ئىستېمال بۇيۇملىرىنىڭ كونىسىنى يېڭىسىغا ئالماشتۇرۇش | شىنجاڭدا 30 مىڭدىن ئارتۇق كونا ئاپتوموبىلنى يېڭىسىغا ئالماشتۇرۇش ئىلتىماس قىلىنىپ، ئاپتوموبىل ئىستېمالىنىڭ 3 مىليارد يۈەندىن ئېشىشىغا تۈرتكە بولدى
消费品以旧换新丨新疆已有3万多辆汽车申请以旧换新 带动汽车消费超30亿元
مۇخبىرنىڭ 11- ئاينىڭ 8- كۈنى ئۆتكۈزۈلگەن دۆلەتنىڭ بىر قاتار ئاشۇرۇلما مىقدار سىياسىتىنى ئەمەلىيلەشتۈرۈپ، يېقىنقى مەزگىلدىكى پۈتۈن ئاپتونوم رايوننىڭ ئىقتىساد خىزمىتىنى ياخشى ئىشلەش ئەھۋالى توغرىسىدىكى ئاخبارات ئېلان قىلىش يىغىنىدىن ئىگىلىشىچە، شىنجاڭ كونىسىنى يېڭىسىغا ئالماشتۇرۇشنى كۈچەپ ئالغا سىلجىتىپ، ئىستېمال يوشۇرۇن كۈچىنى قويۇپ بەرگەن.
ئاپتوموبىللارنىڭ كونىسىنى يېڭىسىغا ئالماشتۇرۇش جەھەتتە، ھازىرغا قەدەر، پۈتۈن شىنجاڭ بويىچە 9300دىن ئارتۇق ئاپتوموبىلنى بىراك قىلىپ يېڭىلاش ئىلتىماسى تاپشۇرۇلغان، 163 مىليون يۈەن ياردەم پۇلى بېرىلگەن؛ پۈتۈن شىنجاڭ بويىچە 21 مىڭدىن ئارتۇق ئاپتوموبىلنى ئالماشتۇرۇپ يېڭىلاش ئىلتىماسى تاپشۇرۇلغان، جەمئىي 330 مىليون يۈەن ياردەم پۇلى ئىلتىماس قىلىنىپ، 2 مىليارد 910 مىليون يۈەنلىك ئاپتوموبىل ئىستېمالىغا تۈرتكە بولغان. ئائىلە ئېلېكتىر سايمانلىرىنىڭ كونىسىنى يېڭىسىغا ئالماشتۇرۇش جەھەتتە، ھازىرغا قەدەر، پۈتۈن شىنجاڭ بويىچە دۆلەتتىن ياردەم پۇلى ئىلتىماس قىلىنغان ئائىلە ئېلېكتىر سايمىنى 101 مىڭ بولۇپ، 90 مىليون يۈەن ياردەم پۇلى بېرىلىپ، 502 مىليون يۈەنلىك ئائىلە ئېلېكتىر سايمانلىرى ئىستېمالىغا تۈرتكە بولغان؛ ھازىر ئاپتونوم رايوندىن ئائىلە ئېلېكتىر سايمانلىرىنى يېڭىسىغا ئالماشتۇرۇش ۋە يېڭىدىن سېتىۋېلىش ياردەم پۇلى ئىلتىماس قىلىنغان ئائىلە ئېلېكتىر سايمىنى 40 مىڭ بولۇپ، 25 مىليون 450 مىڭ يۈەن ئىستېمال بېلىتى تارقىتىلىپ، 220 مىليون يۈەنلىك ئائىلە ئېلېكتىر سايمانلىرى ئىستېمالىغا تۈرتكە بولغان.
监制 / 热斯克力德
