2024ལོའི་ཟླ་9པའི་ཚེས་30ཉིན་རྫ་སྟོད་རྫོང་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུའུ་ཡིས་གཙོ་སྒྲུབ་དང་། གེ་སར་གཞུང་ལས་ཁང་གིས་འགན་སྒྲུབ་ཀྱིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་75འཁོར་བར་རྟེན་འབྲེལ་ཞུ་ཆེད། གེ་སར་འཁྲབ་བཤད་རིག་རྩལ་མུ་འབྲེལ་བྱེད་སྒོ་དེ་རྫ་སྟོད་རྫོང་གེ་སར་སྒྲུང་པའི་གཞིས་ཁྱིམ་དུ་སྤེལ། ཚོགས་ཐོག་ཏུ་བབས་སྒྲུང་པ་དབང་ཆེན་དགེ་ལེགས་ཀྱི་མོན་གླིང་གཡུལ་འགྱེད་ཀྱི་མཐེབ་སྡེར་དབུ་འབྱེད་མཛད་སྒོ་དང་། རྟེན་གཞིའི་སྒོ་བྱང་སྤྲད་པ། གཟེངས་རྟགས་ཕུལ་བ་སོགས་ཀྱི་བྱ་རིམ་བརྒྱུད་རྫོང་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུའུ་ཡི་ཏང་ཙུའུ་ཧྲུའུ་ཅི་དང་ཅུའུ་ཀྲང་ཨ་ཏི་འཆི་མེད་ཚེ་རིང་ལགས་ཀྱིས་མཇུག་སྒྲིལ་གཏམ་བཤད་གནང་སྟེ་བྱེད་སྒོ་ཡོངས་སུ་མཇུག་སྒྲིལ།
