藏汉双语版|规范土地管理，我州“动土必问”工作办法来解答→

དཀར་མཛེས་ཁུལ་གྱི“ས་སློག་ཚེ་བདའ་འདེད་ཡོད”ཀྱི་ལས་ཀའི་བྱེད་ཐབས།

ཁུལ་ཡོངས་ཀྱི་ས་ཞིང་དོ་དམ་ལ་སྔར་བས་ཤུགས་སྣོན་རྒྱག་པ་དང་།ས་ཞིང་སྒྲིག་འགལ་ཁྲིམས་འགལ་ངང་བཀོལ་བའི་བྱ་སྤྱོད་གསར་པ་གཏན་འགོག་བྱེད་པ།ཁྲིམས་འགལ་ངང་ས་ཞིང་སྤྱོད་པའི་གནད་དོན་ཐག་གཅོད་ཧུར་ཐག་བཅས་བྱ་ཆེད།《དཀར་མཛེས་ཁུལ་གྱི“ས་སློག་ན་བདའ་འདེད་ཡོད”ཅེས་པའི་ལས་ཀའི་བྱ་ཐབས》འདི་ཆེད་དུ་བཟོས་པ་ཡིན།

གཅིག འགན་འཁྲི་ཁ་གསལ་ཡོང་བ།

“ཡུལ་གཏོགས་འགན་འཁུར”གྱི་རྩ་དོན་གཞིར་བཟུང་ནས།རྫོང(གྲོང་ཁྱེར)དང་།ཤང་གྲོང(ཁྲོམ་གཞུང)གྲོང་ཚོ(སྡེ་ཁུལ)བཅས་ཀྱི་རིམ་པ་སོ་སོའི་ལས་བྱེད་པས་སྲིད་འཛིན་དོ་དམ་ཁྱབ་ཁོངས་ནང་གི་ས་ཞིང་འདྲ་མིན་ཐོག་ལ་སྔོག་འདོན་དང་།ཁོད་སྙོམས།འཛུགས་སྐྲུན།རྨོ་ཞིང“འབྲུ་མིན་ཅན”དང་དེ་བཞིན་ས་རྒོད་དུ་བསྐྱུར་བ་སོགས་ཀྱི“ས་སློག”པའི་བྱ་སྤྱོད་སྤེལ་བ་ལ།རྒྱུན་རྣམ་ཅན་གྱི་སྒོ་ནས་ཁྱོན་ཡོངས་ལ་སྐོར་ཞིབ་བྱས་ཏེ།“ས་སློག་ན་བདའ་འདེད་ཡོད”ཀྱི་དོ་དམ་ལས་ཀ་དོན་འཁྱོལ་བྱེད་དགོས།

གཉིས། འདྲི་རྩད་བྱེད་དགོས་པ་གསུམ།

(གཅིག)གནས་ཚུལ་མདོར་བསྡུས་འདྲི་རྩད་བྱེད་པ།“ས་སློག”བྱ་སྤྱོད་སྤེལ་བའི་དམིགས་ཡུལ་དང་།རྣམ་གྲངས་འཛུགས་སྐྲུན་གྱི་སྤྱོད་སྒོ།ཞིང་ལས་ཐོན་ལས་འཕེལ་རྒྱས་ཁྲོད་ལ་རྨོ་ཞིང་ཐོག་ཏུ་ཤིང་འབྲས་ལས་རིགས་འཕེལ་རྒྱས་གཏོང་བ་དང་།དྲོད་ཁང་ཆེན་མོ་སྐྲུན་པ།མཚེའུ་བསྔོགས་ནས་མཛེས་ལྗོངས་བཟོ་བ་སོགས་ཀྱི་གནས་ཚུལ་ཡོད་མེད་འདྲི་རྩད་བྱེད་པ།

(གཉིས)ངོ་བོ་འདྲི་རྩད་བྱེད་པ།ས་ཆ་སྤྱོད་པའི་ངོ་བོ་འདྲི་རྩད་བྱེད་པ།“ས་སློག”མ་བརྒྱབ་གོང་བདག་བཟུང་བྱས་པའི་ས་ཆའི་རིགས་ནི་ཡུན་རིང་གཞི་རྩའི་ཞིང་ས་དང་།སྣོད་བཅུད་སྲུང་སྐྱོང་གི་ཐིག་དམར།ནགས་ཚལ་རྩྭ་ཐང་།རང་བྱུང་སྲུང་སྐྱོང་ཁུལ་སོགས་ཡིན་མིན་ཞིབ་དཔྱད་བྱས་ཡོད་མེད་འདྲི་རྩད་བྱེད་པ།

