གསལ་འདེབས།
༄༅། ། ལེགས་པར་བཤད་པ་རིན་པོ་ཆེའི་གཏེར་ཞེས་བྱ་བའི་བསྟན་བཅོས།
འཕགས་པ་འཇམ་དཔལ་གཞོན་ནུར་གྱུར་པ་ལ་གུས་པས་ཕྱག་འཚལ་ལོ། །
ལྷ་ཡི་མཆོག་དང་ཀླུ་དབང་གྲུབ་པ་རིག་འཛིན་གཙོ། །
དྲང་སྲོང་རྒྱས་པ་གྲོག་མཁར་བ་དང་རྐང་མིག་སོགས། །
ཀུན་ནས་དགའ་བའི་གཙུག་གི་ནོར་བུས་ཞབས་མཆོད་པ། །
འགྲོ་བའི་གཙོ་བོ་ཀུན་མཁྱེན་དེ་ལ་བདག་ཕྱག་འཚལ། །
རིག་པས་དཔྱད་ན་ཆོས་ལུགས་མི་འགལ་ཞིང་། །
འཇིག་རྟེན་བྱ་བ་ཀུན་ནས་ལེགས་བསྒྲུབ་པ། །
དམ་པ་རྣམས་ཀྱི་སྤྱོད་ཚུལ་ཅི་འདྲ་ཞིག །
བཤད་པ་འདི་ནི་ལེགས་བཤད་རིན་ཆེན་གཏེར། །
༼ དགེ་རྒན་ལགས་ཁྱེད་སྐུ་ལས་ཁག་སོང་། ༽
སྙན་སྒྲོན་པ། གཙང་གཞོན་ལྷག་པ་སྲིད་དར་།
རྩོམ་པ་པོ། གཡག་གྲུ་གཟིངས།
རྩོམ་སྒྲིག་པ། རྒྱལ་རྩེ་བློ་བཟང་།
དགེ་རྒན་ལགས།
ཐོག་མར་ངས་ཁྱེད་ལ་རྟེན་འབྲེལ་ཞུས་ཡོད།
ངས་ཁྱེད་ཀྱི་དུས་ཆེན་ལ་རྟེན་འབྲེལ་ཞུས་ཡོད།
ངས་ཁྱེད་ལ་རྟེན་འབྲེལ་ཞུ་དོན་ནི།
ཁྱེད་ཀྱིས་མུན་པ་དང་འཐབ་ནས་ངེད་སློབ་བུ་ཚོའི་འགྲོ་འདུག་བསམ་པས་ཡིན་ལ།
ཁྱེད་ཀྱིས་སྐར་ཆེན་དང་འགྲོགས་ནས་ངེད་སློབ་མ་ཚོའི་དཔེ་ཀློག་སྲུང་པས་ཡིན།
ཉིན་མོའི་ཟས་བཅགས་ནས་ང་ཚོ་སེམས་ཀྱིས་བསྐྱངས་པས་ཡིན་ལ།
མཚན་མོའི་ཟས་བརྗེད་དེ་ང་ཚོ་མིག་གིས་འཚོས་པས་ཀྱང་ཡིན།
དགེ་རྒན་ལགས། སྐུ་ངལ་ཅིག་གསོ་རོགས།
ཁྱེད་རང་འདི་ལྟར་དུངས་ཞེན་གྱི་དབང་གིས་ལོ་ཟླས་མཐའ་ལ་དེད་ཀྱང་།
ཁྱེད་རང་འདི་ལྟར་གཞན་ཕན་གྱི་སེམས་པས་དབུ་ལ་སེ་མདའ་བབས་ཀྱང་།
ལོ་ཟླའི་ལྟེབས་ཁུག་རེ་རེར་དུས་ཀྱི་མི་ཁས་མི་ཚུགས་པའི་ལོ་རྒྱུས་ཀྱི་རྡོ་རིང་བཞེངས་མཁན་དེ་ཁྱེད་ཡིན་ལ།
བརྩེ་བའི་བྱམས་པ་ཆེན་པོར་ལམ་གྱི་རྡོག་པས་མི་གནོན་པའི་སེམས་ཀྱི་མཁའ་དབྱིངས་བསྐྲུན་མཁན་དེ་ཁྱེད་ཡིན།
ཁྱེད་ཡིན་པའི་ངོ་སོར་དཔའ་རྟགས་མེད་ལ་རྒྱབ་སྐྱོར་མེད་ན་ཡང་།
ཁྱེད་ཀྱིས་འབད་པ་སྟོང་གི་གོ་ཁྲབ་གྱོན་ནས་མི་གཤིས་ཀྱི་གཉོམ་སོ་དག་གཅེས་སྐྱོང་བྱས་ལ།
ཁྱེད་ཀྱིས་བརྩོན་པ་ཁྲི་ཕྲག་གདོང་གིས་བསུས་ནས་ན་ཆུང་གི་མྱུ་གུ་དག་ལག་པས་གསོས་ཡོད།
དུས་དེ་དག་ལ། ཁྱེད་ལ་རྟེན་འབྲེལ་དང་བཀའ་དྲིན་ཞུ་མཁན་མེད་ཀྱང་།
