ཁྲིམས་ལྟར་རྒྱལ་སྲུང་སློབ་གསོ་དང་ལེན་བྱ་རྒྱུ་ནི་སྤྱི་དམངས་ཡོངས་ཀྱི་དབང་ཆ་དང་འོས་འགན་ཞིག་ཡིན།
སྤྱི་ཚེས་15ཉིན་ནས་བཟུང་། མི་སྒེར་གྱི་རྒན་གསོའི་དངུལ་གྱི་ལམ་ལུགས་རྒྱལ་ཡོངས་སུ་ཁྱོན་ཡོངས་ནས་ལག་ལེན་བསྟར་བ་དང་། གཟའ་མཇུག་ཡིན་མོད། འོན་ཀྱང་དྲ་ཐོག་ཏུ་འགྲོ་ལུགས་གཉེར་བའི་ལས་དོན་ཁྱོན་ཡོངས་ནས་སྤེལ་ཟིན་པ་དང་། ཐ་ན་དངུལ་ཁང་ཁག་གཅིག་གིས་ཉིན་འགའ་ཤས་ཀྱི་སྔ་སྣུར་དུ་ཨང་ཐོ་བཟོ་བའི་བརྡ་ཁྱབ་དང་དྲིལ་བསྒྲགས་བརྡ་ཁྱབ་སྤེལ་ཡོད། ཁྱབ་གདལ་བཏང་བའི་ཉིན་དང་པོར་གསར་འགོད་པས་ས་ཆ་མང་པོ་ཞིག་ཏུ་བཅར་འདྲི་ཞུ་སྐབས། གྲོང་མི་ཚོས་རྒན་གསོ་འགན་ལེན་གྱི་བྱེད་ཐབས་གསར་པ་འདིར་དོ་ཁུར་ཆེན་པོ་བྱེད་པ་ཤེས་རྟོགས་བྱུང་།
མི་སྒེར་གྱི་རྒན་གསོའི་དངུལ་གྱི་ཐད་གྲོས་བསྡུར་བྱེད་མང་དུ་འགྲོ་བ་དང་བསྟུན་ནས། དང་ཐོག་ཇི་ལྟར་བྱས་ཏེ་མི་སྒེར་གྱི་རྒན་གསོའི་དངུལ་གྱི་ཨང་ཐོ་བཟོ་དགོས་པ་ཤེས་རྟོགས་བྱ་དགོས། མི་སྒེར་གྱི་རྒན་གསོའི་དངུལ་ལ་སྒེར་གྱི་ཨང་ཐོའི་ལམ་ལུགས་ལག་ལེན་བསྟར་ནས། གྲོན་དངུལ་འཇལ་རྒྱུ་དེ་ཞུགས་མཁན་མི་སྒེར་གྱིས་རྦད་དེ་འགན་འཁུར་དགོས། ལོ་ལྟར་གྲོན་དངུལ་འཇལ་བའི་ཚད་གཞི་མཐོ་ཤོས་ནི་སྒོར་12000ཡིན་པ་དང་། ཟླ་རེ་བཞིན་དང་། ཁག་ཐེངས་ལ་དབྱེ་བའམ་ཡང་ན་ལོ་འཁོར་མོ་གཞིར་བཟུང་གྲོན་དངུལ་འཇལ་ཆོག་པ་མ་ཟད། ཁྲལ་བསྡུའི་གཟིགས་སྐྱོང་སྲིད་ཇུས་ལོངས་སུ་སྤྱོད་ཆོག
ཞུགས་མཁན་གྱིས་རྒྱལ་ཁབ་ཀྱི་སྤྱི་ཚོགས་འགན་བཅོལ་གྱི་སྤྱི་པའི་ཞབས་ཞུའི་སྟེགས་བུ་དང་། གློག་རྡུལ་སྤྱི་ཚོགས་འགན་བཅོལ་གཱ ལག་ཐོག་གི་12333APPསོགས་རྒྱལ་ཡོངས་ཀྱི་གཅིག་གྱུར་དྲ་ཐོག་ཞབས་ཞུའི་འཇུག་སྒོ་དང་ཡང་ན་གཏན་འབེབས་དང་མཐུན་པའི་ཚོང་ལས་དངུལ་ཁང་གིས་མི་སྒེར་གྱི་རྒན་གསོའི་དངུལ་གྱི་ཨང་ཐོ་བཟོ་ཆོག་པ་དང་འབྲེལ་ཚོང་ལས་དངུལ་ཁང་གིས་ཀྱང་མི་སྒེར་གྱི་རྒན་གསོའི་དངུལ་གྱི་མ་དངུལ་ཨང་ཐོ་ཁོངས་བཟོ་ཆོག
ཞུགས་མཁན་གྱིས་ལོ་རེར་སྒེར་གྱི་རྒན་གསོའི་དངུལ་གྱི་མ་དངུལ་ཨང་ཐོ་ཐོ་འགོད་བྱེད་སའི་དངུལ་ཁང་ཐེངས་གཉིས་བསྒྱུར་ཆོག དེ་ཡང་གསལ་པོར་བཤད་ན།མི་སྒེར་གྱི་རྒན་གསོའི་དངུལ་གྱི་ཨང་ཐོ་བཟོ་བར་ཨང་ཐོ་གཉིས་བཟོ་དགོས་ཏེ། གཅིག་ནི་མི་སྒེར་གྱི་རྒན་གསོའི་དངུལ་གྱི་ཨང་ཐོ་དང་། གཅིག་ཤོས་ནི་མི་སྒེར་གྱི་རྒན་གསོའི་དངུལ་གྱི་མ་དངུལ་གྱི་ཨང་ཐོ་ཡིན། མིག་སྔར་ཚོང་ལས་དངུལ་ཁང་གི་ཐབས་ལམ་བརྒྱུད་ཚེ་ཐེངས་གཅིག་ལ་ཨང་ཐོ་དེ་གཉིས་ཀ་བཟོ་ཆོག་གི་ཡོད།
ནན་ཁའེ་སློབ་ཆེན་དངུལ་རྩ་གོང་འཕེལ་ཞིབ་འཇུག་ཁང་གི་འགོ་འཛིན་ཐེན་ལི་ཧུའེ་ཡིས། དེའི་ནང་དངུལ་ལོར་བདག་གཉེར་ཐོན་རྫས་ཀྱི་སྔོན་དཔག་ཕན་འབྲས་དང་ཉེན་ཁ་བལྟོས་བཅས་ཀྱི་བཏང་སྙོམས་དང་འཕར་ཆག་ཅུང་ཞི་ལྷོད་ཡིན་པ་དང་དངུལ་གསོག་ཐོན་རྫས་ཀྱི་མ་དངུལ་དང་ཁེ་བཟང་ལ་འགན་ལེན་ཡོད་པས། “མ་རྩ་འགན་ལེན”གྱི་དགོས་མཁོ་ཡོད་པའི་འཛད་སྤྱོད་པར་འཚམ་པོ་ཡོད་ཅེས་གསུངས་པ་རེད།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
རྩོམ་སྒྲིག་པ། ཤེས་རབ་རྒྱ་མཚོ།
ལྟ་ཞིབ། བློ་བཟང་ཕུན་ཚོགས།
སྤྱི་ཁྱབ་ལྟ་སྐུལ་བ། ཁྱི་ལོད་གྲགས་པ།
གཡས་ཀྱི་རྩ་གཉིས་རྟགས་རིས་བཤེར་ནས་
ང་ཚོར་དོ་ཁུར་བྱ་ཆོག
