གཅིག། ཚན་པ་དང་མི་སྒེར་སུ་འདྲ་ཞིག་ཡིན་རུང་གྲོང་ཁུལ་དང་དེ་བཞིན་མཐའ་འཁོར་གྱི་ཁྲོམ་གཞུང་གཙོ་བོ་དང་གཞུང་ལམ་ཕལ་པ། སྤྱི་གླིང་། ཐང་ཆེན། སྤང་ལྗོངས། གྲོང་མིའི་འཚོ་བའི་སྡེ་ཁུལ་སོགས་སྤྱི་པའི་འདུ་གནས་བྱེད་སར་ཁྱིམ་བྱ་དང་སྒོ་ཕྱུགས་གང་བྱུང་དུ་གློད་པ་གཏན་འགོག་བྱེད་དགོས།
གཉིས། གྲོང་ཁྱེར་གྱི་གྲོང་མིས་ཁྱིམ་ནང་(བཏགས)གསོས་པའི་སྒོ་ཕྱུགས་དང་ཁྱིམ་བྱའི་རིམས་འགོག་དང་དུག་སེལ། ལུད་གཙང་སེལ་བཅས་ལ་ཤུགས་སྣོན་རྒྱག་དགོས་པ་ལས་ཁོར་ཡུག་འཕྲོད་བསྟེན་ལ་གནོད་རྐྱེན་བཟོ་མི་ཆོག ཤི་བའི་སྒོ་ཕྱུགས་དང་ཁྱིམ་བྱར་གནོད་མེད་ཅན་གྱི་ཐག་གཅོད(ས་འོག་ཏུ་སྦས་པའམ་མེར་བསྲེགས་པ་སོགས)དང་དུག་སེལ་བྱས་ཏེ་ནད་དུག་མི་འགོས་པ་བྱ་དགོས། སྒོ་ཕྱུགས་དང་ཁྱིམ་བྱའི་སྐྱག་གཅིན་དེ་འབྲེལ་ཡོད་གཏན་འབེབས་ལྟར་ཐག་གཅོད་བྱ་དགོས་པ་ལས། གང་འདོད་དུ་དབྱུག་པའམ་ཡང་ན་གྲོང་ཁྱེར་གྱི་གད་སྙིགས་རྫིང་བུ(ཟོ)ནང་དུ་བླུགས་མི་ཆོག
གསུམ། མཐའ་འཁོར་ཤང་གྲོང་ཁག་གི་ཞིང་འབྲོག་མང་ཚོགས་ཀྱི་ཕྱུགས་ཟོག་གྲོང་ཁུལ་དུ་འཛུལ་ནས་སྤྱི་པའི་འགྲིམ་འགྲུལ་ལ་འགོག་རྐྱེན་བཟོ་བ་དང་། གྲོང་ཁྱེར་གྱི་སྤྱི་པའི་སྒྲིག་བཀོད་ལ་གཏོར་སྐྱོན་གཏོང་བ། སྤང་ལྗོངས་དང་སྔོ་འགྱུར་སྒྲིག་ཆས་ལ་གཏོར་བཤིག་གཏོང་བ། གྲོང་ཁྱེར་གྱི་རྣམ་པའམ་ཁོར་ཡུག་འཕྲོད་བསྟེན་ལ་ཤུགས་རྐྱེན་ཐེབས་པར་སྔོན་འགོག་བྱེད་དགོས། གལ་ཏེ་ཁྱིམ་བྱ་དང་སྒོ་ཕྱུགས་ལ་དོ་དམ་ལེགས་པོ་མ་བྱུང་བའི་རྐྱེན་གྱིས་གྱོང་གུན་ཕོག་ཚེ། སྒོ་ཕྱུགས་བདག་པོའི་ལས་ཁུངས་སམ་ཡང་ན་མི་སྒེར་གྱིས་བཅའ་ཁྲིམས་དང་ཁྲིམས་སྲོལ་ལྟར་བཅའ་ཁྲིམས་ཀྱི་འགན་འཁྲི་འཁུར་དགོས།
