གསལ་འདེབས།
༄༅། ། ལེགས་པར་བཤད་པ་རིན་པོ་ཆེའི་གཏེར་ཞེས་བྱ་བའི་བསྟན་བཅོས།
འཕགས་པ་འཇམ་དཔལ་གཞོན་ནུར་གྱུར་པ་ལ་གུས་པས་ཕྱག་འཚལ་ལོ། །
ལྷ་ཡི་མཆོག་དང་ཀླུ་དབང་གྲུབ་པ་རིག་འཛིན་གཙོ། །
དྲང་སྲོང་རྒྱས་པ་གྲོག་མཁར་བ་དང་རྐང་མིག་སོགས། །
ཀུན་ནས་དགའ་བའི་གཙུག་གི་ནོར་བུས་ཞབས་མཆོད་པ། །
འགྲོ་བའི་གཙོ་བོ་ཀུན་མཁྱེན་དེ་ལ་བདག་ཕྱག་འཚལ། །
རིག་པས་དཔྱད་ན་ཆོས་ལུགས་མི་འགལ་ཞིང་། །
འཇིག་རྟེན་བྱ་བ་ཀུན་ནས་ལེགས་བསྒྲུབ་པ། །
དམ་པ་རྣམས་ཀྱི་སྤྱོད་ཚུལ་ཅི་འདྲ་ཞིག །
བཤད་པ་འདི་ནི་ལེགས་བཤད་རིན་ཆེན་གཏེར། །
༼ བཤེས་གཉེན་དམ་པའི་བཀའ་དྲིན། ༽
ཚིག བསྟན་འཛིན་ཆོས་གྲགས།
གདངས། ཆོས་འཕེལ།
གཞས་པ། ཆོས་འཕེལ།
༡
ཅི་ཡང་མི་ཤེས་ཕ་མའི་གཅེས་ཕྲུག
ལེ་ལོའི་ངང་དུ་སློར་གྲྭར་འགྲོ་དུས།
ཀ་ཁ་ནས་བཟུང་ཡི་གེའི་འབྲི་ཀློག
ངང་རྒྱུད་རིང་པོས་སློབ་པའི་བཤེས་གཉེན།
ད་དུང་འགྲོ་སྡོད་སྤྱོད་གསུམ་ཀུན་ལ།
ཕ་མ་བཞིན་དུ་བྱམས་གྱིས་བསྐྱངས་བྱུང་།
ད་ཆ་ང་ལ་འཐོབ་པའི་བདེ་སྐྱིད།
ད་ཆའི་ང་ཡི་གཟི་བརྗིད་མཚན་སྙན།
མཛེས་སྡུག་ལྡན་པའི་མདུན་ལམ་ཡོད་ཚད།
བཤེས་གཉེན་ཁྱེད་ཀྱི་ཐུགས་རྗེའི་བཀའ་དྲིན།
བདག་གི་པུས་མོ་ས་ལ་བཙུགས་ནས།
དྲིན་ཅན་མཆོག་ལ་སྐུ་དྲིན་ཆེ་ཞུ། །
༢
ཤེས་ཡོན་དམན་པའི་སློབ་བུ་ང་རང་།
ཐེ་འཚོམ་ངང་ནས་སློབ་གྲྭར་བསྐྱོད་དུས།
ཕ་ཡིག་ནས་བཟུང་རིག་གནས་ཀུན་ལ།
གཟབ་གསལ་འཛུམ་འཁྲིད་གནང་བའི་བཤེས་གཉེན།
ད་དུང་དགེ་སྡིག་བླངས་དོར་སྟོན་པའི།
མཚུངས་མེད་མཁྱེན་བརྩེའི་བདག་ཉིད་ཆེན་པོ།
སྐུ་ཚེ་ཧྲིལ་པོ་སློབ་མའི་ཚོགས་ལ།
ཤེས་རིག་ནོར་བུ་ཕངས་མེད་སྦྱིན་བྱུང་།
དགེ་བའི་བཤེས་གཉེན་ཡོངས་ཀྱི་བཀའ་དྲིན།
སྟོང་གསུམ་ནོར་གྱིས་འཇལ་དུ་མེད་ཀྱང་།
སློབ་བུ་མ་བཅོས་སྙིང་ནས་ཕུལ་བའི།
གླུ་འདི་རྟེན་འབྲེལ་དགོངས་ནས་གསན་རོགས།།།།
མཇུག་བསྡུའི་སྨོན་ཚིག།
Tibet藏歌影视网(གངས་ལྗོངས་བོད་གླུའི་གློག་བརྙན་འཕྲིན་སྟེགས་།)ཞེས་པའི་འཕྲིན་སྟེགས་ནི་ང་ཚོ་ཐུན་མོང་ལ་དབང་བའི་དྲ་བའི་གཞིས་ཁྱིམ་དྲོན་མོ་ཞིག་ཡིན་མོད་འདི་རུ་གླུ་གཞས་དང་པར་རིས་སོགས་ལྟད་མོ་མང་པོར་མཉམ་རོལ་བྱ་ཐུབ། འདི་རུ་གཞུང་སྒེར་གང་རུང་ལ་གནོད་པའི་ནང་དོན་ཡོད་ཚེ་ང་ཚོར་མྱུར་མོར་འབྲེལ་བ་བྱོས་དང་དྲ་ངོས་ནས་བསུབ་ངེས་ཡིན། ད་དུང་གཞན་གྱི་བརྩམས་ཆོས་ལ་བསམ་འཆར་དང་དགེ་སྐྱོན་ཞབས་མཆན་དུ་འདེབས་ཆོག མཐར་དུས་དང་རྣམ་པ་ཀུན་ཏུ་ངེད་Tibet藏歌影视网(གངས་ལྗོངས་བོད་གླུའི་གློག་བརྙན་འཕྲིན་སྟེགས་།)ཞེས་པའི་ཞིང་པའི་སྤྱི་སྟེགས་ལ་དོ་ཁུར་དང་དགའ་བ་ཡོད་པའི་གྲོགས་པོ་ཀུན་གྱི་སྐུ་ལུས་བདེ་ཞིང་ཚེ་ཐག་རིང་བའི་བཀྲ་ཤིས་སྨོན་འདུན་ཞུ།
扫描二维码获取更多信息
公众号名称：Tibet藏歌影视网
内容：藏歌 小品 健康知识 纪录片 科技 传统文化 搞笑视频 藏语小说
建立时间：2018年
