བརྙན་ལམ་ལེ་ཚན། གཏམ་དཔེའི་དོ་ར།
✦གཏམ་གྱི་སྒོ་མོ་འབྱེད་པའི་གསེར་གྱི་ལྡེ་མིག །✦
✦དཔེ་ཡི་ལུང་ལ་བརྒྱུས་པའི་ཚིག་གི་ཕྲེང་བ།།✦
✦དོ་ཤལ་རིན་ཆེན་རྒྱན་ལས་འགྲན་ཟླ་བྲལ་བའི།།✦
✦ར་བ་འདི་ནི་རིག་པའི་གཏེར་མཛོད་འདྲའོ།།✦
སྲིད་པའི་ཞལ་རྒྱུན། འདོན་ཐེངས་ཉིས་བརྒྱ་དང་སོ་བཞི།
འཛོམས་ན་སྐྱིད་ཁྱོག་པ། ཕོངས་ན་སྡུག་ཁྱོག་པ།
གཏམ་འགྲེལ། སྐྱིད་སྡུག་གཉིས་ཀ་མྱོང་ཐུབ་པ་བྱེད་དགོས་པའི་དོན།
རང་ཚང་གཟིག་ལ་སྟོན། སྡུག་སྦྲུལ་པང་དུ་བླངས།
གཏམ་འགྲེལ། རང་ལ་གནོད་པའི་གཤེད་མ་རང་གིས་འཚོལ་བའི་དོན།
ནམ་འདྲ་འདྲ་ལང་ནས་ཕྱུར་པ་གཡར་མཁན་སུ་ཡོང་།
གཏམ་འགྲེལ། རང་ལ་དགོས་པའི་དུས་སུ་གཞན་ལ་གཡར་ཐབས་མེད་པའི་དོན།
མིས་རྐྱེན་མི་འདོད་ཀྱང་རྐྱེན་གྱིས་མི་མི་འཇོག
གཏམ་འགྲེལ། དགོས་འདོད་མེད་ཀྱང་གཡོལ་ཐབས་མེད་པའི་དོན།
དབང་ཨ་ཕ་ཆེ་ཡང་།གཞིས་ཨ་མས་བདག
གཏམ་འགྲེལ། དབང་ཆེ་བའི་མིང་ཡོད་ཀྱང་དོན་དངོས་སུ་དབང་ཆེན་གཞན་ཞིག་ཡོད་པའི་དོན།
ཆོས་ཤོབ་ཤོབ་ཀྱི་མི་ཚེ་རླུང་ལ་བསྐུར།
གཏམ་འགྲེལ། བྱ་བ་གང་ཡིན་རུང་ཐབས་ཆག་ཅིག་རྐྱང་བྱས་ན་མི་ཚེ་སྟོང་ཟད་དུ་འགྲོ་བའི་དོན།
འགྲོ་ན་ཨ་མས་མི་གཏོང་། མི་འགྲོ་ཨ་ཕས་མི་ཉན།
གཏམ་འགྲེལ། བསམ་ཚུལ་མི་མཐུན་པ་གཉིས་ཀྱི་བར་དུ་ལས་ཀ་བྱེད་དཀའ་བའི་དོན།
སྤྱི་ཁྱབ་ལྟ་ཞིབ། བསྟན་འཛིན་འཇིགས་མེད།
རྩོམ་སྒྲིག་པ། ལྷ་མོ། བསམ་གྲུབ་བསྟན་འཛིན།
རྩོམ་ཁུངས། སྒར་བརྙན་འཕྲིན་ལས་ཁུངས་བོད་ཡིག་རྩོམ་སྒྲིག་ཁང་།
