སྣ་དཀར་རྩེ་རྫོང་སྤྱི་བདེ་ཅུད་ཀྱིས་རང་རྫོང་ཁོངས་ཁུལ་དུ་གློག་རྡུལ་ཉེན་རྟོག་པ་གསར་སྣོན་སྤྱོད་འགོ་འཛུགས་རྒྱུའི་སྐོར་གྱི་སྤྱི་བསྒྲགས།
རྫོང་ཁོངས་དང་རྒྱལ་ལམ་349དང་།འཕྲུལ་སྒུལ་འཁོར་རིགས་མྱུར་ཚད་ལས་བརྒལ་བ།སྒྲིག་འགལ་གྱི་འཁོར་རིགས་འཇོག་པ་སོགས་འགྲིམ་འགྲུལ་གྱི་ཁྲིམས་འགལ་བྱ་སྤྱོད་བཀག་འགོག་ནུས་ལྡན་དུ་བཏང་ནས་འགྲིམ་འགྲུལ་ལས་འཛོལ་ཐོན་རྒྱུ་སྔོན་འགོག་དང་ཉུང་དུ་བཏང་ཐོག་རང་ལྗོངས་ཀྱི་འགྲིམ་འགྲུལ་སྒྲིག་ལམ་སྔར་བས་ཚད་ལྡན་དུ་གཏོང་ཆེད《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འགྲོ་ལམ་འགྲིམ་འགྲུལ་བདེ་འཇགས་བཅའ་ཁྲིམས》དང《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འགྲོ་ལམ་འགྲིམ་འགྲུལ་བདེ་འཇགས་བཅའ་ཁྲིམས་ལག་བསྟར་སྲོལ་ཡིག》སོགས་འབྲེལ་ཡོད་གཏན་འབེབས་གཞིར་བཟུང་སྣ་དཀར་རྩེ་རྫོང་སྤྱི་བདེ་ཅུད་ཀྱིས་2024ལོའི་ཟླ་11ཚེས་19ཉིན་ནས་བཟུང་རང་རྫོང་ཁོངས་ཁུལ་གྱི་གསར་སྣོན་གློག་རྡུལ་ཉེན་རྟོག་སྒྲིག་ཆས་སྤྱོད་འགོ་འཛུགས་རྒྱུ་ཡིན་པས་རྒྱ་ཆེའི་འགྲིམ་འགྲུལ་ཁ་ལོ་བ་ཚོས་འབྲེལ་ཡོད་གཏན་འབེབས་ལ་རང་འགུལ་ངང་བརྩི་སྲུང་ཞུས་ནས་བདེ་འཇགས་དང་། ཤར་བགྲོད། ཞི་མཐུན་གོ་རིམ་ལྡན་པ་བཅས་ཀྱི་འགྲིམ་འགྲུལ་ཁོར་ཡུག་ཐུན་མོང་ཐོག་སྐྲུན་དགོས།
ཡོངས་བསྒྲགས་བྱས་པ་གཤམ་གསལ། ཡོངས་བསྒྲགས་དུས་ཡུན་ནི་ཉིན་15ཡིན་པ་དང་། ཡོངས་བསྒྲགས་བྱེད་རིང་པར་ལེན་ཐད་ཀྱི་ཁྲིམས་འགལ་བྱ་སྤྱོད་ལ་ཆད་པ་མི་གཅོད་པ་དང་རྒྱ་ཆེའི་ཁ་ལོ་བ་ཡོངས་ནས་ཡ་རབས་ཚུལ་ལྡན་དང་ཁྲིམས་སྲུང་ངང་འགྲོ་བསྐྱོད་བྱ་དགོས།
གཅིག སྤྱོད་འགོ་ཚུགས་པའི་དུས་ཚོད།
2024ལོའི་ཟླ་12ཚེས་4ཉིན་གྱི་ཆུ་ཚོད་00དང་སྐར་མ་00
གཉིས། སྤྱོད་འགོ་འཛུགས་སའི་ལམ་དུམ།
1.རྒྱལ་ལམ་349ཡི་སྨི་1180KM+སྨི་900ཡི་སར་སྒྲིག་འགལ་འཁོར་འཇོག་པར་ལེན་སྒྲིག་ཆས་ཡོད།
