![]()
༼རྒྱལ་སྟོན་དགའ་བས་བསུ།རྒྱལ་ཁབ་སྟོབས་ལྡན་དུ་འགྱུར་བ་དང་བསྐྱར་དར་ཡོང་བར་ང་རང་ཡོད༽ཅེས་པའི་སྐད་གཉིས་གྱེར་འདོན་གྱི་འགྲན་བསྡུར་ཆེན་མོའི་བྱེད་སྒོ་སྤེལ་བའི་སྤྱི་བསྒྲགས།
ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ་༧༥འཁོར་བར་སྤྲོ་སེམས་འཁོལ་བའི་ངང་བསུ་བ་ཞུ་བ་དང་།
བྱེད་སྒོའི་ནང་ཞུགས་མཁན་གྱི་རྒྱལ་གཅེས་རིང་ལུགས་ཀྱི་བརྩེ་སེམས་ཟབ་ཏུ་གཏོང་བ། བླ་ན་མེད་པའི་ཀུན་སྤྱོད་སྐྱེད་སྲིང་བྱེད་པ་བཅས་དང་ཆབས་ཅིག་ལྟ་ཀློག་གི་ཆུ་ཚད་དང་གྱེར་འདོན་གྱི་རྩལ་ནུས་ཆེ་རུ་གཏོང་བ་བཅས་ཀྱི་ཆེད་དུ།བོད་རང་སྐྱོང་ལྗོངས་དཔེ་མཛོད་ཁང་གིས༼རྒྱལ་སྟོན་དགའ་བས་བསུ།རྒྱལ་ཁབ་སྟོབས་ལྡན་དུ་འགྱུར་བ་དང་བསྐྱར་དར་ཡོང་བར་ང་རང་ཡོད༽ཅེས་པའི་སྐད་གཉིས་གྱེར་འདོན་གྱི་འགྲན་བསྡུར་ཆེན་མོ་ཞིག་སྤེལ་རྒྱུ་ཡིན།
གཅིག བྱེད་སྒོའི་བརྗོད་དོན་གཙོ་བོ།
རྒྱལ་སྟོན་དགའ་བས་བསུ། རྒྱལ་ཁབ་སྟོབས་ལྡན་དུ་འགྱུར་བ་དང་བསྐྱར་དར་ཡོང་བར་ང་རང་ཡོད།
གཉིས། བྱེད་སྒོའི་ཁྱབ་ཁོངས།
ད་ཐེངས་ཀྱི་སྐད་གཉིས་གྱེར་འདོན་གྱི་འགྲན་བསྡུར་ཆེན་མོ་དེ་སྤྱི་ཚོགས་ཡོངས་ལ་ཁ་ཕྱོགས་པ་དང་། ལོ་ཚད་དང་ལས་རིགས་སོགས་ཀྱི་ཐད་ལ་ཡང་ཚད་བཀག་གང་ཡང་མེད།
གསུམ། བྱེད་སྒོར་ཞུགས་སྟངས་དང་བླང་བྱ།
༡.འགྲན་བསྡུར་ནང་ཞུགས་སྟངས། འགྲན་བསྡུར་ནང་ཞུགས་མཁན་གྱིས༼བོད་རང་སྐྱོང་ལྗོངས་དཔེ་མཛོད་ཁང༽ཞེས་པའི་སྐད་འཕྲིན་སྤྱི་སྟེགས་བརྒྱུད་ནས་མིང་ཐོ་འགོད་ཆོག་པ་དང་།
གྱེར་འདོན་བྱས་པའི་བརྙན་ཐུང་དང་རྩོམ་ཡིག་བསྐུར་ཆོག ༢.བསྡུ་རུབ་ཀྱི་བླང་བྱ། ༼རྒྱལ་སྟོན་དགའ་བས་བསུ།རྒྱལ་ཁབ་སྟོབས་ལྡན་དུ་འགྱུར་བ་དང་བསྐྱར་དར་ཡོང་བར་ང་རང་ཡོད༽ཅེས་པ་བརྗོད་དོན་གཙོ་བོར་བྱས་པའི་གྱེར་འདོན་བརྩམས་ཆོས་དང་། གྱེར་འདོན་བྱེད་སྟངས་ཐད་ལ་ཚད་བཀག་མེད། ༣.བརྩམས་ཆོས་ཀྱི་བླང་བྱ། གྱེར་འདོན་བརྩམས་ཆོས་དེ་ཕབ་སྐྲུན་གྱི་དུས་ཡུན་སྐར་མ་༡ནས་༣བར་གྱི་གསར་རྩོམ་བརྙན་ཐུང་དགོས་པ་དང་།
