欢迎订阅，来第一线吃瓜 ↓↓↓
79岁陈欣健日前出席活动担任司仪工作，他在接受《香港01》访问时表示：「我而家正在筹备紧音乐剧，主要喺音乐同投资方方面有主办机构，剧本仲写紧，同埋筹备我12月嘅演唱会，出年一月生日都有大型嘅演唱会，呢三样嘢都好忙。」他透露演唱会在香港举办，不过并未有确实的细节：「应该我喺六年前系做咗麦花臣嘅演唱会，会用陈奕迅同埋周杰伦嘅舞台班底去设计。」
调查当年哄动一时「长城杀手黑野狼」案件
陈欣健加入娱乐圈前于1965年至1976年间任职皇家香港警察，官至警司阶级，他在任职期间曾经负责调查过许多香港奇案，讲到负责调查1974年「长城杀手黑野狼」案件。
他说：「其实我个人生好奇怪嘅，好多人都系呢一单新闻认识我，其实仲有一个先施大厦凶杀案，我系好短嘅时间喺旺角侦缉部，当时我系嗰度嘅总督察，第三件好大嘅事情就系旺角长城公寓谋杀案，呢件事令到我觉得呢个世界上系咪冤有头债有主，天网恢恢疏而不漏，呢个世界上系咪有一啲可以超乎我哋可以理解到，超现实嘅时候系可以令到沉冤得雪，同埋我哋做警察嘅好不懈咁去追寻一啲嘅灵感，用专业嘅精神去破案，令到我对于侦查嘅工作更加明白，我自己都做过侦探训练学校嘅教官，我觉得净系科技，或者人嘅努力又好，但好多嘢唔努力，就唔会有结果，但努力咗之后就有天意帮你。」
自曝亲眼目睹女死者赤L一面
被问到当年发现女死者（刘富敏）在旺角长城公寓的事发经过，他说：「我第一个感觉女死者（刘富敏）个人好细粒，我谂本身个人系赤L，同埋佢冇着衫，瞓咗喺度又冇咗啲头发，整体嚟讲又冇咗血，啲血都干晒，睇落去好似一个比较大少少嘅猴子型物体，嗰阵时都唔知道佢系男定女，好奇怪点解系会咁？」
「慢慢经过法医官同我哋去透露呢件事，同埋个身上系缺乏咗啲乜嘢，之后先慢慢组合返系一个女人，呢个女人究竟系边个系一个谜？点样去破案呢？」他指自己因为筹备写剧本会记录这个个案的经过，并表示：「所以我保留返少少神秘感喺度先。」
当年收到凶手来信自认「野狼杀手」
讲到网络上流传一种说法当年有传女死者弟弟在祭祀仪式以「劈棺追凶」茅山道术用一把菜刀劈落棺材拿着把菜刀，让惨死冤魂化作厉鬼，追寻仇人。对于事件的属实性，陈欣健表示：「我系冇去到佢（刘富敏）嘅殡仪，唔知道呢一个讲法系真定系假，我直觉上觉得可能系家属嘅愤怒，佢哋嘅悲哀去理解，但同我哋调查嘅成个过程冇直接关系。」
至于当年警方是否收过来自凶手（梁兆平）的信件「我是长城杀手黑野狼，你们警察都是无能垃圾」，他坦言：「佢冇话警察无能，佢系挑战我哋话自己系野狼，佢话佢系一个杀手，冇透露到任何嘢畀我哋，由于佢咁样嘅心态，令到我哋更加深入去了解乜嘢去做呢件事？佢唔系属于变态嘅杀手，佢系出于喺激情之下嘅一种嘅犯罪，我谂佢本身嘅心态系有问题，所以后来导致一连串嘅事件发生。」
澄清冇受事件影响转行
讲到警方当年调查凶手时（梁兆平）在他的裤找到一张相写住「金铃已代为割肉」 ，他坦言：「呢件事我唔想讲住，等到我写剧本嘅时候里面系会透露。」
被问到是否因为太多一连串的灵异事件个案影响而决定不继续当警察，他说：「冇关系嘅，我系本身一个好科学头脑嘅人，我虽然系天主教徒，我净系信善美同埋爱，我觉得呢单案系一件好大嘅冤情，因为呢个女子本身系一个妈妈，我系心里面第一次作为侦探遇到一件咁冤情嘅案件，所以我投入喺个人嘅感情，对于我自己嘅职责，其实我又冇压力，不过我乜嘢都冇谂过系要捉到凶手绳之于法为止。」他指自己曾经看过警察有很多难忘的经历，最大的收获就是体验年轻人不一样的体会。
谢谢大家，今后也让我们一起愉快吃瓜吧~
