སྐབས་༡༣པའི་རྫོང་ཨུ་རྒྱུན་ཨུ་ལྷན་ཁང་གི་ཚོགས་འདུ་ཐེངས་༦༣པ།

ཚོགས་འདུ་ལས་བསྟན་དོན།སྤྱི་ཁྱབ་ཧྲུའུ་ཅིས་སྤྱི་ཚོགས་ལས་དོན་ཐད་གནང་བའི་མཛུབ་སྟོན་གལ་ཆེན་ནང་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་གྱི་སྤྱི་ཚོགས་ལས་དོན་ཁྱབ་ཁོངས་ཀྱི་སྒྱུར་བཅོས་འཕེལ་རྒྱས་ལ་ཐོབ་པའི་གྲུབ་འབྲས་གལ་ཆེན་ལ་ཁས་ལེན་གང་ལེགས་གནང་བ་དང་།དུས་རབས་གསར་པའི་སྤྱི་ཚོགས་ལས་དོན་གྱི་གཞི་རྩའི་རྩ་དོན་དང་།རིན་ཐང་གི་ལྟ་ཕྱོགས།འཕེལ་རྒྱས་ཁ་ཕྱོགས།གཙོ་གནད་ལས་འགན།རྨང་གཞིའི་འགན་ལེན་སོགས་རྒྱས་བཤད་གཏིང་ཟབ་གནང་ནས་ཏང་ཡོངས་ཀྱིས་དུས་རབས་གསར་པའི་སྤྱི་ཚོགས་ལས་དོན་ཡག་པོ་བསྒྲུབ་རྒྱུར་མདུན་སྐྱོད་ཀྱི་ཁ་ཕྱོགས་གསལ་སྟོན་དང་རྩ་བའི་གཞི་འཛིན་ས་མཁོ་འདོན་གནང་ཡོད་པ་བསྟན། རྫོང་ཡོངས་ཀྱི་གོང་འོག་ཚང་མས་　སྤྱི་ཁྱབ་ཧྲུའུ་ཅུ་ཤེས་ཅན་ཕིང་གིས་སྤྱི་ཚོགས་ལས་དོན་ལ་གནང་བའི་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་།དུས་རབས་གསར་པའི་སྤྱི་ཚོགས་ལས་དོན་ཡག་པོ་སྒྲུབ་པའི་གལ་ཆེའི་རང་བཞིན་ལ་གོ་བ་གཏིང་ཟབ་ལེན་པ།ལས་ཀའི་འགན་འཁྲི་འཁུར་སེམས་དང་ལས་འགན་སྒྲུབ་སེམས་ཆེ་རུ་ཏན་ཏིག་གཏོང་བ་བཅས་བྱས་ནས་རང་རྫོང་གི་སྤྱི་ཚོགས་ལས་དོན་ལ་གྲུབ་འབྲས་གསར་པ་ཐོབ་རྒྱུར་རྒྱུན་ཆད་མེད་པར་སྐུལ་འདེད་གཏོང་དགོས། ཏང་འཛུགས་སྐྱོང་བྱ་རྒྱུ་དེ་ཨང་དང་པོར་འཇོག་རྒྱུ་མཐའ་འཁྱོངས་བྱས་ནས་དཔལ་འབྱོར་གྱི་རྩ་འཛུགས་གསར་པ་དང་།སྤྱི་ཚོགས་ཀྱི་རྩ་འཛུགས་གསར་པ།ལས་ཞུགས་ཀྱི་ཚོགས་སྤྱི་གསར་པ་བཅས་ཀྱི་ཏང་འཛུགས་སྐྱོང་ལས་དོན་གཙོ་གནད་དུ་དམ་འཛིན་ཡག་པོ་བྱེད་དགོས། ཏང་འཛུགས་སྐྱོང་གིས་གཞི་རིམ་བཅོས་སྐྱོང་ལ་སྣེ་ཁྲིད་གཏིང་ཟབ་བྱས་ཏེ་གཞི་རིམ་གྱི་ཁུར་པོ་ཡང་དུ་དང་ནུས་པ་མུ་མཐུད་འདོན་དགོས་པ་དང་། མང་ཚོགས་ལ་ཞབས་འདེགས་ཞུ་བའི་ལས་ཀའི་བྱེད་ཐབས་དོན་འཁྱོལ་ཞིབ་ཕྲ་བྱས་ནས་མི་དམངས་ཀྱི་གྲོས་འགོ་བསྡུ་ལེན་བྱེད་པའི་ཐབས་