བརྙན་ལམ་ལེ་ཚན། གཏམ་དཔེའི་དོ་ར།
✦གཏམ་གྱི་སྒོ་མོ་འབྱེད་པའི་གསེར་གྱི་ལྡེ་མིག །✦
✦དཔེ་ཡི་ལུང་ལ་བརྒྱུས་པའི་ཚིག་གི་ཕྲེང་བ།།✦
✦དོ་ཤལ་རིན་ཆེན་རྒྱན་ལས་འགྲན་ཟླ་བྲལ་བའི།།✦
✦ར་བ་འདི་ནི་རིག་པའི་གཏེར་མཛོད་འདྲའོ།།✦
སྲིད་པའི་ཞལ་རྒྱུན། འདོན་ཐེངས་ཉིས་བརྒྱ་དང་སོ་གསུམ།
མགྲོན་པོ་རྒྱུས་ཆེ་ཡང་། བདག་པོ་ཡིན་བསམ་མི་རུང་།
གཏམ་འགྲེལ། མགྲོན་པོས་ཆ་རྒྱུས་ཇི་ཙམ་ལོན་རུང་བདག་པོའི་ངང་ཚུལ་འཛིན་མི་རུང་བའི་དོན།
ཨེ་ཡོང་མགོ་དཀར།
གཏམ་འགྲེལ། རང་གི་བསམ་དོན་དེ་ཨེ་འགྲུབ་རེ་སྟོང་ཁོ་ནའི་ངང་ནས་ལོ་རྒས་པའི་དོན།
ཁ་ཆག་སྣ་རལ།
གཏམ་འགྲེལ། འདི་ཡང་འགྲུབ་མ་སོང་དེ་ཡང་བྱུང་མ་སོང་ཞེས་གྲ་མ་འགྲིག་པ་མང་པོ་བྱུང་བའི་དོན།
རྟ་རྒན་ལ་འགྲོས་བསླབ།
གཏམ་འགྲེལ། ན་རྒས་པར་སློབ་གསོ་བྱས་རུང་འབྲས་བུ་ཐོབ་དཀའ་བའི་དོན།
རྒས་ཤེས་ན་སྒུར་ཤེས་པ་དགོས།
གཏམ་འགྲེལ། བྱ་བ་གང་ཞིག་ཡིན་རུང་ལག་ལེན་ཁོ་ན་ལས་ཉམས་མྱོང་མི་ཐོབ་པའི་དོན།
ལ་ཁའི་ཉི་མ། ཆུ་ཁའི་གྲིབ་མ།
གཏམ་འགྲེལ། མྱུར་དུ་འཇིག་ལ་ཁད་དམ་མེད་པར་འགྲོ་ཉེ་བའི་དོན།
དཀར་ཡོལ་ཆག་ཀྱང་རི་མོ་བློ་ལ་ངེས།
གཏམ་འགྲེལ། མི་འདས་ཟིན་པའམ་དངོས་པོ་རྩ་མེད་དུ་སོང་རུང་དེའི་གནས་ལུགས་སེམས་ནས་མི་བརྗེད་པའི་དོན།
སྤྱི་ཁྱབ་ལྟ་ཞིབ། བསྟན་འཛིན་འཇིགས་མེད།
རྩོམ་སྒྲིག་པ། ལྷ་མོ། བསམ་གྲུབ་བསྟན་འཛིན།
རྩོམ་ཁུངས། སྒར་བརྙན་འཕྲིན་ལས་ཁུངས་བོད་ཡིག་རྩོམ་སྒྲིག་ཁང་།
