རང་རེའི་རྫོང་གིས་མཐིལ་འདེགས་རང་བཞིན་གྱི་རོགས་སྐྱོར་ལས་དོན་འགོ་ཁྲིད་ཚོགས་ཆུང་གི་༢༠༢༤ལོའི་
ཆེད་དོན་འཛིན་གྲྭའི་འཆར་ཅན་ཚོགས་འདུ་ཐེངས་༡༣པ་འཚོགས་པ།
ཟླ་༡༢པའི་ཚེས་༢༣ཉིན་རང་རེའི་རྫོང་གིས་མཐིལ་འདེགས་རང་བཞིན་གྱི་རོགས་སྐྱོར་ལས་དོན་འགོ་ཁྲིད་ཚོགས་ཆུང་གི་༢༠༢༤ལོའི་ཆེད་དོན་འཛིན་གྲྭའི་འཆར་ཅན་ཚོགས་འདུ་ཐེངས་༡༣པ་འཚོགས་པ་རེད།རྫོང་ཨུའི་ཧྲུའུ་ཅི་རྫོང་གི་མཐིལ་འདེགས་རང་བཞིན་གྱི་རོགས་སྐྱོར་ལས་དོན་གྱི་ཆེད་དོན་འཛིན་གྲྭའི་འཛིན་གཙོ་བཀྲ་རྡོ་ཡིས་ཚོགས་འདུ་གཙོ་སྐྱོང་གནང་བ་དང་འབྲེལ་གསུང་བཤད་ཀྱང་གནང་བ་རེད།ཁོང་གིས་ཞིང་ཆེན་དང་ཁུལ་གྱི་མཐའ་སྐྱོང་རང་བཞིན་གྱི་རོགས་སྐྱོར་ལས་དོན་གྱི་བཀོད་སྒྲིག་བླང་བྱ་དོན་འཁྱོལ་ནན་ཏན་བྱས་ཏེ་ཆབ་སྲིད་ཀྱི་ལངས་ཕྱོགས་སྔར་བས་མཐོ་རུ་གཏོང་བ་དང་།ལས་ཀའི་དམིགས་ཚད་ལས་འགན་གཏན་འཁེལ་བྱེད་པ།ལས་དོན་སྦྲེལ་མཐུད་བྱེད་ཤུགས་ཆེ་རུ་གཏོང་བ།རོགས་སྐྱོར་མཉམ་ཤུགས་གཅིག་ཏུ་སྒྲིལ་བ།འགག་སྒྲོལ་ལྟ་སྐུལ་མཛུབ་ཁྲིད་ལ་ཤུགས་སྣོན་རྒྱག་པ།དགོས་གཏུག་གི་བསམ་པ་དང་།ལས་འགན་སྒྲུབ་སེམས།འགན་འཁྲི་འཁུར་སེམས་བཅས་ཁྱོན་ཡོངས་ནས་ཆེ་རུ་གཏོང་བ།དམིགས་ཚད་ཁག་བཅུ་ལ་དམ་པོར་དམིགས་ཏེ་གནད་སྨིན་ཤུགས་འདོན་དང་།དམིགས་ས་དྲུག་ལ་ཤུགས་སྣོན།སྲིད་ཇུས་གཞན་སྒྱུར་ལ་ཁྱོན་ཡོངས་ནས་ཤུགས་སྣོན་རྒྱག་པ་བཅས་བྱས་ཏེ་ལོ་འཁོར་གྱི་དམིགས་ཚད་ལས་འགན་ལེགས་སྒྲུབ་ཧུར་ཐག་བྱེད་པ་དང་།ཕྱི་ལོའི་འདེགས་སྐྱོར་རྣམ་གྲངས་གནད་སྨིན་ཇུས་འགོད་བྱས་ཏེ་འཕེལ་རྒྱས་འགྲོ་འགོར་བའི་རྫོང་ཁོངས་ཀྱི་གནས་བབ་ལས་ནུས་ཤུགས་ཡོད་རྒུས་སྒྲོལ་ཐུབ་པ་བྱེད་དགོས་ཞེས་ནན་བཤད་གནང་བ་རེད།
ཚོགས་འདུའི་ཐོག་༢༠༢༤ལོའི་མཐིལ་འདེགས་རང་བཞིན་གྱི་རོགས་སྐྱོར་ལས་དོན་སྤེལ་ཚུལ་གསན་པ་དང་༢༠༢༥ལོའི་ལས་དོན་འཆར་གཞི་དང“གསལ་ཐོ་བཞིར”ཞིབ་འཇུག་དང་གྲོས་ཞིབ་བྱས་པ་དང་།འབྲེལ་ཡོད་རོགས་སྐྱོར་ཚན་པས་༢༠༢༥ལོའི་རོགས་སྐྱོར་འཆར་གཞིའི་སྙན་སེང་ཞུས་པ་རེད།
