..................................................................................
中华民族是一个伟大的民族，爱国主义精神是我们这个民族最美的花朵，爱国，是一个神圣的字眼，在历史发展的曲折过程中，爱国主义历来是我国人民所崇尚的。维护民族团结，建设和谐家园！中华民族是一个伟大的民族，爱国主义精神是我们这个民族最美的花朵，维护民族团结，建设和谐家园！！
~~~~~~~👇👇👇👇👇🙏🙏🙏🙏👇👇👇👇👇~~~~~~
بايدىبەك باتىردىڭ اقبوز ايعىرى (تاماشا اڭگىمە)
الا تاۋدىڭ ارعى جاعىنان جاۋ قولى قاپتاپ كەلە جاتادى. جالايىر قاريالارى جان-جاقتاعى ەلگە ات شاپتىرادى. بۇل حاباردى ەستىپ قارا تاۋدان بايدىبەك باتىر قول جيناپ اتتانادى. ەكى جاق التىن ەمەل جوتاسىندا توقايلاسادى. اۋەلى جەكپە-جەككە شىعادى. تۇيەدەي قارا اتقا مىنگەن ءبىر شويىن قارا ورتاعا شىعادى. بۇل جاۋ جاقتىڭ دودە باتىرى ەكەن. وعان جالايىردىڭ الشىنباي باتىرى قارسى جۇرەدى. ەكەۋى نايزالاسادى. الشىنبايدىڭ قىلىشى قاق ءبولىنىپ، دودەمەن ارپالىسىپ ءجۇرىپ مەرت بوپ كەتەدى. بايدىبەك باتىر:
- ەندى كىم شىعادى؟ - دەپ ايقاي سالادى. نايماننىڭ شەكتىباي باتىرى كوك اتىن ويقاستاتىپ دودەگە جەتىپ بارادى. تاعى ايقاس، تاعى نايزالاس. شەكتىباي دا دۇلەي دودەگە توتەپ بەرە الماي اۋىر جارالانىپ قالادى.
- تاعى كىم بار؟- دەگەندە، جاۋعا قاراما-قارسى قاپتاپ تۇرعان ساربازدار اراسىنان ەشكىم «مەن شىعامىن» دەي قويمايدى. الدەن ۋاقىتتا نامىسقا تىرىسىپ، تاي مىنگەن تالدىرماش سارى جىگىت:
- مەن شىعار ەدىم، ءبىراق مىنەتىن جارامدى اتىم جوق،- دەيدى. بايدىبەك باتىر:
- ءمىن مەنىڭ اتىما،- دەپ استىنداعى اقبوز ايعىرىن ءتۇسىپ بەرەدى دە، ول دودەگە:
- ال، باتىر، ءبىزدىڭ بالامەن شايقاسۋعا قالايسىڭ؟- دەپ ونى كەكەتەدى. دودە:
- مەن بالامەن كۇرەسكە شىعاتىن بالا ەمەسپىن، ءوزىڭ كەل!- دەپ گۇر ەتە قالادى...