2.སྣ་དཀར་རྩེ་རྫོང་གི་ཨན་ཆིན་ལམ(ཡར་འབྲོག་ལམ)དུ་སྒྲིག་འགལ་འཁོར་འཇོག་པར་ལེན་སྒྲིག་ཆས་ཡོད།
3.རྒྱལ་ལམ་349ཡི་1237KM+སྨི་800ཟིན་པའི་གནམ་གཤིས་ཅུད་ཀྱི་སྒོ་དབྱིབས་སྒྲོམ（ཡར་འབྲོག་ལམ）དུ་སྒྲིག་འགལ་འཁོར་འཇོག་པར་ལེན་སྒྲིག་ཆས་ཡོད།
4.རྒྱལ་ལམ་349ཡི་1260KMཕྱག་གཡོན་མཚོའི་མཛེས་ལྗོངས་ཁུལ་དུ་སྒྲིག་འགལ་འཁོར་འཇོག་པར་ལེན་སྒྲིག་ཆས་ཡོད།
5.རྒྱལ་ལམ་349ཡི་1237KM+800Mགནམ་གཤིས་ཅུད་ཀྱི་སྒོ་དབྱིབས་སྒྲོམ།（གཏན་འཇགས་མྱུར་ཚད་འཇལ་བ།）
6.ཞིང་ཆེན་གཞུང་ལམ་510ཐོག་སྒུལ་སྐྱོད་མྱུར་འཇལ་སྒྲིག་ཆས་ཡོད།（དུས་ངེས་མེད་དང་གཏན་གནས་མིན་པའི་མྱུར་ཚད་འཇལ་བ།）
གསུམ། གློག་རྡུལ་པར་ལེན་གྱི་ཁྲིམས་འགལ་བྱ་སྤྱོད།
སྒྲིག་འགལ་གློག་རྡུལ་ཉེན་རྟོག་པར་ལེན་མ་ལག་ནས་གཙོ་བོ་པར་ལེན་འདི་རིགས་སྟེ། འཕྲུལ་སྒུལ་འཁོར་རིགས་གཏན་འཁེལ་དུས་ཚོད་ལས་བརྒལ་བའི(སྒྲིག་འགལ་འཁོར་འཇོག)འགྲིམ་འགྲུལ་བདེ་འཇགས་ལ་ཤུགས་རྐྱེན་ཐེབས་པའི་ཁྲིམས་འགལ་གྱི་བྱ་སྤྱོད།།
གློག་རྡུལ་ལྟ་སྐུལ་ཚོད་འཛིན་གྱི་ཟིན་ཐོ་གཞིར་བཟུང་གོང་གསལ་ལམ་དུམ་བུར་འགྲིམ་འགྲུལ་ཁྲིམས་འགལ་གྱི་བྱ་སྤྱོད་ཡོད་ཚེ《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འགྲོ་ལམ་འགྲིམ་འགྲུལ་བདེ་འཇགས་བཅའ་ཁྲིམས》དང་དེ་བཞིན་འབྲེལ་ཡོད་གཏན་འབེབས་གཞིར་བཟུང་ཆད་པ་གཅོད་རྒྱུ།རྫོང་ནང་གི་གློག་སྒྲོན་དམར་པོ་དང་ལྗང་ཁུ་དེ་བཞིན་གློག་རྡུལ་ཉེན་རྟོག་པའི་པར་ལེན་མ་ལག་ཚང་མ་རྒྱུན་གཏན་ལྟར་བེད་སྤྱོད་བྱེད་བཞིན་ཡོད་པས་རྒྱ་ཆེའི་ཁ་ལོ་བ་དང་དེ་བཞིན་འགྲིམ་འགྲུལ་ནང་ཞུགས་མཁན་ཚོས་འགྲོ་ལམ་འགྲིམ་འགྲུལ་གྱི་ཁྲིམས་སྲོལ་ལ་བརྩི་སྲུང་ནན་པོ་ཞུས་ནས་ཡ་རབས་ཚུལ་ལྡན་ངང་འགྲོ་སྐྱོད་བྱས་ཏེ་བདེ་འཇགས་དང་། གོ་རིམ་ལྡན་པ། ཤར་བགྲོད་ཐུབ་པ་བཅས་ཀྱི་འགྲོ་ལམ་འགྲིམ་འགྲུལ་ཁོར་ཡུག་ཐུན་མོང་ཐོག་སྐྲུན་དགོས།
དེ་དོན་ཆེད་དུ་སྤྱི་བསྒྲགས་བྱས་ཡོད།
来源：县公安局
责编|索朗仁青 审核|拉姆曲珍