ཚོགས་འདུའི་ཐོག་བསྟན་དོན།འདི་ལོ་ཚུན་དུ་རོགས་སྐྱོར་ཚན་པ་ཁག་གིས་ཐུན་མོང་ཐོག་ཕྱུག་པོ་ཆགས་པ་བྱ་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་དང་སི་ཁྲོན་གྱི་ལས་དོན་ཐད་ཀྱི་མཛུབ་སྟོན་གལ་ཆེན་རབ་དང་རིམ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་།ཏང་ཀྲུང་དབྱང་དང་ཞིང་ཨུ་དང་ཞིང་ཆེན་སྲིད་གཞུང་གི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་མཐའ་གཅིག་ཏུ་བྱེད་པ།མངགས་གཏོང་ཚན་པའི་ལས་ཀའི་བླང་བྱ་ལག་བསྟར་ནན་ཏན་བྱེད་པ།ཐོག་མཐའ་བར་གསུམ་དུ་ཉག་རོང་ལ་རོགས་སྐྱོར་བྱ་རྒྱུ་དེ་ཆབ་སྲིད་ཀྱི་འགན་འཁྲི་གལ་ཆེན་ཞིག་ཏུ་བརྩིས་ནས་གཙོ་གནད་ལས་འགན་ལ་དམིགས་པ་དང་དངོས་སྒྲུབ་བྱ་ཐབས་བཏོན་པ།“གསལ་ཐོ་དྲུག”དང་།“དམིགས་ཚད་ཁག་བཅུ”ལོ་འཁོར་གྱི་རོགས་སྐྱོར་ལས་འགན་བཅས་ལ་དམ་པོར་དམིགས་ཏེ་ཐོན་ལས་རོགས་སྐྱོར་གཙོ་གནད་དུ་བྱེད་པ་དང་།རོགས་སྐྱོར་ལས་དོན་དོན་འཁྱོལ་དང་ཕན་འབྲས་ཐོན་རྒྱུར་སྐུལ་འདེད་ཤུགས་ཆེན་གཏོང་བ།རང་རེའི་རྫོང་གི་ཐོན་ལས་སྐྱེད་སྲིང་རྒྱུན་མཐུད་སྟོབས་ཆེར་གཏོང་བ་དང་།དཔལ་འབྱོར་འཕེལ་རྒྱས་བརྟན་པོའི་ངང་ཡར་རྒྱས་ཡོང་བ།དམངས་འཚོའི་བྱ་གཞག་ལེགས་སུ་ནུས་ལྡན་གཏོང་བ།བརྟན་པོའི་རྨང་རྡོ་ཟམ་མི་ཆད་པར་བརྟན་དུ་གཏོང་བ།བཅོས་སྐྱོང་ཆུ་ཚད་མངོན་གསལ་དོད་པོས་མཐོ་རུ་གཏོང་བ་བཅས་ལ་སྐུལ་འདེད་ནུས་ལྡན་གཏོང་བ་བཅས་བྱས་ཏེ་དར་རྒྱས་འགྲོ་འགོར་བའི་རྫོང་ཁོངས་ཀྱི་གནས་བབ་ལས་སྒྲོལ་ཆེད་རྨང་གཞི་བརྟན་པོ་བཏིང་ཡོད།
ཚོགས་འདུའི་ཐོག་ནན་བཤད་བྱས་དོན།ཕྱོགས་ཡོངས་ནས་ཕྱོགས་བསྡོམས་ཡག་པོ་བྱེད་དགོས།དམིགས་ཚད་དང་རེའུ་མིག་ལ་གཞིགས་ནས་གཏན་འཁེལ་བྱས་པའི་དམིགས་ཚད་ལས་འགན་དང་མཐིལ་འདེགས་རང་བཞིན་གྱི་རོགས་སྐྱོར་ལས་དོན་གྱི་དཔྱད་ཞིབ་བླང་བྱ་བཏོན་ཏེ་ལོ་འཁོར་གྱི་ལས་འགན་ཁག་༩༩ལ་དམིགས་ནས་རེ་རེ་བཞིན་གསེད་བཀྲོལ་བྱེད་པ་དང་།དབྱེ་ཞིབ་དང་ཞིབ་དཔྱད་ལ་སྔར་བས་ཤུགས་སྣོན་རྒྱག་པ།མཐུན་སྦྱོར་སྦྲེལ་མཐུད་ཡག་པོ་བྱེད་པ།དམིགས་སའི་རང་བཞིན་གྱིས་ཞན་ཆ་གསབ་པའི་བྱ་ཐབས་བཟོ་བ།རྗེས་ལུས་དམིགས་ཚད་ཀྱི་ཧེ་བག་རྒྱུན་ཆད་མེད་པར་ཆུང་དུ་གཏོང་བ།ནུས་ཤུགས་ཡོད་རྒུས་ལོ་འཁོར་གྱི་མཇུག་བསྡུའི་ལས་དོན་ཡག་པོ་སྒྲུབ་པ།དཔྱད་ཞིབ་ལ་གྲུབ་འབྲས་ཡག་པོ་ཐོབ་པ་བཅས་བྱས་ནས་དུས་བཀག་ནང་འཕེལ་རྒྱས་འགྲོ་འགོར་བའི་རྫོང་ཁོངས་ཀྱི་གནས་བབ་ལས་སྒྲོལ་ཆེད་རྨང་གཞི་བརྟན་པོ་ཞིག་འདིང་རྒྱུ་རེད།རང་རེའི་རྫོང་གི་མཐིལ་འདེགས་རོགས་སྐྱོར་ལས་ཀའི་ཁྱད་ཆོས་དང་དཔེ་མཚོན་གྱོད་དཔེར་ཕྱོགས་བསྡོམས་དང་ཞུན་བརྡར་བྱས་ནས་མཐིལ་འདེགས་རང་བཞིན་གྱི་རོགས་སྐྱོར་རྣམ་པ་ཟབ་མོ་མུ་མཐུད་གཏོད་དགོས།སྔོན་ནས་ཇུས་གཞི་ཡག་པོ་འདིང་དགོས།རྫོང་ཁོངས་ཐོན་ལས་འཕེལ་རྒྱས་ཀྱི་དོན་དངོས་ལ་གཞི་ཚུགས་པ་དང་།རྒྱལ་ཁབ་དང་།ཞིང་ཆེན།ཁུལ་བཅས་ཀྱི་སྲིད་ཇུས་ཀྱི་ཁྲིད་སྟོན་ཁོང་དུ་ཆུད་པ།འཕེལ་རྒྱས་ལ་འཕྲད་པའི་འཐབ་ཇུས་རང་བཞིན་དང་།རྨང་གཞིའི་རང་བཞིན།འགག་རྩའི་རང་བཞིན་བཅས་ཀྱི་གནད་དོན་སྔར་བས་གསལ་པོ་བཟོ་བ།རྫོང་ཡོངས་ཀྱི་སྤུས་ཚད་མཐོ་བའི་འཕེལ་རྒྱས་ཀྱི་གཙོ་གནད་དང་འགག་རྩའི་ཁྱབ་ཁོངས་ལ་དམིགས་པ།རྫོང་ཁོངས་ཀྱི“རང་བརྟེན”ནུས་པ་ཆེ་རུ་གཏོང་རྒྱུ་ཁ་ཕྱོགས་སུ་བྱེད་པ།རོགས་སྐྱོར་སྟོབས་ཤུགས་ཁག་ལྔའི་ཐོན་ཁུངས་བསྡུ་སྒྲིལ་གང་ལེགས་བྱེད་པ།ཁྱབ་ཁོངས་ཁག་ཏུ་རོགས་སྐྱོར་མཉམ་ལས་ཀྱི་མི་མངོན་པའི་སྟོབས་ཤུགས་རྒྱུན་ཆད་མེད་པར་སྔོག་འདོན་བྱེད་པ།ཐུན་མོང་ཐོག་རོགས་སྐྱོར་རྣམ་གྲངས་ཇུས་འགོད་བྱེད་པ།༢༠༢༥ལོའི་མ་འཇོག་འདེགས་སྐྱོར་རྣམ་གྲངས་རེ་ཞུའི་ལས་དོན་ཡག་པོ་སྒྲུབ་པ།སྲིད་ཇུས་ཀྱི་རྒྱབ་སྐྱོར་དེ་འཕེལ་