欢迎订阅小号，来第一线吃瓜 ↓↓↓
唔知大家深夜睇电视，有冇留意视帝谭俊彦（Shaun）拍咗个广告，着住睡衣举哑铃，做足热身谂住喺老婆面前大展雄风，结果却被老婆兜头泼冷水，叫佢快啲冲凉瞓觉！
视帝一脸黯然，大叹：「当初老婆最锺意我嘅嘢，变成依家最嫌弃我嘅嘢」，誓要「扭转命运」！随即啪番包男士保健液，几晚之后，老婆态度大变，雄风返晒嚟，哈！
咁抵死，难怪观众对广告一见难忘。喂，视帝都系四十几岁啫，照计有排未到「男人要识得扭转命运」的年龄，唔通剧接剧残得零舍快？Shaun就话之你，仲卖花赞花香，话呢款保健产品适合做有氧运动前食，可以令运动更加持久喎，呵呵！同佢合作《企业强人》的靓女张曦雯听到笑晒口，强调自己男友唔需要，Shaun算唔算失威呢？
其实都系博君一粲，再博君掏出腰包多多帮衬啫。梗系啦，今时今日咁嘅环境，乜嘢最重要？当然系搵钱最重要！广告商觑准明星名气，出钱请明星拍广告，希望起促销作用；明星收咗酬劳，自然有责任做好份工。
所以啫，有钱搵，怕咩面懵喎。君不见，家阵不论系状态大勇的天后，定系颜值天花板的玉女，都为预防骨质疏松的阿婆奶粉卖广告；S.H.E的Ella更进一步，代言成人防尿垫，睇佢个年纪，应该有排未会漏尿啩。讲到底，有Job送上门，边会有人嫌钱腥！
讲番Shaun，《企业强人》的黑化表现获赞，加上视后佘诗曼都点名，希望将来可以二度合作，事业运发发声，非常强劲。现在连壮阳呢瓣都畀佢捞埋，边个够佢挥吖！
谢谢大家，今后也让我们一起愉快吃瓜吧~