(གསུམ)འགྲོ་ལུགས་འདྲི་རྩད་བྱེད་པ།རྣམ་གྲངས་འཛུགས་སྐྲུན་དང་ཞིང་ལས་ཐོན་ལས་འཕེལ་རྒྱས་ལ་ནགས་ས་དང་།རྩྭ་ས།ཞིང་ལས་སྒྲིག་བཀོད་སྤྱོད་ས།འཛུགས་སྐྲུན་སྤྱོད་ས་བཅས་ཀྱི་ས་ཆ་སྤྱོད་པའི་བཀའ་མཆན་ཐོབ་ཡོད་མེད་དང་།རྣམ་གྲངས་ཇུས་འགོད་དང་ཨར་ལས་སོགས་ཀྱི་ཇུས་གཞི་ནི་གཏན་འབེབས་གཞིར་བཟུང་ནས་ཞིབ་བཤེར་བྱས་ཡོད་མེད་དང་ལས་རིགས་སྡེ་ཚན་དུ་འབྲེལ་ཡོད་སྲིད་འཛིན་ཆོག་འཁྲོལ་ཐོབ་ཡོད་མེད་འདྲི་རྩད་བྱེད་པ། 

གསུམ། ནན་དགོས་པ་གསུམ།

(གཅིག)དཔྱད་ཞིབ་ནན་ཏན་བྱེད་པ།“ས་སློག་ཚེ་བདའ་འདེད་ཡོད”ཀྱི་ལས་དོན་དེ་རྫོང(གྲོང་ཁྱེར)ཏང་ཨུད་དང་སྲིད་གཞུང་གི་རྨོ་ཞིང་སྲུང་སྐྱོང་དང་འབྲུ་རིགས་བདེ་འཇགས་འགན་འཁྲིའི་ལམ་ལུགས་ཀྱི་དཔྱད་ཞིབ་དོན་འཁྱོལ་བྱེད་པའི་ནང་བཅུག་ནས།དེ་མཚུངས་ཀྱི་དམིགས་ཚད་གྲངས་ཐང་སྣོན་དགོས།ས་སློག་ཚེ་བདའ་འདེད་ཡོད་ཀྱི་ལས་དོན་ཁྲོད་ཤེས་རྟོགས་མ་ཐུབ་ཅིང་།རྒྱལ་ཁབ་དང་ཞིང་ཆེན་གྱིས་ཤེས་རྟོགས་བྱུང་ནས་ཁྲིམས་འགལ་སྒྲིག་འགལ་གྱི་གནད་དོན་བརྡ་བསྒྲགས་བྱས་པ་ཡིན་ན།དམིགས་ཚད་ཀྱི་གྲངས་ཐང་མར་འཕྲི་དགོས།

(གཉིས) ཆད་པ་ནན་པོ་གཅོད་དགོས། “ས་སློག་ཚེ་བདའ་འདེད་ཡོད”ཀྱི་ལས་དོན་ཁྲོད་ཤེས་རྟོགས་བྱུང་བའི་ཁྲིམས་འགལ་སྒྲིག་འགལ་ངང་ས་སྤྱོད་པའི་གནད་དོན་སྣ་ཚོགས་ལ།འགན་ནུས་སྡེ་ཁག་སོ་སོས་སྒྲིག་སྲོལ་དང་སྒྲིག་ཁྲིམས།བཅའ་ཁྲིམས་བཅས་གཞིར་བཟུང་ནས་ཞིབ་བཤེར་ཐག་གཅོད་དང་།དོགས་གཞི་ཉེས་གསོག་ཅན་ལ་ཁྲིམས་ལྟར་ཉེས་དོན་འགན་འཁྲི་བདའ་འདེད་བྱེད་དགོས།

(གསུམ)འགན་འཁྲི་བདའ་འདེད་ནན་པོ་བྱེད་པ།ལྟ་སྡོམ་འགན་འཁྲི་དང་ཡུལ་གཏོགས་འགན་འཁྲི་དོན་ཐོག་ཏུ་མ་འཁྱོལ་བའི་རྐྱེན་གྱིས་རྒྱལ་ཁབ་དང་ཞིང་ཆེན་གྱིས་ལྟ་ཞིབ་བརྡ་བསྒྲགས་བཏང་བ་དང་།གྱོད་དོན་ཐོ་འགོད་ཀྱི་ཞིབ་བཤེར་ཐག་གཅོད་བྱས་པ།སྒོ་བྱང་བཀལ་ནས་སྒྲུབ་སྐུལ་བྱས་པ།ཆོག་མཆན་མ་ཐོབ་པར་ཡུན་རིང་གཞི་རྩའི་ཞིང་ས་བདག་བཟུང་བེད་སྤྱོད་བྱས་པ་དང་།གྲོང་གསེབ་ཏུ་ཞིང་སྤྱོད་ས་ཆ་གང་བྱུང་དུ་བདག་བཟུང་བྱས་ནས་སྡོད་ཁང་བསྐྲུན་པའི་རིགས་ལ།སྒྲིག་བཤེར་ལྟ་ཞིབ་ལས་ཁུངས་ཀྱིས་སྒྲིག་སྲོལ་དང་།སྒྲིག་ཁྲིམས།བཅའ་ཁྲིམས་བཅས་གཞིར་བཟུང་འགན་འཁྲི་བདའ་འདེད་ནན་པོ་གཏོང་དགོས།