མངའ་རིས་ས་ཁུལ་གྱི་སྐབས་བཅུ་པའི“འཛད་སྤྱོད་ལ་སྐུལ་འདེད།ཁོ་སྤྲོད་ལ་འགན་ལེན”བྱེད་པའི་ཞིང་འབྲོག་ཐོན་རྫས་ཚོང་འདུས་ཀྱི་གྲ་སྒྲིག་ལས་དོན་ཡག་པོ་བསྒྲུབ་རྒྱུའི་སྐོར་གྱི་བརྡ་ཐོ།
ཤང་དང་གྲོང་རྡལ་ཁག་གི་མི་དམངས་སྲིད་གཞུང་དང་ཞིང་འབྲོག་ཁྱད་ལྡན་ཐོན་རྫས་ཁེ་ལས་ཀྱི་འགན་ཁུར་པ་ཁག
མངའ་རིས་ས་ཁུལ་གྱི་ལོ་གཅིག་དུས་གཅིག་གི་དགུན་དུས་ཞིང་འབྲོག་ཐོན་རྫས་ཚོང་འདུས་དེ་ཟླ་11ཚེས་23ཉིན་ནས་ཟླ་12ཚེས་1ཉིན་བར་སེང་གེ་ཁ་འབབ་གྲོང་རྡལ་གྱི་ལུས་རྩལ་ཐང་གི་ཕྱི་རོལ་དུ་འཚོག་རྒྱུ་ཡིན་པ་དང་།ད་ཐེངས་ཀྱི་ཚོང་འདུས་སུ་ཞིང་འབྲོག་ཐོན་རྫས་འགྲེམས་ཚོང་ཁུལ་དང་།ད་ལྡན་ཐོན་རྫས་འགྲེམས་ཚོང་ཁུལ།ལས་ཚོང་དུད་ཀྱི་འགྲེམས་ཚོང་ཁུལ།བཅའ་ཁྲིམས་ཁྲིམས་སྲོལ་དྲིལ་བསྒྲགས་ཁུལ་སོགས་ཁུལ་བཞི་འཛུགས་རྒྱུ་ཡིན་པ་རེད།ས་ཁུལ་གྱི་བླང་བྱ་གཞིར་བཟུང་དོན་དངོས་དང་ཟུང་འབྲེལ་བྱས་ཏེ་ད་ལྟ་ཤང་གྲོང་རྡལ་ཁག་དང་ཁེ་ལས་ཁག་ལ་བརྡ་ཐོ་གཏོང་རྒྱུ་གཤམ་གསལ།
1.ཤང་གྲོང་རྡལ་ཁག་དང་།ལས་ཁག་གིས་ཚད་མཐོའི་མཐོང་ཆེན་དང་།ཞོགས་འདེགས་ཧུར་ཐགསྒྲིག་ནན་ཏན།གཅིག་གྱུར་བཀོད་སྒྲིག་བཅས་བྱས་ཏེ་ཤང་གྲོང་རྡལ་དེ་རང་དང་།ཁེ་ལས་དེ་རང་གི་ཞིང་འབྲོག་ཁྱད་ལྡན་ཐོན་རྫས་རྣམས་ཐེངས་འདིའི་ཚོང་འདུས་ཀྱི་འགྲེམས་སྟོན་ཕྱིར་འཚོང་ནང་ཞུགས་པར་འོས་སྦྱོར་ཏན་ཏིག་བྱ་དགོས།
2.ད་ཐེངས་ཀྱི་ཚོང་འདུས་ནང་ཞུགས་པའི་ཚགས་ཤ་དང་ལུག་ཤ་རྣམས་ཤང་གྲོང་རྡལ་ཁག་གི་འགན་འཁུར་བས་ཟླ་11ཚེས་18ཉིན་གྱི་གོང་དུ་རྫོང་ཞིང་ལས་དང་གྲོང་གསེབ་ཚན་རྩལ་ཆུ་བེད་ཅུད་ནས་ཞིབ་བཤེར་གྱི་དཔང་རྟགས་ལེན་དགོས་པ་དང་།ཞིབ་བཤེར་གྱི་དཔང་རྟགས་མེད་པའི་ཚགས་ཤ་དང་ལུག་ཤ་ཚང་མ་ཚོང་འདུས་ནང་ཞུགས་མི་ཆོག
