欢迎订阅，来第一线吃瓜 ↓↓↓
艺人江若琳自早前车祸后首次公开站台，下午到工展会献唱，吸引不少传媒到场采访。谈到撞车一刻到翻车，她自言脑内一片空白，只顾解开安全带逃生，又指顿时感到人间有爱。
她说：「好多人主动走埋嚟帮手，不过当时我已经打开咗天窗脱离困境喇。其实我有车牌10几年喇，绝对唔系新牌仔，不过当刻铲咗上安全岛有啲抢軚，因为想避开啲嘢，架车太大搞到翻侧！」
谈到座驾是否报销，以及扣分等问题，江若琳回应：「交咗畀保险公司处理。（需要上堂？）今次系意外啫，我好幸运，车祸前啱啱接咗囝囝返屋企，有咩都应该阿妈顶。」
她直指刻下对驾车有阴影：「相信要时间去克服，暂时由老公做司机。我闭眼就谂起事发经过，仲发噩梦，好彩冇伤势，只系chok亲个头。」事件发生后，不少亲朋戚友都传讯息问候：「真系3日都覆唔晒！」
至于丈夫随即安排全家往日本旅行散心，江若琳透露：「我都系第一次去东京完全冇行过街，主要系陪伴囝囝玩，去亲子餐厅同主题乐园，就算有时间shopping，都系买BB嘢。（叫老公迟啲补番次二人世界旅行囉。）真系有提过㗎。（老公喺社交平台继续向你示爱喎。）佢好正能量，发生车祸后我打畀佢，佢叫我唔好紧张同唔好唔开心，佢话争啲冇咗老婆。」
生肖属兔的她直认今年犯太岁：「本来我仲话今年其实几好吖，出新歌又签新公司，原来有啲嘢真系唔可以乱讲，依家觉得大难不死必有后果。（铜锣湾系「姜涛湾」，依家撞车嗰度就变成「江若琳湾」。）真系好多人去嗰度打卡，然后Tag番畀我，真系有啲尴尬，希望囝囝长大后嗰度冇咗啦！」
谢谢大家，今后也让我们一起愉快吃瓜吧~
