རོར་བཏང་ནས། ནུས་རྒྱུ་གསར་པའི་རླངས་འཁོར་གསར་པ་ཉོས་ན། སྒོར་ཁྲི་2ཁ་གསབ་བྱ་རྒྱུ་དང་། དུ་རླངས་འབུད་ཚད་ཧྲེང་2.0དང་དེ་མན་གྱི་སྣུམ་སྒུལ་རླངས་འཁོར་ཉོས་ན་སྒོར་ཁྲི་1.5ཡི་ཁ་གསབ་བྱ་རྒྱུ་རེད། དེའི་ཁ་གསབ་ལེན་མཁན་ནི་ཟོག་རོར་གཏོང་མཁན་དང་གསར་པ་ཉོ་མཁན་མི་གཅིག་ཡིན་དགོས།
༢ རླངས་འཁོར་གསར་རྙིང་བརྗེས་པ་རྒྱག་པའམ་རླངས་འཁོར་གསར་རྐྱང་མཁོ་སྒྲུབ་བྱེད་པའི་ཐད་སྲིད་ཇུས་རོགས་སྐྱོར།
ལག་རྒྱུད་རླངས་འཁོར་བཙོངས་ནས་རླངས་འཁོར་གསར་པ་ཉོ་བའམ་རླངས་འཁོར་གསར་རྐྱང་ཉོ་མཁན་ཚོར། རླངས་འཁོར་གྱི་མ་གནས་རིན་གོང་ལ་གཞིགས་ནས་ཁ་གསབ་ལེན་རྒྱུ་ཡོད་པ་སྟེ། མ་གནས་རིན་གོང་སྒོར་ཁྲི་5(ཚུད་མེད)དང་དེ་མན་གྱི་རླངས་འཁོར་ཉོས་ན། སྒོར་2000གི་ཁ་གསབ་ལེན་རྒྱུ་ཡོད་པ་དང་། མ་གནས་རིན་གོང་སྒོར་ཁྲི་5(ཚུད་པ)ཡན་དང་སྒོར་ཁྲི་10(ཚུད་མེད)མན་གྱི་རླངས་འཁོར་ཉོས་ན། སྒོར་4000གི་ཁ་གསབ་ལེན་རྒྱུ་ཡོད་པ། མ་གནས་རིན་གོང་སྒོར་ཁྲི་10(ཚུད་པ)ཡན་དང་སྒོར་ཁྲི་15(ཚུད་མེད)མན་གྱི་རླངས་འཁོར་ཉོས་ན། སྒོར་7000གི་ཁ་གསབ་ལེན་རྒྱུ་ཡོད་པ། མ་གནས་རིན་གོང་སྒོར་ཁྲི་15(ཚུད་པ)ཡན་དང་སྒོར་ཁྲི་20(ཚུད་མེད)མན་གྱི་རླངས་འཁོར་ཉོས་ན། སྒོར་11000གི་ཁ་གསབ་ལེན་རྒྱུ་ཡོད་པ། མ་གནས་རིན་གོང་སྒོར་ཁྲི་20(ཚུད་པ)ཡན་གྱི་རླངས་འཁོར་ཉོས་ན། སྒོར་15000གི་ཁ་གསབ་ལེན་རྒྱུ་ཡོད།
འཛད་སྤྱོད་པ་ཞིང་འབྲོག་མང་ཚོགས་ཡིན་ཚེ་གོང་གསལ་ཁ་གསབ་ཚད་གཞི་ཁག་གི་རྨང་གཞིའི་སྟེང་སྒོར་2000བསྣན་རྒྱུ་དང་། གསར་རྙིང་བརྗེས་པ་རྒྱག་མཁན་ནམ་ནུས་པ་གསར་པའི་རླངས་འཁོར་ཉོས་ན་གོང་གསལ་ཁ་གསབ་ཚད་གཞིའི་རྨང་གཞིའི་ཐོག་སྒོར་1000བསྣན་རྒྱུ། རླངས་འཁོར་གསར་པ་གཅིག་ལ་ཁ་གསབ་རོགས་དངུལ་ཐེངས་གཅིག་ལས་ལོངས་སྤྱོད་བྱས་མི་ཆོག
༣ ཁ་གསབ་རོགས་དངུལ་རེ་ཞུ་བྱེད་སྟངས།
འཛད་སྤྱོད་པས་རླངས་འཁོར་ཉོ་རིན་སྔོན་ལ་སྤྲད་ནས་ཉོ་ཚོང་ལེགས་གྲུབ་བྱུང་རྗེས། བོད་འབྱུང་སྣེ་གདོང་ལ་འབོད་པའི་འཕྲིན་ཕྲན་གྱི་བྱ་རིམ་ཆུང་གྲས་མཉེན་ཆས་ནང་། འབྲེལ་ཡོད་རེ་འདུན་གཞིར་བཟུང་། ཡུལ་མིའི་ཐོབ་ཐང་ལག་ཁྱེར་པར་རིས་དང་། ཟོག་རོར་བཏང་བའི་དཔང་ཡིག་གམ་ཐོ་བསུབ་དཔང་ཡིག ཁ་གསབ་རེ་ཞུའི་རེའུ་མིག མཁོ་སྒྲུབ་འཛིན་ཤོག་པར་རིས། ཉོ་ཚོང་གན་རྒྱའི་པར་རིས་སོགས་བཅུག་ནས། གོ་བསྡུར་སྒུག་ནས་ཚར་རྗེས་རང་ཉིད་ཀྱི་དངུལ་ཁང་བྱང་བུའི་ནང་ཁ་གསབ་རོགས་དངུལ་རྒྱག་གི་ཡོད།
༤ ཐེར་འདོན་ཁ་པར། 0893-7824146
来源：山南发布
