巾帼4｜“恶人代表”林敬刚硬啃猪馊劲逼真 罗天宇谷爆胸肌劲抢镜
TVB台庆剧《巾帼枭雄之悬崖》昨晚（18日）一集，再有新角色登场，就是饰演衰格监狱头目文青哥的绿叶演员林敬刚。剧情讲述十七（黎耀祥饰）因龙四海（萧正楠饰）背后操控遭诬告入狱之馀，还要面对被收买的同房囚犯及文青哥欺凌。
生性好赌、讲大话不眨眼，兼爱滥用职权恃势凌人的文青哥，出场未几即诬陷一众囚犯逃狱，并对众人加以凌辱。其间七爷（胡定欣饰）拉队到狱中，为十七及韦豪（罗天宇饰）出头，十七趁机“反嫁祸”文青哥、逼令文青哥当众硬啃混入了尿液的猪馊。
林敬刚演出亮眼，每次出场制造压迫感。首先在众人紧张被冤枉杀人而被判死刑的韦豪，能否脱罪时，文青哥竟以审判结果开玩笑，并对韦豪冷嘲热讽；
而饮馊水一幕，林敬刚更是演得逼真，为死撑自己没虐待囚犯，文青哥当众生吞臭味熏天馊水，他演活了极度噁心的状态之馀，更青筋暴现兼满面通红。
林敬刚笑言拍摄时，将那堆东西幻想成粪便帮助投入：“我喺香港同内地都做过饮食，啲冷饭菜汁回收嗰桶嘢就係猪馊咁，都真係几难闻。只要观众谂：‘万一我食呢桶嘢，点食呀？’，或者觉得‘佢真係食紧屎咁喎’，只要令观众投入到、更加觉得你抵死就够㗎喇，我当时直头当桶嘢係屎咁食。”问到林敬刚当时吞进肚内的到底是甚麽时，他笑言：“个桶同我食落口嘅係两样嘢嚟，我食落口嗰啲，有少少似酸辣汤，都暖暖地嘅。”
林敬刚表示当初接到文青哥这个角色时，“最希望演到乞人憎得嚟，又会令观众最后同情”，并不介意演坏人：“每套戏/剧点都有好人同坏人，坏人变化仲好演，因为坏人演到几衰都得。”
另外，罗天宇在狱中剥衫演出亦震撼眼球，虽然相关晒肌场口不足半分钟，但除了结实的胸肌令人眼前一亮，罗天宇练至条理分明的背肌亦相当抢镜。
罗天宇受访时透露拍摄场口搞笑事，他接到剧本得悉要晒肌后，早于埋位前3个月已努力练大隻，岂料拍摄当日撞正低温，负责的导演没有叫他剥衫意思，令天宇一度以为连月来的努力要白费
他说：“去到拍嗰日都差不多尾声，仲觉得自己准备咗咁耐，拍完可以尽情食嘢兴致勃勃咁。我记得嗰日超冻，零度以下左右，我拎住剧本问导演时，佢话：‘唔使除啦’，我就：‘吓？但呢度写住赤裸上身喎，我为咗呢个三角形准备咗唔少时间喎。’因为我拍之前7日度已开始甩水，即係头几日饮好多公升水，3到6公升水，跟住慢慢cut，cut到最后一日24小时唔饮水。我跟住话我24小时冇饮水，可唔可以都拍一拍？佢就话：‘你除啦’。”
岂料搞笑事不止一浪，当天宇以为“晒肌”使命完成后，在片场大开食界之际，导演竟说要补拍大头，令他再度晴天霹雳。
他说：“我以为搞掂，就丧食嘢同饮水，点知导演话要补番入门口嘅Shot，我就：‘吓？头先唔係拍咗咩？’但我已经肥晒，身体已经吸咗好多水，啲线条都冇咁靓。呢件事就係教训我，未拍完一场戏都唔可以鬆懈，随时都要补拍番啲镜头。”
天宇续指为了操肌，除日食至少8隻鸡蛋补充蛋白质外，连零食也是鸡胸肉、蛋白麵包及蛋白能量棒；至于操肌，则要争取时间在酒店房间进行：“拍剧忙冇乜时间健身，所以就买咗大量健身器材同哑铃喺酒店房，一有时间就操。”
