12-ايدىڭ 21-كۇنى ءۇرىمجى قالا اينالما جوعارى قارقىندى تاس جولى (باتىس جەلىسى) ينجەنەرياسىندا (تومەندە قىسقارتىلىپ ”ءۇرىمجى باتىس قالا اينالما جوعارى قارقىندى تاس جولى“ دەلىنەدى) اۆتوكولىك قاتىنادى. جۇڭگو ەنەرگيا قۇرىلىسى گىجوۋبا توبى سالعان بۇل جوعارى قارقىندى تاس جولدىڭ جالپى ۇزىندىعى 93.616 كيلومەتر عانا بولعانىمەن، رولى وتە زور، وندا كولىك قاتىناۋ ءۇرىمجى، ءتىپتى شينجياڭ جونىنەن، ءسىرا، نەنى بىلدىرەدى؟
ءۇرىمجى ”ءۇش اينالما“ جوعارى قارقىندى تاس جولىنىڭ قالىپتاسقاندىعىنان دەرەك بەرەدى.
”ءۇش اينالما“ قازىرگى سىرتقى اينالما جول (1-اينالما جول)، 2-اينالما جول، قالانى اينالىپ وتەتىن جوعارى قارقىندى تاس جولدى مەڭزەيدى.
2020-جىلى، ءۇرىمجىنىڭ 3 اينالما جولى 1-اينالما جول، 2-اينالما جول، 3-اينالما جول دەپ اتالدى. بۇرىنعى شىعىس اينالما اسپالى جول، باتىس اينالما سورەلى جول، وڭتۇستىك اينالما بيىك سورەلى جول، سولتۇستىك اينالما اسپالى جول ءبىر تۇتاس 1-اينالما جول دەپ وزگەرتىلدى؛ بۇرىنعى G216 لەنياسىىنىڭ ءۇرىمجى قالاسىنان وتەتىن تاس جولى (شىعىس 2-اينالما) جانە باتىس 2-اينالما جوعارى قارقىندى جولى 2-اينالما جول دەپ وزگەرتىلدى؛ بۇرىنعى G3003 ءۇرىمجى قالاسىن اينالىپ وتەتىن جوعارى قارقىندى تاس جولى (شىعىس لەنيا) مەن G3003 قالا اينالمالى جوعارى قارقىندى تاس جولىنىڭ (باتىس جەلىسى) اتى ”3-اينالما جول“ دەپ وزگەرتىلدى.
1-اينالما جول 2000-جىلدان باستاپ سالىنىپ، 2010-جىلى اياقتادى. 2-اينالما جولدا 2023-جىلى 10-ايدا اۆتوكولىك قاتىنادى. 3-اينالما جولدىڭ ءۇرىمجى شىعىس قالا اينالما جوعارى قارقىندى تاس جولى 2016-جىلى سالىنىپ بولدى، بۇعان، ەندى عانا اۆتوكولىك قاتىناعان باتىس قالا اينالما جوعارى قارقىندى تاس جولىن قوسقاندا، ۇرىمجىدە ءۇش اينالما جوعارى قارقىندى جول قاتىناس جۇلگەسى قالىپتاسىپ، ورتالىق قالا ”ءۇش اينالما“ داۋىرىنە رەسمي قادام تاستادى.
سولتۇستىكتە التاي تاۋىنان باستالىپ، وڭتۇستىكتە التىن تاۋ ارالىعىندا جوعارى قارقىندى تاس جول ۇلكەن ارناسىنىڭ جەدەل قالىپتاسقاندىعىنان دەرەك بەرەدى.
جالپى ۇزىندىعى 90 نەشە كيلومەتر كەلەتىن ءۇرىمجى باتىس اينالما جوعارى قارقىندى تاس جولى S21 جەلىسىنىڭ التايدان ۇرىمجىگە دەيىنگى جوعارى قارقىندى تاس جولىمەن، G0711 جەلىسىنىڭ ۇرىمجىدەن لوپنۇرعا دەيىنگى جوعارى قارقىندى تاس جولىمەن، G30 جەلىسىنىڭ قورعاس جوعارى قارقىندى تاس جولىمەن، G7 جەلىسىنىڭ بەيجيڭ — شينجياڭ جوعارى قارقىندى تاس جولىمەن تۇتاسىپ، شينجياڭعا كىرىپ ـ شىعۋدىڭ اناعۇرلىم ىركىلىسسىز بولۋىنا مۇمكىندىك جاساۋمەن بىرگە، ونان دا ماڭىزدىسى، وڭتۇستىك شينجياڭ مەن سولتۇستىك شينجياڭنىڭ جوعارى قارقىندى تاس جولىن تۇتاستىردى.
كوپشىلىككە ايان، التاي — ءۇرىمجى جوعارى قارقىندى تاس جولىندا اۆتوكولىك قاتىناعاننان كەيىن، ۇرىمجىدەن التاي قالاسىنا ەڭ تەز جەتەتىن جوعارى قارقىندى تاس جول ۇلكەن ارناسى قالىپتاستى. الايدا، باتىس قالا اينالما جوعارى قارقىندى تاس جولىندا اۆتوكولىك قاتىناۋدان بۇرىن، التاي — ءۇرىمجى جوعارى قارقىندى تاس جولىنا شىعۋ ءۇشىن ءبىر تالاي جولدى اينالىپ جۇرۋگە تۋرا كەلەتىن. ال قازىر اينالىپ ءجۇرۋدىڭ قاجەتى جوق، باتىس قالا اينالما جوعارى قارقىندى تاس جولىمەن التاي — ءۇرىمجى جوعارى قارقىندى تاس جولىنا توتە شىعۋعا بولادى.
ءۇرىمجى باتىس اينالما جوعارى قارقىندى تاس جولى ءۇرىمجى — لوپنۇر جوعارى قارقىندى تاس جولىمەن تۇتاسادى، ۇرىمجىدەن وڭتۇستىككە قاراي جۇرگەندە، جوعارى قارقىندى تاس جولدى باسىپ چارقىلىق اۋدانىنا، ءتىپتى چيڭحاي ولكەسىنە بارۋعا بولادى. بىلايشا ايتقاندا، سولتۇستىكتە التايدان باستالىپ، وڭتۇستىكتە چارقىلىققا دەيىن مىڭ كيلومەتردەن اساتىن جوعارى قارقىندى تاس جول جەلىسى قالىپتاستى.
来源：阿勒泰地区融媒体中心
微信小程序搜索《xalhar翻译》
视频下载APP：mtv.xalhar.net
音乐下载APP：app.xalhar.net
视频下载APP：mtv.xalhar.net
音乐下载APP：app.xalhar.net