བཞི། བྲག་ཡིབ་ཆུད་ཀྱི་ཤང་དང་གྲོང་རྡལ། ཁྲོམ་གཞུང་། སྡེ་ཁུལ་ཁག་གིས་བྱ་ཐབས་སྣ་ཚོགས་སྤེལ་ནས་རྒྱལ་ཁབ་ཀྱི་བཅའ་ཁྲིམས་དང་ཁྲིམས་སྲོལ་གྱི་གཏན་འབེབས་དེ་བཞིན་རྒྱལ་ཁབ་རིམ་པའི་འཕྲོད་བསྟེན་གྲོང་ཁྱེར་སྐྲུན་རྒྱུའི་ལས་ཀའི་བླང་བྱ་དྲིལ་བསྒྲགས་གཏིང་ཟབ་བྱས་ནས། རྒྱུན་གཏན་གྱི་སྐོར་ཞིབ་ལས་ཀ་ཡག་པོ་སྒྲུབ་རྒྱུར་གཞོགས་འདེགས་བྱེད་དགོས། ཕྱུགས་ཟོག་གྲོང་ཁུལ་དུ་འཛུལ་བ་ཤེས་ཚེ། གནས་གཏན་འཁེལ་བྱས་ཏེ་གཅིག་བསྡུས་གཅིག་གྱུར་སྡོམ་གསོའི་དོ་དམ་བྱ་རྒྱུ། གཅིག་གྱུར་སྡོམ་གསོའི་དོ་དམ་བྱེད་རིང་ཕྱུགས་ཟོག་ལ་ནད་ཕོག་པའམ་ཡང་ན་ཤི་ཚེ། བྲག་ཡིབ་ཆུད་གྲོང་ཁྱེར་དོ་དམ་ཅུད་ཀྱིས་གུན་གསབ་སྤྲོད་རྒྱུའི་འགན་མི་འཁུར། ཕྱུགས་ཟོག་བདག་དབང་ཡོད་མཁན་གྱིས་བརྡ་ཁྱབ་ཁྱབ་བསྒྲགས་བྱས་པའི་ཉིན་ནས་བཟུང་ཉིན་ལྔའི་ནང་ཚུན་དུ་ཕྱུགས་ཟོག་ངོས་འཛིན་བྱེད་པར་ཡོང་དགོས། སྡོམ་གསོས་དོ་དམ་བྱེད་རིང་གྱི་འགྲོ་གྲོན་དང་མཇུག་འབྲས་ཚང་མ་སྒོ་ཕྱུགས་ཀྱི་བདག་དབང་ཡོད་མཁན་གྱིས་འགན་འཁུར་དགོས་པ་མ་ཟད། ཁྲིམས་འགལ་བྱ་སྤྱོད་ལ་ཁྲིམས་སྒྱུར་སྡེ་ཁག་ནས་དངུལ་ཆད་འོས་འཚམ་གཅོད་དགོས། མི་གཞན་ལ་གནོད་འཚེ་བཏང་ཚེ་ཕྱུགས་ཟོག་ཀྱི་བདག་དབང་ཡོད་མཁན་གྱིས་ཁྲིམས་ལྟར་གུན་གསབ་འཇལ་རྒྱུ་འགན་འཁུར་དགོས་པ་དང་། གལ་ཏེ་ངོས་འཛིན་རྩིས་ལེན་བྱེད་མཁན་མེད་ཚེ་གཞུང་བཞེས་བཏང་ནས། ཕྱུགས་ཟོག་ཧབ་འཚོང་སྐུལ་བའི་དངུལ་ཚང་མ་རིམ་པ་གཅིག་མཚུངས་ཀྱི་ནོར་སྲིད་ལ་རྩིས་འབུལ་བྱ་རྒྱུ།