ལམ་རྒྱ་ཆེར་གཏོང་དགོས། སྤྱི་ཚོགས་ལས་དོན་པུའུ་རང་ངོས་འཛུགས་སྐྱོང་ལ་ཤུགས་སྣོན་བརྒྱབ་ནས་ལས་འགན་ལྕི་པོ་འཁུར་ཐུབ་པ་དང་།བྱང་ཚད་མཐོ་བ།འཇོན་ཐང་ཆེ་བ།སྤྱོད་ཚུལ་ལེགས་པ་བཅས་ཀྱི་སྤྱི་ཚོགས་ལས་དོན་ལས་བྱེད་ཤེས་ལྡན་པའི་དཔུང་ཁག་ཅིག་སྐྲུན་དགོས་པ་བསྟན།།

ཚོགས་འདུ་ལས་བསྟན་དོན།སྤྱི་ཁྱབ་ཧྲུའུ་་ཅུ་ཤེས་ཅན་ཕིང་གིས་ཧུའུ་པེར་རྟོག་ཞིབ་བྱེད་སྐབས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་ལག་བསྟར་དོན་འཁྱོལ་བྱེད་པ་དང་།རིག་གནས་ཐོན་ཁུངས་སྲུང་སྐྱོང་ལ་ཤུགས་སྣོན་རྒྱག་པ་དང་རིག་གནས་གསར་གཏོད་དང་འཕེལ་རྒྱས་ལ་སྐུལ་འདེད་གཏོང་བ།ཚན་རྩལ་གསར་གཏོད་དང་ཐོན་ལས་གསར་གཏོད་ལ་སྐུལ་འདེད་གཏོང་བ།གྲོང་ཁྱེར་དང་གྲོང་གསེབ་མཉམ་འདྲེས་འཕེལ་རྒྱས་དང་གྲོང་གསེབ་ཁྱོན་ཡོངས་ནས་དར་རྒྱས་ཡོང་བར་སྐུལ་འདེད་གཏོང་བ་སོགས་ཀྱི་ཐད་མཛུབ་སྟོན་གལ་ཆེན་རབ་དང་རིམ་པ་བྱས་པར་ཆབ་སྲིད་ཀྱི་རང་བཞིན་དང་།བསམ་བློའི་རང་བཞིན།འཐབ་ཇུས་ཀྱི་རང་བཞིན།མཛུབ་ཁྲིད་ཀྱི་རང་བཞིན་བཅས་ཧ་ཅང་ཆེན་པོ་ལྡན་པས་ང་ཚོས་ལས་དོན་ཡག་པོ་བསྒྲུབ་རྒྱུར་རྩ་བའི་གཞི་འཛིན་ས་མཁོ་འདོན་བྱས་པ་དང་། རྫོང་ཡོངས་ཀྱི་གོང་འོག་ཚང་མས་　སྤྱི་ཁྱབ་ཧྲུའུ་ཅུ་ཤེས་ཅན་ཕིང་གི་གལ་ཆེའི་མཛུབ་སྟོན་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་གསེར་རྟའི་དོན་དངོས་དང་ཟུང་འབྲེལ་གྱིས་ལས་དོན་དོན་འཁྱོལ་བྱེད་རྒྱུར་དམ་འཛིན་ནན་ཏན་བྱེད་དགོས། སྲོལ་རྒྱུན་རིག་གནས་རྒྱུན་འཛིན་སྲུང་སྐྱོང་དང་གསར་གཏོད་འཕེལ་རྒྱས་ལ་ཤུགས་སྣོན་བརྒྱབ་ནས་རིག་གནས་དང་ཡུལ་སྐོར་མཉམ་འདྲེས་འཕེལ་རྒྱས་ལ་རྒྱུན་ཆད་མེད་པར་སྐུལ་འདེད་གཏོང་དགོས། ཡུལ་བབ་དང་བསྟུན་ནས་སྤུས་ཚད་གསར་པའི་ཐོན་སྐྱེད་ནུས་ཤུགས་འཕེལ་རྒྱས་གཏོང་བ་དང་།སྲོལ་རྒྱུན་ཐོན་ལས་དེང་རབས་ཅན་དུ་འགྱུར་རྒྱུར་སྐུལ་འདེད་གཏོང་བ།གསེར་རྟའི་ཁྱད་ཆོས་ལྡན་པའི་དེང་རབས་ཅན་གྱི་ཐོན་ལས་མ་ལག་འཛུགས་པ་བཅས་བྱེད་དགོས། གྲོང་ཁྱེར་དང་གྲོང་གསེབ་མཉམ་འདྲེས་འཕེལ་རྒྱས་ལ་སྐུལ་འདེད་མགྱོགས་སུ་གཏོང་བ་དང་།རྫོང་གྲོང་གི་ནུས་པ་བཀོད་སྒྲིག་ལེགས་སུ་གཏོང་བ།གྲོང་ཁྱེར་དང་གྲོང་རྡལ་གྱི་སྤྱི་པའི་ཞབས་ཞུའི་སྒྲིག་བཀོད་འཐུས་ཚང་དུ་གཏོང་བ་བཅས་བྱེད་དགོས།འབྲུ་རིགས་བདེ་འཇགས་ཀྱི་ཏང་སྲིད་ཀྱི་འགན་འཁྲི་མཉམ་འཁུར་དོན་འཁྱོལ་ནན་པོ་བྱས་ནས་རྨོ་ཞིང་གི་དམར་ཐིག་ནན་སྲུང་གིས་འབྲུ་རིགས་ཐོན་སྐྱེད་དང་ཞིང་ལས་ཐོན་རྫས་མཁོ་སྤྲོད་བདེ་འཇགས་ལ་སྤྱི་འདོམས་སྐུལ་འདེད་གཏོང་དགོས། དབུལ་སྒྲོལ་འགག་སྒྲོལ་གྱི་གྲུབ་འབྲས་རྒྱུན་མཐུད་ངང་སྲ་བརྟན་དང་རྒྱ་ཆེར་བཏང་ནས་གྲོང་གསེབ་ཕྱོགས་ཡོངས་ནས་དར་རྒྱས་ཡོང་རྒྱུར་མུ་མཐུད་དུ་སྐུལ་འདེད་བཏང་སྟེ་དམངས་འཚོའི་མཐའ་ཚད་རྒྱུན་ཆད་མེད་པར་བརྟན་དུ་གཏོང་དགོས།

ཚོགས་འདུའི་ཐོག་ཉེ་དུས་ཀྱི་གཙོ་གནད་ལས་དོན་བཀོད་སྒྲིག་བྱས་པ་རེད། ཚོགས་འདུའི་བླང་བྱ།ཐོག་མཐའ་བར་གསུམ་དུ་སྒྲིག་ཁྲིམས་ལ་སྣང་ཆེན་དང་སྒྲིག་ལམ་སྲུང་བ་དེ་ལས་སྒྲུབ་ལས་གཏོད་ཀྱི“ཚད་གཞི་དང་པོར”བརྩི་དགོས་པའི་བླང་བྱ་བཏོན་ཡོད། སྒྲིག་ཁྲིམས་དང་སྒྲིག་ལམ་སྔོན་ལ་འཇོག་རྒྱུ་ཐོག་མཐའ་བར་གསུམ་དུ་མཐའ་འཁྱོངས་བྱས་ནས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དང་དེའི་ལག་བསྟར་ཞིབ་སྲོལ་སྙིང་རུས་ལྷོད་མེད་ཀྱིས་དོན་འཁྱོལ་བྱེད་པ་དང་།ཕྱི་ཚུལ་རིང་ལུགས་དང་དཔོན་ཉམས་རིང་ལུགས་ཡོ་བསྲང་མཐའ་གཅིག་ཏུ་བྱེད་པ།ཁྱད་དབང་གི་བསམ་བློ་དང་ཁྱད་དབང་གི་བྱ་སྤྱོད་ལ་ངོ་རྒོལ་མཐའ་གཅིག་ཏུ་བྱེད་པ།མང་ཚོགས་ཀྱི་ཉེ་འགྲམ་གྱི་ཚུལ་མིན་སྤྱོད་ཚུལ་དང་རུལ་སུངས་ཀྱི་གནད་དོན་མུ་མཐུད་བཅོས་སྒྲིག་བྱེད་པ།ཏང་གི་སྒྲིག་ཁྲིམས་སློབ་སྦྱོང་དང་སློབ་གསོ་རྒྱུན་རྣམ་ཅན་དང་ཕུགས་ཕན་ཅན་དུ་འགྱུར་བར་སྐུལ་འདེད་གཏིང་ཟབ་གཏོང་བ་བཅས་བྱས་ནས་རྫོང་ཡོངས་ཀྱི་ཆབ་སྲིད་སྐྱེ་ཁམས་གནམ་བདེ་སྒོ་མོ་ཆེ་དང་།གནམ་ས་བླ་འོག་ཏུ་འགྱུར་བ་ལྟ་བུའི་འགན