點擊藍字 關注我們
成日都話“曬爆”，到底“爆”嘅係乜野？答案係積雨雲呀！
喺夏天，除咗低壓槽、高空擾動同埋熱帶氣旋為大地帶來雨水之外，仲有就係熱對流啦！(對流是指： 熱上升、冷下降)
當地面受到太陽長時間嘅猛烈照射後，地面嘅空氣就會受熱上升，產生熱對流。
喺不穩定嘅大氣加上足夠嘅水氣相互配合下對流會更為旺盛，尼個時候地面就會形成低氣壓，產生強烈嘅垂直空氣對流。
上升氣流入面嘅水氣上升到一定程度之後，就會凝結成水點變成積雲，當環境條件有利時就會進一步發展成深厚的積雨雲，然後就落雨啦！
尼種情況下，氣溫通常都會喺短時間內出現劇烈嘅變化，所以大家除咗避雨之外，如果淋濕咗記得儘快擦乾，避免感冒喔。
不過，雖然突如其來嘅驟雨好討厭，但係就可以調節夏天過高嘅氣溫，咁就唔怕日日都“曬爆”啦～