ལྔ། རྒྱ་ཆེའི་མང་ཚོགས་ཀྱིས་ཁྱིམ་བྱ་དང་སྒོ་ཕྱུགས་ཁ་ཐོར་གཏོང་མི་ཆོག་པའི་བཅོས་སྒྲིག་ལས་དོན་ལ་བསམ་ཤེས་དང་རྒྱབ་སྐྱོར་གནང་ནས། གཙང་ཞིང་གྲལ་འགྲིག་པ་དང་། ཤེས་དཔལ་རིམ་ལྡན་དང་ཞི་མཐུན་འཚོ་བའི་ཁོར་ཡུག་བསྐྲུན་ཆེད་སྟོབས་ཤུགས་འབུལ་བར་སྨོན། དེ་དང་ཆབས་ཅིག་ཕྱུགས་ཟོག་གསོ་ཚགས་བྱེད་མཁན་གྱིས་གོ་རིམ་མེད་པར་གསོ་ཚགས་བྱེད་པའི་གནོད་འཚེའི་རང་བཞིན་ལ་ངོས་འཛིན་གང་ལེགས་བྱས་ནས་གསོ་ཚགས་ཀྱི་བྱ་སྤྱོད་རང་རྟོགས་ངང་ཚད་ལྡན་དུ་བཏང་སྟེ་ཁྱིམ་བྱ་དང་ཕྱུགས་ཟོག་ཁ་ཐོར་གཏོང་མི་ཆོག་པའི་བཅོས་སྒྲིག་ལས་དོན་ལ་འགོག་རྐྱེན་བཟོ་བ་དང་བཀག་འགོག་བྱེད་པའི་ཁྲིམས་འགལ་བྱ་སྤྱོད་ཡིན་ཕྱིན་ཁྲིམས་དང་སྒྲིག་སྲོལ་ལྟར་ཐག་གཅོད་བྱེད་པ་དང་ཉེས་གསོག་གི་ཚད་ལ་སླེབས་ཚེ་ཁྲིམས་ལྟར་ཉེས་དོན་འགན་འཁྲི་བདའ་འདེད་གཏོང་རྒྱུ།
དྲུག། ༢༠༢༤ལོའི་ཟླ་༡༡པའི་ཚེས་༡༨ཉིན་ནས་བཟུང་ལག་བསྟར་བྱ་རྒྱུ།
དེ་དོན་ཆེད་དུ་གསལ་བསྒྲགས་བྱ་རྒྱུ།
བྲག་ཡིབ་ཆུད་གྲོང་ཁྱེར་དོ་དམ་ཅུད།
༢༠༢༤ལོའི་ཟླ་༡༠ཚེས་༣༠ཉིན།
ཟུར་བཀོད།
བྲག་ཡིབ་ཆུད་གྲོང་ཁུལ་དང་དེ་བཞིན་མཐའ་འཁོར་དུ་ཁྱིམ་བྱ་དང་སྒོ་ཕྱུགས་ཁ་ཐོར་གཏོང་མི་ཆོག་པའི་དོ་དམ་ཚོད་འཛིན་ས་ཁོངས།
དོ་དམ་ཚོད་འཛིན་ཁུལ་གྱི་ཞིབ་ཕྲ་གཤམ་གསལ། （ཞིབ་ཕྲའི་ས་ཁོངས་ས་ཁྲ་ནས་གསལ། ）
༡ ཉིང་ཁྲི་གྲོང་ཁྱེར་བྲག་ཡིབ་ཆུད་ཀྱི་གྲོང་ཁུལ་གཙོ་བོ། སྨི་གྲུ་བཞི་མ་ཁྲི་༨༧༤.༡ཡོད།
༢ ཇོ་མོ་གླིང་ཁུལ། སྨི་གྲུ་བཞི་མ་ཁྲི་༤༣༥.༢ཡོད།
༣ དཔལ་འབྱོར་གསར་སྤེལ་ཁུལ་གླིང་ཁུལ། སྨི་གྲུ་བཞི་མ་ཁྲི་༧༩༩.༣ཡིན།
༤ བདེ་སྐྱིད་སྡེ་ཁུལ་གླིང་ཁུལ། སྨི་གྲུ་བཞི་མ་ཁྲི་༤༧.༣ཡིན།
༥ G318 S505ལམ་རྒྱུད།
影像林芝，精彩回顾
主编：陈 昕
责编：聂吉敏
校对：邓秀均
来源：巴宜区城市管理局
