འབྱུང་བའི་འཇིགས་པས་ས་གས་ཁྱིམ་གཞིས་གཏོར།
མཉོམ་ཆུང་ཚེ་སྲོག་སྲིན་འབུ་མེ་ཅེབས་བཞིན།
བདེ་སྐྱིད་འཚོ་བ་ཞོ་ལྟར་ཆགས་པ་འདི།
ས་ཡོམ་འཇིགས་པས་ཐུག་པ་བཞིན་དུ་དཀྲུག
ཐུགས་སེམས་མ་སྡུག་གཉེན་ཉེ་རྣམས་པ་ལགས།
ས་འགུལ་འཇིགས་པར་སྙིང་རྗེ་མེད་ནའང་།
འཇིག་རྟེན་མི་ཡུལ་བརྩེ་བས་ཕྱུག་ནས་ཡོད།
གདུང་སེམས་མཉམ་བསྐྱེད་དུང་བ་ཁྱེད་ལ་བཅངས།
སྟོབས་ཆེན་མེས་རྒྱལ་ང་ཚོའི་རྒྱབ་རྟེན་ཡིན།
དྲིན་ཆེན་མགོན་སྐྱབས་ཀྲུང་གོ་གུང་ཁྲན་ཏང་།
བློ་གཏད་མ་འགྱུར་རྡོག་རྩ་གཅིག་ཏུ་སྒྲིལ།
བློ་སྟོབས་མ་ཞུམ་རྒྱལ་ཁའི་སྤོབས་སེམས་བསྐྱེད།
ཉེན་སེལ་དཔོན་དམག་བཅིངས་འགྲོལ་དམག་མི་དང་།
སྨན་པ་ཉེན་རྟོག་གཞུང་ཞབས་ལས་བྱེད་སོགས།
འཐབ་ས་དང་པོའི་རྒྱལ་བྱིན་ལྷ་དམག་བཞིན།
འཕྲན་བསྟུན་གེགས་སྐྱོབས་སྐར་ཆ་བརྩོན་ལེན་བྱེད།
སྤྱི་ཚོགས་འགན་སེམས་སྤུན་ཟླའི་དུང་སེམས་ལས།
ཕྱོགས་བཞིའི་རོགས་སྐྱོབས་དུས་སྨིན་ཆར་བཞིན་འབེབས།
ཏང་ཡོན་ལས་བྱེད་དང་བླངས་ཞབས་ཞུ་བས།
ཉིན་མཚན་ལྟོས་མེད་གེགས་སྐྱོབ་ལས་ལ་ཞོལ།
རྫོང་དཔོན་ཤང་དཔོན་གྲོང་དཔོན་ལ་སོགས་པས།
ཐབས་བརྒྱ་ཇུས་སྟོང་གེགས་སྐྱོབས་ཇུས་བཀོད་བྱེད།
སྐྱ་སེར་མང་ཚོགས་བློ་གཏད་ཏང་ལ་བཅོལ།
དཔུང་གདངས་མཉམ་སྒྲིལ་བསྐྱར་བསྐྲུན་ལས་ལ་བྲེལ།
རང་བྱུང་འཇིགས་པ་བཀག་པས་མ་ཐུབ་ཀྱང་།
དཀའ་སྡུག་གདོང་ལེན་འཐབ་རྩོད་མཐའ་གཅིག་བྱ།
ཁྱིམ་གཞིས་བསྐྱར་བསྐྲུན་བྱ་གཞག་གསར་གཏོད་ཆེད།
དཔུང་ཤུགས་སྒྲིག་ཤོག་ལྷ་རྩེའི་ཡུལ་མི་རྣམས།
来 源：拉孜窗口
编 辑：王圆圆
初 审：王圆圆
复 审：刘建军
终 审：平措
投稿邮箱：lazixian@xrkz.gov.cn