་ལེན་བྱེད་དགོས། ཐོག་མཐའ་བར་གསུམ་དུ་མཐུན་སྒྲིལ་ལ་སྣང་ཆེན་དང་རོགས་ལས་ལ་ཤུགས་སྣོན་རྒྱག་རྒྱུ་དེ་འགག་སྒྲོལ་དཀའ་སེལ་གྱི“མཆོག་ནོར་དང་པོར”བརྩི་དགོས། མིག་སྔར་འགག་སྒྲོལ་ལོ་ཧྲིལ་པོའི་དམིགས་ཚད་ལས་འགན་གྱི་འགག་རྩའི་དུས་སྐབས་སུ་སླེབས་ཡོད་པས་བསམ་བློ་བརྟན་པོ་འཛུགས་པ་དང་མཐུན་སྒྲིལ་མཉམ་ལས་ཀྱི་སྲོལ་རྒྱུན་བཟང་པོ་དར་སྤེལ་བཏང་སྟེ“སེམས་པ་གཅིག་ཏུ་སྒྲིལ་བ་དང་།ངར་ཤུགས་གཅིག་ཏུ་སྒྲིལ་བ”བཅས་ཀྱི་ལས་སྒྲུབ་རྣམ་པ་ནུས་ཤུགས་ཡོད་རྒུས་གཏོད་དགོས། འགོ་ཁྲིད་ལས་བྱེད་པའི“འགག་རྩི་ཉུང་ཤས”ཀྱི་དཔེ་སྟོན་སྣེ་ཁྲིད་ཀྱི་ནུས་པ་འདོན་སྤེལ་བྱས་ཏེ་གནད་དོན་ཐག་གཅོད་བྱ་རྒྱུར་སྣང་ཆེན་བྱས་ནས་གནད་དོན་གང་ཞིག་ཡིན་རུང་ལྷོད་གཡེང་མི་གཏོང་བ་དང་ལྷུ་ཚིགས་གང་ཞིག་ཡིན་རུང་སྣང་ཆུང་མི་བྱེད་པར་ལོ་འཁོར་གྱི་དམིགས་ཚད་ལས་འགན་ཁག་སྤུས་ཚད་མཐོ་ལ་ཕན་འབྲས་ཆེ་བའི་ངང་ལེགས་གྲུབ་ཐུབ་རྒྱུ་འགན་ལེན་བྱེད་པ་དང་།ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ཞིང་ཨུ་དང་།ཁུལ་ཨུ།རྫོང་ཨུ་བཅས་ཀྱི་ལས་དོན་བཀོད་སྒྲིག་ཚང་མ་དོན་འཁྱོལ་ཐུབ་པ་དང་བྱ་བ་ཚང་མར་ལན་ཡོད་པ་འགན་ལེན་བྱེད་དགོས། ཐོག་མཐའ་བར་གསུམ་དུ་གཙོ་གནད་དམ་འཛིན་དང་དཀའ་གནད་ལས་སྒྲོལ་རྒྱུ་དེ་ལས་ཀ་ལེགས་པར་སྒྲུབ་པའི་“ལས་འགན་གལ་ཆེན་ཨང་དང་པོར་”བརྩི་དགོས། ནུས་ཤུགས་ཡོད་རྒུས་གྲོང་གསེབ་དར་རྒྱས་ཀྱི་ཞིབ་བཤེར་དང་ལེན་ལས་དོན་ལ་དམ་འཛིན་ཏན་ཏིག་བྱེད་པ་དང་།ཚད་གཞི་དང་རེའུ་མིག་གི་དམིགས་ཚད་ཀྱི་རྒྱུ་རྐྱེན་ལ་དཔྱད་བསྡུར་བྱེད་པ།མི་འདང་བའི་ཆ་དང་ཧེ་བག་འཚོལ་བ།ནུས་ཤུགས་ཡོད་རྒུས་ཞན་ཆ་གསབ་པ་དང་ཉམས་ཞན་སྟོབས་ཆེར་གཏོང་བ་བཅས་བྱས་ནས་ལོ་འཁོར་གྱི་དཔྱད་ཞིབ་ཚོད་སྐོར་ཁྲོད“ལེགས་པའི”རིམ་པ་བརྩོན་ལེན་བྱེད་དགོས་པའི་བླང་བྱ་བཏོན་ཡོད་པ་རེད། ནུས་ཤུགས་ཡོད་རྒུས་བདེ་འཇགས་ཐོན་སྐྱེད་ལས་དོན་ལ་དམ་འཛིན་ཏན་ཏིག་བྱེད་པ་དང་།དགུན་དུས་འགྲོ་ལམ་འགྲིམ་འགྲུལ་བདེ་འཇགས་ཀྱི་ཉེན་ཁའི་མངོན་མེད་རྐྱེན་ངན་གྲལ་བཤེར་དང་བཅོས་སྒྲིག་ལས་དོན་ཏན་ཏིག་སྒྲུབ་པ།ཁྲིམས་འགལ་ངང་གཉེར་སྐྱོང་དང་མྱུར་ཚད་ལས་བརྒལ་བ་དང་ཚད་ལས་བརྒལ་བ་སོགས་ཀྱི་ཁྲིམས་འགལ་བྱེད་སྤྱོད་ལ་རྡུང་རྡེག་ནན་པོ་གཏོང་བ་བཅས་བྱས་ཏེ་འགྲིམ་འགྲུལ་ལས་འཛོལ་ཚབས་ཆེན་མི་ཐོན་པ་དང་མི་སྣ་ཤི་རྨས་ཚབས་ཆེན་མི་ཐོན་པའི་མ་མཐའི་མཚམས་ཐིག་མཐའ་གཅིག་ཏུ་སྲུང་དགོས། ཁང་པའི་མེ་སྐྱོན་དང་།འབར་རླངས་འབར་གས་སོགས་ཀྱི་བདེ་འཇགས་དོན་རྐྱེན་ལ་ཚད་མཐོའི་དོགས་ཟོན་བྱས་ཏེ་ཞིང་འབྲོག་མང་ཚོགས་ཀྱི་ཚེ་སྲོག་དང་རྒྱུ་ནོར་གྱི་བདེ་འཇགས་སྲུང་སྐྱོང་མཐའ་གཅིག་ཏུ་བྱེད་དགོས། སྒྲིག་འགལ་ངང་མེ་སྤྱོད་པ་དང་གློག་སྐྱེལ་སྐུད་ལམ་གྱི་མངོན་མེད་རྐྱེན་ངན་སོགས་ཀྱིས་ནགས་ཚལ་དང་རྩྭ་ཐང་གི་མེ་སྐྱོན་ཐོན་རྒྱུར་ཚད་མཐོའི་དོགས་ཟོན་བྱས་ཏེ་མངོན་མེད་རྐྱེན་ངན་གྲལ་བཤེར་དང་།སྐོར་གཡེང་ལྟ་ཞིབ་ཚད་ལེན།འཕྲལ་སྡོམ་རོགས་སྐྱོབ་བཅས་ཀྱི་ལས་དོན་ཁག་ནུས་ཤུགས་ཡོད་རྒུས་ཡག་པོ་སྒྲུབ་དགོས། ནུས་ཤུགས་ཡོད་རྒུས་སྣོད་བཅུད་ཁོར་ཡུག་སྲུང་སྐྱོང་གི་ལྟ་ཞིབ་ལས་དོན་ལ་དམ་འཛིན་ཏན་ཏིག་བྱེད་པ་དང་།ཀྲུང་དབྱང་དང་།ཞིང་ཆེན།ཁུལ་བཅས་ཀྱི་སྣོད་བཅུད་ཁོར་ཡུག་སྲུང་སྐྱོང་གི་ལྟ་ཞིབ་ཀྱི་ཚུར་ལན་གནད་དོན་ལ་དམིགས་པ།གནད་དོན་དག་ཐེར་དང་མེད་པ་བཟོ་བའི་ལས་དོན་ཕྱོགས་ཡོངས་ནས་དམ་འཛིན་མཐར་ཕྱིན་པ་བཅས་བྱས་ཏེ་གནད་དོན་ཡང་ཡང་བཅོས་སྒྲིག་དང་བསྐྱར་དུ་གནད་དོན་ཐོན་རྒྱུ་གཏན་འགོག་མཐའ་གཅིག་ཏུ་བྱེད་དགོས། ནུས་ཤུགས་ཡོད་རྒུས་སྐོར་གཟིགས་དག་ཐེར་ལས་དོན་ལ་དམ་འཛིན་ཏན་ཏིག་བྱེད་པ་དང་ཞིང་ཨུའི་རེས་སྐོར་ལྔ་པའི་སྐོར་གཟིགས་ཚོགས་ཆུང་གིས་ཨང་རྟགས་མེད་པ་བཟོས་མེད་པའི་གནད་དོན་ལ་ཚུར་ལན་བྱས་ཏེ་ལས་དོན་སྤེལ་ཚུལ་ཁྱོན་ཡོངས་ནས་གསེད་དཀྲོལ་བྱས་ནས་བྲིན་ཚོང་བྱེད་དགོས་རིགས་ཚང་མ་བྲིན་ཚོང་དང་བྲིན་ཚོང་བྱེད་ཐུབ་པ་ཚང་མ་བྲིན་ཚོང་ཐུབ་པ་བརྩོན་ལེན་བྱེད་དགོས།