3.ད་ཐེངས་ཀྱི་ཚོང་འདུས་ནང་ཞུགས་མཁན་ཤང་གྲོང་རྡལ་ཁག་དང་ཁེ་ལས་ཁག་གིས་ཟླ་11ཚེས་19ཉིན་གྱི་ཕྱི་དྲོའི་ཆུ་ཚོད་5པའི་གོང་དུ་རྫོང་འཕེལ་སྒྱུར་དང་དཔལ་འབྱོར་ཆ་འཕྲིན་ཚོང་དོན་ཅུད་དུ་འབྱོར་ཐོ་བཀོད་དེ་ཟླ་11ཚེས་20ཉིན་གཅིག་གྱུར་ཐོག་ཐོན་ནས་ས་ཁུལ་ཕྱིར་ཚོང་ཁུལ་དུ་འབྱོར་ཐོ་འགོད་རྒྱུ།
4.ཐེངས་འདིའི་ཚོང་འདུས་ནང་ཞུགས་པའི་འགྲིམ་འགྲུལ་ཡོ་བྱད་དང་ལས་བྱེད་མི་སྣའི་ཟ་སྡོད་སོགས་ཤང་གྲོང་རྡལ་ཁག་དང་ཁེ་ལས་སོ་སོ་རང་ཉིད་ཀྱིས་བཀོད་སྒྲིག་བྱེད་དགོས།
5.གྲོང་རྡལ་ཁག་དང་ཁེ་ལས་ཁག་གི་འགན་འཁུར་མི་སྣས་ངེས་པར་དུ་རང་རང་སོ་སོའི་མི་སྣ་ཚོང་འདུས་རིང་དང་རླངས་འཁོར་ཕར་འགྲོ་ཚུར་འོང་བྱེད་པའི་ཁྲོད་ཀྱི་གཞུང་ལམ་འགྲིམ་འགྲུལ་བདེ་འཇགས་དང་མི་ལུས་བདེ་འཇགས་ཡོང་བར་དམ་འཛིན་ལེགས་པོ་བྱ་དགོས།རླངས་འཁོར་དང་མི་སྣ་དོ་དམ་བྱེད་པའི་ཐད་བླང་བྱ་ནན་པོ་འདོན་པ་དང་དོ་དམ་ནན་པོ་བྱས་ཏེ།འགྲོ་འོང་བྱེད་པའི་ལམ་བར་དང་ཚོང་འདུས་རིང་བདེ་འཇགས་ཐད་ཀྱི་གནད་དོན་གང་ཡང་མི་ཐོན་པའི་འགན་ལེན་བྱ་དགོས།
6.བརྡ་ཐོ་འབྱོར་རྗེས། ཐེངས་འདིའི་ཚོང་འདུས་ནང་ཞུགས་འདོད་ཡོད་པའི་ཤང་གྲོང་རྡལ་ཁག་དང་།ཁེ་ལས་ཁག་གིས་ངེས་པར་དུ་ཟླ་11པའི་ཚེས་15ཉིན་གྱི་སྔོན་དུ་ཐེངས་འདིའི་ཚོང་འདུས་སྐབས་ཀྱི་འགན་འཁུར་མཁན་དང་།ཕྱིར་འཚོང་བྱེད་མཁན་མི་སྣའི་འབྲེལ་ཡོད་ཆ་འཕྲིན་དེ་རྫོང་འཕེལ་སྒྱུར་དང་དཔལ་འབྱོར་ཆ་འཕྲིན་ཚོང་དོན་ཅུད་ལ་ཡར་ཞུ་བྱེད་དགོས་པ་དང་།ཚེས་16ཉིན་ཚོང་འདུས་དང་འབྲེལ་ཡོད་ཀྱི་དངོས་རིགས་དང་།གྲངས་འབོར་སོགས་ཀྱི་གཞི་གྲངས་སྡོམ་རྩིས་ཆ་འཕྲིན་དེ་རྫོང་འཕེལ་སྒྱུར་དང་དཔལ་འབྱོར་ཆ་འཕྲིན་ཚོང་དོན་ཅུད་ལ་ཡར་ཞུ་བྱེད་དགོས།
