60岁黎耀祥唔信一世行运
感叹：我唔摆得几耐 凭《巾帼》名利双收15年
2009年黎耀祥凭《巾帼枭雄》的“柴九”爆红，15年后《巾帼枭雄之悬崖》的“柴十七”依然叫好叫座，首播7日获跨平台收视24.8点，更成为黄金时段收视冠军。儘管先声夺人赢头彩，4夺“视帝”在望，但60岁的黎耀祥竟然话冇谂过，更突然有感而发说：“上天将最好嘅嘢畀晒我，我唔知有冇福份可以继续落去…我都几十岁啦，正所谓‘摆’得几耐呀…”祥哥是否谂多咗？
採访：方骞平 摄影：谭志光
再演《巾帼》系列对黎耀祥来说零负担，反而曾向有压力的对手胡定欣大派定心丸：“因为对手、背景、关係、人物、题材甚至场景都唔同，每个角色有唔同嘅特质，正如‘柴十七’係有自信嘅富二代，肢体动作都比以前多。”祥哥指每位演员都有优点和缺点，各有支持者，唔认同观众要将胡定欣和邓萃雯比较。
恨创4届视帝纪录
对于再衝击“视帝”？祥哥就老实不客气：“哈…我成日话，虽然明知唔会，但边个唔锺意发达呀？尤其可以刷新4届视帝纪录，不过，都係嗰句啦，得到观众认同比奖项更重要。”
语毕，祥哥突然引爆心声，半带笑说：“我都几十岁啦，仲‘摆’得几耐呀？可能我较为悲观，唔会觉得自己好长命，可能只有10多年，因为上天将最好嘅嘢畀晒我，而且比我预计中攞多咗好多，我以为自己一世都係‘跑龙套’，所以唔知仲有冇福份可以继续。”他还补充，感觉上会比老婆早死，故资产都全交给佢：“就算我死咗佢都搞得掂。”
开心share扮死尸心得
黎耀祥自嘲只是一个不起眼的中学毕业生，对比80年代高大靓仔小生梁朝伟、刘德华、苗侨伟。
笑言不用踎街经已好好：“入行单纯係锺意演戏，觉得喺演戏世界入面最有安全感，可以唔做自己，40年前又赚到3千月薪，就算扮死尸、扮村民一样咁enjoy。”
祥哥更开心share扮死尸心得：“係要用腹部嚟呼吸，连眼球都要定格，否则眼皮会穿崩，其实唔容易㗎。”重温“柴九”金句“人生有几多个十年？”
他感恩过去15年上天安排赐予几次大奖及稳定的财政和心态，少了经济负担相当重要：“𠵱家好幸福及满足，上天安排每条路都好好，就算当年未上到一线位置都获TVB 加薪4成，唯一小挫折係拍完《西游记》后，1998年离开TVB嗰4年喺电影圈冇乜嘢捞；
至于人生最遗憾係妈妈死得早，未能分享个仔嘅最大成就。”
从演40年的祥哥未计划退休：“既然上天畀你能力点解唔做呀？”他还寄语后辈要努力工作，不要计较，因为天道酬勤，做得好自然有回报。
损手烂脚止蚀离场
另外，提到《巾帼枭雄之悬崖》中的“柴十七”是财经天才，现实中的祥哥刚好相反，他更爆出收收埋埋的小秘密，原来过去无论投资物业、买股票都是损手烂脚。
他说：“当年我$270买腾讯，眼见一度跌穿$200，吓到我平手即放，点知升到$400几；又趁1600美元好价，卖走台庆时赢返嚟嗰10安士黄金，𠵱家金价升近3000美元，计落唔见咗10几万；97年买楼又遇著冧市..我永远係高追低卖，赚唔到好价钱，所以冇掂10年，现在冇任何投资只係做定期，稳收3厘几息。”
他抵死地引述老婆大人的说话：“佢话‘反正多正财，如果畀埋横财你，仲有天理嘅？’”