རྒྱས་ལེགས་ཆར་སྒྱུར་གང་ཐུབ་བྱེད་པ་བཅས་བྱས་ནས་མཐིལ་འདེགས་རང་བཞིན་གྱི་རོགས་སྐྱོར་ཕན་འབྲས་ཆེ་ཤོས་ཐོན་རྒྱུའི་འགན་ལེན་མཐའ་གཅིག་ཏུ་བྱ་རྒྱུ་ཡིན་པ་རེད།རང་འགུལ་ངང་འབྲེལ་མཐུད་བྱེད་ཤུགས་ཆེ་རུ་གཏོང་དགོས།ཞིང་ཆེན་དང་ཁུལ་གྱི་མཐིལ་འདེགས་རང་བཞིན་གྱི་རོགས་སྐྱོར་ལས་དོན་གྱི་སྲིད་ཇུས་ལ་དམིགས་ནས་ཞིང་ཆེན་དང་ཁུལ་གྱི་ལས་རིགས་སྡེ་ཚན་དང་འབྲེལ་གཏུག་འབྲེལ་མཐུད་བྱ་རྒྱུར་ཤུགས་སྣོན་ཧུར་ཐག་རྒྱག་པ་དང་།རོགས་སྐྱོར་བྱེད་མཁན་ཕྱོགས་དང་འབྲེལ་བ་དམ་ཟབ་བྱེད་པ།རྒྱལ་ཁབ་དང་ཞིང་ཆེན་དང་ཁུལ་གྱི་ལས་རིགས་སྲིད་ཇུས་དུས་ཐོག་ཏུ་ཁོང་དུ་ཆུད་པ་དང་དབྱེ་ཞིབ་བྱས་ནས་བརྡར་ཤ་གཅོད་པ།འཕེལ་རྒྱས་ཀྱི་དགོས་མཁོ་སྔ་སྣུར་དུ་གསེད་བཀྲོལ་བྱེད་པ།གོང་རིམ་སྲིད་ཇུས་ཀྱི་སྟོན་ཕྱོགས་ཁྱོན་ཡོངས་ནས་ཁོང་དུ་ཆུད་པ།གོམ་སྟབས་རྗེས་མའི་འཕེལ་རྒྱས་ཀྱི་གཙོ་གནད་ཚན་རིག་དང་མཐུན་པའི་སྒོ་ནས་ཇུས་འགོད་བཅས་བྱས་པ་རེད།གོང་ཞུ་འབྲེལ་མཐུད་བྱེད་ཤུགས་ཆེ་རུ་གཏོང་བ་དང་།འབྲེལ་མཐུད་དོན་འཁྱོལ་གྱི་བྱ་ཐབས་ལ་ཞིབ་འཇུག་གཏིང་ཟབ་བྱེད་པ།“རྣམ་གྲངས་སོགས་ཀྱི་མ་དངུལ་སྤྲོད་པ་དང་མ་དངུལ་སོགས་རྣམ་གྲངས་ལ་སྒུག་མི་དགོས་པའི”འདུ་ཤེས་བརྟན་པོ་འཛུགས་པ།སྤུས་ལེགས་ཀྱི་རྣམ་གྲངས་དེ་བས་མང་བ་ཞིག་ཉག་རོང་དུ་དོན་འཁྱོལ་ཐུབ་པའི་བརྩོན་ལེན་བཅས་བྱས་ཏེ་ནང་སྐྱེས་རང་བརྟེན་གྱི་ནུས་པ་མུ་མཐུད་ཆེ་རུ་གཏོང་དགོས།
རྫོང་གི་འགོ་ཁྲིད་ཞུང་ཡུང་ཅུན་དང་།ཁྲེན་པའོ་ཐང་།ཞུས་ཀྲེན་ཅན།ཐང་ལེ།རྫོང་གི་མཐིལ་འདེགས་རང་བཞིན་གྱི་རོགས་སྐྱོར་ལས་དོན་གྱི་ཆེད་དོན་འཛིན་གྲྭའི་ཚོགས་གཅོ་གཞོན་པ་ཡན་ལི་དང་མ་ཤིན་ཆི།རྫོང་གི་མཐིལ་འདེགས་རང་བཞིན་གྱི་རོགས་སྐྱོར་འགོ་ཁྲིད་ཚོགས་ཆུང་གི་ཁོངས་མིའི་ཚན་པའི་འགན་འཁུར་བློ་མཐུན་གཙོ་བོ་བཅས་ཚོགས་འདུར་ཞུགས་ཡོད་པ་རེད།
ཡོང་ཁུངས།བོད་སྐད་ལྟེ་གནས།
