更多爆料关注↑↑↑
近日网上流传一张《爱．回家之开心速递》演员每集人工价目表，其中欧阳震华客串一集$22,750，常驻演员中以刘丹最高，每集$6,000，女角则是$4,750的樊亦敏最高。虽然昨日TVB已发声明称「特此澄清，相关讨论并不反映实际情况」，但还是引起了热议，就连邓兆尊、吴家乐等都有评论，邓兆尊更大爆当年拍《皆大欢喜》的薪金，同剧男演员曾争取加「一包烟」人工，但都失败。
吴家乐、邓兆尊与谢逊在网台节目讨论处境剧薪酬，邓兆尊说如果有机会都想再拍，「好捞，又好赚，又舒服，返工时间又好。」对于这张网传价目表，他与吴家乐都觉得可信性很低，尤其当中指「阿Joe」何晋乐得$0，二人一听就觉得冇可能，合约艺人一定不会$0。但他们都同意刘丹一定很高薪，笑言：「用少一个丹爷，可以用多十个其他人。」
家乐解释处境剧计粮方法，年资愈长，人工愈高，他说：「人工有时系累积出嚟，所以你话丹爷，如果咁多年，Sit-com嚟讲，由叉烧炳（《真情》角色）嗰时到而家，每年加少少加少少， show钱点会少？呢度$6000咪畀少咗佢囉！」网传「金城安」周嘉洛每集$5750，仅次丹爷，兆尊直言冇可能：「安仔一定冇咁高，我肯定！一早签约定咗个价，唔会话你而家红咗就会突然间加咗。」
邓兆尊当年拍足两辑《皆大欢喜》，谢逊问到演员间会否知对方薪酬，他大爆：「女人嗰啲我哋唔知，有时成班男人倾开偈，林文龙呀，谢天华呀，祥仔（阮兆祥）都知，大约个Range几多都知嘅。大家都系嗰个年份去倾（价钱）嘅，就倾偈话：『点呀？今日谂住加到几多呀？』谢天华就好笑，嗰时一包烟$50，佢话：『我真系唔信呀，我上去我要求加$50，一包烟都加唔到我唔捞！』」
「咁佢上去倾完返嚟，我话『点呀？仲有冇得捞？』佢话冇得加，咪又继续捞囉。」他透露有一年所有人都冇人工加，公司叫「共度时艰」，又说：「嗰排好红，冇理由$50加唔到吖，我哋要求每个月加$50都加唔到，嗰时共渡时艰系几咁咩，不过始终公司畀咗机会大家。」
期间他们讨论做临时演员的人工，指网传临时演员$380一集，兆尊笑说：「我做嗰阵时我记得$140至$180度，包一个饭盒嘅啫，做死尸瞓觉。」但他与吴家乐都同意，主要睇临时演员公司如何拆账，有公司「食水深」，临时演员有机会只得$100。
当时拍《皆大欢喜》，虽然邓兆尊戏份不是最主要，但出镜集数都有8成，拍千几集听起来都相当「和味」，主持问他是否凭此已赚到第一桶金，他回答：「我Show钱唔系好多，一个Show三千零蚊，因为我有个争产事件，暴升500%之后先有呢个价钱。真㗎，唔系冇呢个价钱，升咗先拍得住阮兆祥。（吴家乐：阮兆祥出名Show钱贵！）当时我爆咗Show，出四万零五万蚊一个月，但啲钱唔知去咗边。」
讲开Show钱，计法其实好多，他说：「任何剧集，半个钟入面，凸个头出一出嚟，就会有show。（主持：如果有幅画有你个样？）唔同计法，真人先计。」家乐补充指每拍一套剧之前，公司会预先同你倾好Show钱，后期计法愈来愈多，有机会是1/2或1/3。
家乐续道：「我都试过有套戏，有个监制话搵我，影一日相，佢话『喺套戏入面你死咗㗎喇，我想你影一张相，就系两个主角去到见到你张Poster，你曾经系个车手，佢哋见到你，怀缅过去。你帮我影一日相，喺里面出两集，畀返两个Show你，我话『咦？又OK喎！硬照咋喎。』我OK，但都要睇吓系乜嘢相，有啲最兴坟前嗰啲相咁就梗系冇Show。」
主持亦再引伸到另一个话题，就是「死人利是」，家乐表示任何戏份，只要是拍殡仪馆、瞓棺材、瞓停尸间等「唔吉利嘅嘢」，都会收返封利是。被问到银码，邓兆尊说：「两蚊，意思意思㗎啫，我嗰个年代系。」家乐再说：「而家都系！攞个意头㗎啫，都系两蚊！」