7.ཤང་གྲོང་རྡལ་ཁག་གིས་རླངས་འཁོར་སྒྲིག་འཛུགས་ཡག་པོ་བྱས་ཏེ་ཟླ་11ཚེས་19ཉིན་མངགས་གཏོང་ཁང་གི་ལས་བྱེད་ཉེན་རྟོག་པ་ཞིག་དང་ཉེན་རྟོག་རླངས་འཁོར་ཞིག་བཀོད་སྒྲིག་བྱས་ནས་ཚོང་འདུས་ནང་ཞུགས་མཁན་གྱི་ཤང་གྲོང་རྡལ་གྱི་འགན་འཁུར་བ་དང་རླངས་འཁོར་ཚང་མ་གཅིག་གྱུར་ཐོག་རྫོང་གྲོང་དུ་སྲུང་སྐྱེལ་བྱེད་དགོས།དོ་དམ་དེ་བས་ལེགས་པོ་ཡོང་བ་དང་ཟླ་11ཚེས་20ཉིན་དུས་ཐོག་ཏུ་ཐོན་ཐུབ་ཆེད།ཚེས་20ཉིན་གྱི་དགོང་དྲོ་ཚོང་འདུས་ནང་ཞུགས་མཁན་གྱི་རླངས་འཁོར་ཚང་མ་གཅིག་གྱུར་ཐོག་རྫོང་རིག་གནས་ཐང་ཆེན་དུ་འཇོག་དགོས།
8.ཟླ་11ཚེས་20ཉིན་གྱི་སྔ་དྲོའི་ཆུ་ཚོད་10པའི་ཐོག་ཚོང་འདུས་ནང་ཞུགས་མཁན་མི་སྣ་ཚང་མ་རིག་གནས་ཐང་ཆེན་དུ་འཛོམས་དགོས།ཤང་གྲོང་རྡལ་གྱི་འགན་འཁུར་བས་མི་སྣ་སྒྲིག་འཛུགས་བྱས་ཏེ་ཚང་མ་དུས་ཐོག་ཏུ་འབྱོར་ཐུབ་པ་བྱེད་དགོས།
9.རྫོང་སྤྱི་བདེ་ཅུད་ཀྱིས་ཉེན་རྟོག་རླངས་འཁོར་དང་ཉེན་རྟོག་པ་འོས་འཚམས་བཀོད་སྒྲིག་བྱས་ཏེ་ཚོང་འདུས་ནང་ཞུགས་མཁན་རླངས་འཁོར་ཚང་མ་ཕར་འགྲོ་ཚུར་འོང་ལ་སྲུང་སྐྱེལ་བྱེད་དགོས།ཟླ་11ཚེས་20ཉིན་སྒེར་རྩེ་རྫོང་ནས་མངའ་རིས་ས་ཁུལ་དུ་གཅིག་གྱུར་ཐོག་སྲུང་སྐྱེལ་བྱེད་དགོས་པ་དང་།ཟླ་12ཚེས་2ཉིན་མངའ་རིས་ས་ཁུལ་ནས་སྒེར་རྩེ་རྫོང་དུ་སྲུང་སྐྱེལ་བྱེད་དགོས།
10.གལ་ཏེ་ཐེངས་འདིའི་ཚོང་འདུས་ཀྱི་དུས་ཚོད་ལ་འགྱུར་ལྡོག་བྱུང་བ་སོགས་ཀྱི་གནས་ཚུལ་ཡོད་ན།ང་ཅུད་ཀྱིས་བསྐྱར་དུ་བརྡ་ཐོ་གཏོང་རྒྱུ།
ཆེད་དུ་བརྡ་ཐོ་འདི་ཕུལ།
སྒེར་རྩེ་རྫོང་འཕེལ་སྒྱུར་དང་དཔལ་འབྱོར་ཆ་འཕྲིན་ཚོང་དོན་ཅུད།
2024ལོའི་ཟླ་11ཚེས་6ཉིན།
心系监测户 关怀暖人心---改则县组织系统党支部看望慰问监测户
更多消息，请关注视频号
来源：羌塘之音微信公众号
编辑：李俊萍
初审：平措卓玛
终审：格桑扎西