ཁྱེད་ལ་ཁ་བཏགས་དང་མཆོད་ཆང་འདེགས་མཁན་མེད་ཀྱང་།
ཁེར་རྐྱང་གི་ཁྱེད་ཀྱི་སྤོབས་པར་རི་རབ་ཀྱིས་མགོ་བོ་སྒུར་ཅིང་།
ཡིད་འོང་གི་ཁྱེད་ཀྱི་བྱམས་པར་ཆུ་ཆེན་གྱིས་མཆོད་པ་ཕུལ་ཡོད།
དགེ་རྒན་ལགས། སྐུ་ངལ་ཅིག་གསོ་རོགས།
ཁྱེད་ཀྱིས་སློབ་ཁང་ཟེར་བའི་དྭངས་གཙང་གི་ཁོར་ཡུག་ཅིག་སྲུངས་ཤིང་།
ཁྱེད་ཀྱིས་སློབ་མ་ཟེར་བའི་ན་ཆུང་གི་མྱུ་གུ་དག་གཉོར་གྱིན།
གོ་ས་ཆེན་པོ་ཞིག་ལ་ཐུགས་སེམས་མ་འཁོར་ལ།
རྒྱུ་ནོར་མང་པོ་ཞིག་ལ་ཞེ་རྩ་མ་གནག་པར།
ཁྱེད་ཀྱིས་སློབ་གསོ་ཟེར་བ་ཞིག་ལ་མི་ཚེ་ཕུལ་ཅིང་།
ཁྱེད་ཀྱིས་མི་རིགས་ཟེར་བ་ཞིག་ལ་ལང་ཚོ་བསྟིམས་ཡོད།
དགེ་རྒན་ལགས།
ཁྱེད་ཀྱི་མིང་བྱང་ལ་གཡོ་ཟོལ་མེད།
ཁྱེད་ཀྱི་མིང་བྱང་ལ་ཕྱོགས་རིས་མེད།
ཁྱེད་ཀྱི་མིང་བྱང་ལ་ནག་ནོག་མེད།
ཁྱེད་ཀྱི་མིང་བྱང་ལ་མཐོ་དམའ་མེད།
ཁྱེད་ཀྱི་མིང་བྱང་གིས་བཟོས་པའི་ལོ་རབས་ཤིག་གི་ངོ་གདོང་།
དུས་རབས་ཀྱིས་བརྗེད་མི་སྲིད།
ལོ་རྒྱུས་ཀྱིས་བརྗེད་མི་སྲིད།
དགེ་རྒན་ལགས།
སྐུ་ངལ་ཅིག་གསོ་རོགས།
ཉི་མ་ལྟ་བུའི་དགེ་རྒན་ལགས།
སྐུ་ངལ་ཅིག་གསོ་རོགས།
ཟླ་བ་ལྟ་བུའི་དགེ་རྒན་ལགས།
སྐུ་ངལ་ཅིག་གསོ་རོགས།
སྐར་ཚོགས་ལྟ་བུའི་དགེ་རྒན་ལགས།
སྐུ་ངལ་ཅིག་གསོ་རོགས།
མཇུག་བསྡུའི་སྨོན་ཚིག།
Tibet藏歌影视网(གངས་ལྗོངས་བོད་གླུའི་གློག་བརྙན་འཕྲིན་སྟེགས་།)ཞེས་པའི་འཕྲིན་སྟེགས་ནི་ང་ཚོ་ཐུན་མོང་ལ་དབང་བའི་དྲ་བའི་གཞིས་ཁྱིམ་དྲོན་མོ་ཞིག་ཡིན་མོད་འདི་རུ་གླུ་གཞས་དང་པར་རིས་སོགས་ལྟད་མོ་མང་པོར་མཉམ་རོལ་བྱ་ཐུབ། འདི་རུ་གཞུང་སྒེར་གང་རུང་ལ་གནོད་པའི་ནང་དོན་ཡོད་ཚེ་ང་ཚོར་མྱུར་མོར་འབྲེལ་བ་བྱོས་དང་དྲ་ངོས་ནས་བསུབ་ངེས་ཡིན། ད་དུང་གཞན་གྱི་བརྩམས་ཆོས་ལ་བསམ་འཆར་དང་དགེ་སྐྱོན་ཞབས་མཆན་དུ་འདེབས་ཆོག མཐར་དུས་དང་རྣམ་པ་ཀུན་ཏུ་ངེད་Tibet藏歌影视网(གངས་ལྗོངས་བོད་གླུའི་གློག་བརྙན་འཕྲིན་སྟེགས་།)ཞེས་པའི་ཞིང་པའི་སྤྱི་སྟེགས་ལ་དོ་ཁུར་དང་དགའ་བ་ཡོད་པའི་གྲོགས་པོ་ཀུན་གྱི་སྐུ་ལུས་བདེ་ཞིང་ཚེ་ཐག་རིང་བའི་བཀྲ་ཤིས་སྨོན་འདུན་ཞུ།
扫描二维码获取更多信息
公众号名称：Tibet藏歌影视网
内容：藏歌 小品 健康知识 纪录片 科技 传统文化 搞笑视频 藏语小说
建立时间：2018年
