欢迎订阅，来第一线吃瓜 ↓↓↓
阮浩棕在剧集《异空感应》表现突出，令观众留下深刻印象，亦会留意到他是已故艺人梁舜燕的亲孙，阮浩棕承认嫲嫲的关系，令他初入行时比同期的行快了少许，他说：「嫲嫲嘅人脉关系有作用，但系咪去到好大呢？其实又唔系，之后都要靠自己。」
阮浩棕与梁舜燕关系密切，当年决定入行，事前亦先问过她意见，到正式入TVB，他与嫲嫲齐拍《EU超时任务》，剧中角色亦是两嫲孙，令阮浩棕非常难忘，但最令阮浩棕最记得的，是梁舜燕的一句话，他说：「佢每次见到我都讲，就算最后佢系病床都同我讲，佢话『害人之心不可有，防人之心不可无。」
入行初期不想人知是梁舜燕亲孙
阮浩棕说：「我初时真系唔想人知，因为我好怕做得差影衰我嫲嫲」，阮浩棕从来对演戏很认真，虽然嫲嫲是梁舜燕，但亦非一凡风顺，2014入行报读艺员训练班，之后出来都是由演路人甲开始，但梁舜燕的关系令他很快有机会演一些小角色，他说：「《EU超时任务》系因为我嫲嫲介绍我畀监制认识，所以有机会做一个单元角色，嫲嫲喺剧入面演我婆婆，我又系佢个孙⋯⋯好记得有场戏我哋拍外景，佢去到现场周围同人讲，『呢个我个孙嚟架，亲孙嚟㗎，你哋记得支持佢呀』，嫲嫲系好支持我，无论我演成点，当然而家睇返好多瑕疵，但佢真系好支持我。」
被网民封「上等孙」
当然随着最近《异空感应》令阮浩棕人气急升，有网民觉得阮浩棕是靠嫲嫲的关系，所以机会比别人多，阮浩棕理解这些声音，他说：「我都有睇网上的评语，有人话我系「上等孙」，呢个身份系会有帮助，即系我初入行时好快有小角色可演，但呢个帮助系咪去到好大呢？其实都唔系，都要睇我自己，譬如我喺《我家无难事》交唔到功课畀监制王心慰，我谂佢开拍《隐门》都唔会揾我，讲到最尾关系只系第一步，之后自己把握如何，呢个系自己嘅事。」
曾被导演父亲闹戏屎
阮浩棕除了嫲嫲是梁舜燕，爸爸亦是电视界出名的导演阮惠源，阮浩棕表示与爸爸的关系比较疏离，在他还小的时候，爸爸要到内地找工作机会，所以很少时间回家，直到阮浩棕2017年离开TVB，他有段时间跟随爸爸北上拍戏，那段时间才令两父子增加了沟通机会。
不过今年年初的时候，阮浩棕自曝与爸爸吵架，爸爸说了一句话令他崩溃，他说：「当时我同妈妈嗌紧交，咁我语气唔好，爸爸就护妻心切，就闹咗我一句「你的戏好屎」哗，呢一句即刻令我崩溃，我系接受唔到，因为我知爸爸拍剧好叻，我最想佢赞我，就算上年我有三套剧出街，佢都剩系话『开始有啲嘢睇喎」，未得到佢赞，就换嚟佢呢一句咁讲，我事后有同妈咪讲返，『爸爸头先嗰句我唔ok』，佢呢句说话令我喊咗好耐。」不过两父子无隔夜仇，阮浩棕今次在《异空感应》表现突出，爸爸就算不当面赞，应该都好满意儿子的演出。
谢谢大家，今后也让我们一起愉快吃瓜吧~