འཕྲེད་ཡོལ་བརྙན་ཐུང་གྱི་བསྡུར་ཚད་༡༦：༩ཡོད་དགོས་པ། གྱོན་གོས་འཚམ་པོ་དང་།
རྒྱབ་ལྗོངས་གཙང་མ། སྒྲ་གསལ་བ། ཡི་གེ་མེད་པ་བཅས་ཡིན་དགོས། ༤.ཞིབ་དཔྱད་བྱ་ཐབས། བརྩམས་ཆོས་ལ་རྒྱལ་ཁབ་སྤྱི་སྤྱོད་སྐད་ཡིག་ཚོགས་ཆུང་དང་། གྲངས་ཉུང་མི་རིགས་སྐད་ཡིག་ཚོགས་ཆུང་༼བོད་སྐད༽རིགས་གཉིས་སུ་དབྱེ་ཡོད།
བྱ་དགའ་ཨང་དང་པོ་དང་། ཨང་གཉིས་པ།ཨང་གསུམ་པ། ཕུལ་བྱུང་བྱ་དགའ་བཅས་བཟོས་ཡོད། གཙོ་གཉེར་ཚན་པས་ཐོག་མའི་ཞིབ་དཔྱད་བྱ་རྒྱུ་དང་། ཞིབ་དཔྱད་ཨུ་ཡོན་ཚོགས་པ་སྒྲིག་འཛུགས་བྱས་ནས་མཐའ་མའི་ཞིབ་དཔྱད་བྱ་རྒྱུ་ཡིན།ཞིབ་དཔྱད་བྱས་ཟིན་པའི་བརྩམས་ཆོས་ལ་དྲ་བའི་ཐོག་ནས་འདེམས་ཤོག་འཕེན་རྒྱུ་བཟོས་ནས་ཕྱོགས་བསྡུས་དཔྱད་འདེམས་ཨུ་ཡོན་གྱིས་བརྒྱབ་པའི་སྐར་གྲངས་དང་། དྲ་བའི་ཐོག་གི་འདེམས་ཤོག་གི་ཁ་གྲངས་ལ་བལྟས་ནས་བྱ་དགའ་ཐོབ་མཁན་གྱི་མིང་ཐོ་གཏན་འཁེལ་བྱ་རྒྱུ་ཡིན།
བཞི། བྱེད་སྒོ་སྤེལ་བའི་དུས་ཚོད།
༡.མིང་ཐོ་འགོད་པ་དང་བརྩམས་ཆོས་འདོན་སྤྲོད་བྱེད་པའི་དུས་ཚོད།ཟླ་༡༠པའི་ཚེས་༡ནས་ཟླ་༡༠པའི་ཚེས་༦ཉིན་བར།༢.བརྩམས་ཆོས་ལ་དཔྱད་ཞིབ་བྱེད་པའི་དུས་ཚོད།ཟླ་༡༠ཚེས་༧ནས་ཟླ་༡༠ཚེས་༡༤ཉིན་བར། ༣.མཇུག་འབྲས་ཁྱབ་བསྒྲགས་དང་བྱ་དགའ་སྤྲོད་པའི་དུས་ཚོད། ཟླ་༡༠ཚེས་༡༩ནས་༢༠ཉིན་བར།
ལྔ། འབྲེལ་གཏུག་བྱེད་སྟངས།
དྲ་སྦྲེལ་པུའུ། ༠༨༩༡-༦༨༣༢༩༩༣![]()
རྩོམ་སྒྲིག བསྟན་འཛིན་ལྷ་མོ།
ཞུ་དག བཀྲ་ཤིས་རྒྱལ་པོ།
ཞིབ་བཤེར། སྤེན་པ་ཚེ་རིང་། བསོད་ནམས་སྒྲོལ་དཀར།
མ་ཡིག་མཁོ་འདོན། དྲ་སྦྲེལ་པུའུ།
