ماشيناڭىزدىڭ بالونىن تەرىس ورناتىپ العان جوقسىزبا؟تەزدەن كورىڭىز

بايدۋ تورابى حابارى ،شالقار تورابى اۆتوكولىك كانالى اۋدارماسى:

اۆتوكولىكتى كۇتىمدەۋ جانە ىستەتۋ بارىسىندا اۆتوكولىك بالونى كونەرسە ونى الماستىرۋعا تۋرا كەلەدى ،الايدا بالون الماستىرعاندا ،كەيبىر ادامدار بالوندى قالايماقان سالا بەرۋگە بولادى دەپ قارايدى ، الايدا بالوننىڭ دا وڭ -تەرىسى بولادى .

كونە شوفەرلەردىڭ بالوندى قالايماقان ورناتا بەرۋىندەگى باستى سەبەپ ،بۇرىنعى بالونداردىڭ كوبى سيممەتريالى ناقشتى بولادى ، ونى وڭ -سول نەمەسە ءىشى-سىرتى دەپ ايىرمايدى ، سوندىقتان بۇل بالونداردى ىشى-سىرتى دەپ ايىرىپ وتىرۋدىڭ قاجەتى جوق .

تۇتىنۋشىلاردىڭ بالونعا بولعان تالابىنىڭ ارتا تۇسۋىنە ىلەسىپ ، يقۋاتتى بالون(性能轮胎) ، دىبىسسىز بالون ،ۇيكەلىسكە توزىمدى بالون قاتارلى ەرەكشەلىگى بار بالوندار بارعانسايىن كوبەيدى ، سونىمەن سيممەتريالى بولماعان بالوندار كوبەيە ءتۇستى . سوندىقتان ءدال وسىنداي سيممەتريالى بولماعان بالونداردى الماستىرعاندا كوبىرەك كوڭىل بولۋگە تۋرا كەلەدى ، تەرىس ورناتىلىپ قالۋدان ساقتانۋ كەرەك .

سيممەتريالى بولماعان بالونداردى تەك زاۋود بەلگىلەگەن ناقىش باعىتى بويىنشا  ورناتۋعا تۋرا كەلەدى .ەگەر تەرىس ورناتىلسا  بالوننىڭ قۋاتىنا اسەر جاسايدى .سەبەبى بالوننىڭ ناقىش سىزىقتارى ،باعىتى جانە بالون بەدەرىنىڭ بارلىعى جوبا بويىنشا ءوز رولدارىن ساۋلەلەندىرەدى.ەگەر تەرىس ورناتىلسا ،جەردى ۇستاۋ كۇشى تومەندەپ ،شۇعىل تورمىزداعاندا جانە شۇعىل قارقىندى ارتتىرعاندا كوزدەگەن ونىمدىلىككە جەتۋگە بولمايدى .اۋىر بولعاندا اۆتوكولىكتىڭ تورمىزداۋ ارالىعىنىڭ ۇزارىپ كەتۋى سىندى ماسەلەلەر كەلىپ شىعىپ ، قاتىناس ۋاقيعاسىن تۋدىرۋ ىقتيمالدىعى ارتادى .

بالون بەتىندەگى سىزىقشالاردا بالوننىڭ سۋ ىعىستىرۋ قۋاتىن بەلگىلەيدى ،ناقىشتارى سيممەتريالى بولماعان بالوننىڭ سۋ ىعىستىرۋ قۋاتى ءبىر شاما جاقسى بولادى ،ەگەر تەرىس ورناتىلسا ، سۋ ىعىستىرۋ ءونىمى زور دارەجەدە تومەندەپ ، قارلى-جاڭبىرلى كۇندەردە اۆتوكولىكتىڭ كونترولدىعىن جوعالتۋ سىندى ىقتيمالدىقتى اسىرىپ جىبەرەدى .

ناقىشتارى سيممەتريالى بولماعان بالوننىڭ سىرتقى جاعىنداعى ناقىشتارى مەن ىشكى جاعىنداعى ناقىشتارى ۇقسامايدى ،سىرتقى جاعى  اۆتوكولىكتىڭ شۇعىل بۇرىلۋى جانە باعىت وزگەرتۋى ءۇشىن ءتىپتى دە جاقسى تىرەۋ كۇشى جانە جەردى ۇستاۋ كۇشىمەن قامدايدى ،سوندىقتان وزگەشە جوبالانادى، ەگەر بالون تەرىس ورناتىلسا اۆتوكولىكتىڭ بۇرىلۋ جانە تورمىزداۋ قۋاتى تومەندەپ كەتەدى . سوندىقتان سيممەتريالى بولماعان بالوندى ورناتقاندا ءسوزسىز ءىشى -سىرتى جانە وڭ -تەرىسىنە باسا ءمان بەرۋىمىز كەرەك . ايتپەگەندە شۇعىل قارقىن اسىرعاندا نەمەسە شۇعىل تورمىزداعاندا جانە شۇعىل بۇرىلعاندا اۆتوكولىكتىڭ اينالىپ كەتۋى ،تايىپ كەتۋى سىندى ماسەلەلەر كەلىپ شىعۋى ابدەن مۇمكىن .

ناقىشتارى سيممەتريالى بولماعان بالوننىڭ  وڭ-تەرىسىن قالاي پارىقتاندىرۋ كەرەك؟

ناقىشتارى سيممەتريالى بولماعان بالونداردىڭ كوبى ىشى-سىرتى دەپ بەلگىلەنەدى،بالوننىڭ  سىرتىنا قارايتىن بەتىنە «OUTSIDE» دەپ بەلگىلەنەدى،ىشىنە قارايتىن بەتىنە «INSIDE» دەپ بەلگى قويىلادى .

ەگەر ناقىشتارى سيممەتريالى بولماعان بالوننىڭ سىرتقى جۇزى توزىپ كەتكەن بولىپ بۇل بەلگىنى كورە الماساڭىز ، ەندەشە بالوننىڭ زاۋوتتان شىققان ۋاقىتىنا قاراساق بولادى ، سەبەبى بالوننىڭ وندىرىلگەن ۋاقىتى نەگىزىنەن بالوننىڭ سىرتقا قارايتىن بەتىنە جازىلادى . سوندىقتان وسى ارقىلى دا ءىشى-سىرتىن پارىقتاۋعا بولادى .

بۇدان سىرىت ، كەيبىر بالونداردىڭ ءىشى- سىرتىنا انىق ەنگىلسشە بەلگى قويىلماعان ، الايدا ىسترەلكا ارقىلى  بالوننىڭ باعىتىنا بەلگى قويىلعان .ىسترەلكا باعىتى اۆتوكولىكتىڭ العا ىلگەرلەۋ باعىتىمەن ۇقساس ورناتىلسا بولعانى .

كوپتەگەن شوفەرلەر نازار سالمايتىن وسى ماسەلەنى سىزدەرگە پايداسى بولىپ قالار دەگەن نيەتپەن اۋدارىپ دايىنداپ نازارلارىڭىزعا ۇسىندىق ، شالقار تورابى اۆتوكولىك كانالىنا قوسىلىپ الىڭىزدار سىزدەر ءۇشىن پايدالى بولعان مازمۇندارمەن قامداپ تۇرۋعا بار كۇشىمىزدى سالامىز .

微信小程序搜索《xalhar翻译》

视频下载APP：mtv.xalhar.net

音乐下载APP：app.xalhar.net