欢迎订阅小号，来第一线吃瓜 ↓↓↓
年纪相差26岁的两代男神郑伊健与陈卓贤（Ian），有着截然不同的价值观。「隐世楼王」伊健目前坐拥4个本地物业，身家早已亿亿声，Ian虽然视伊健为偶像，却无意效法其保值方法，自觉有钱请家人食饭已很满足，难怪伊健也忍不住说：「真系时代唔同，呢一辈想法好另类。」
57岁的郑伊健相隔两年再拍电影《久别重逢》，令他有机会接触被视为新一代男神的Ian，因Ian饰演其年轻版，2人片中活于不同空间，但仍然有「相见」的一幕：「我哋系一个前期，一个后期，最深刻嘅场口喺沙滩度，两个唔同阶段去相遇，嗰幕系几感触嘅。」
谈及他们是两代男神，伊健觉得Ian「非男神咁简单」：「依家做艺人唔系只系得个壳，仲要有实在嘅嘢，好似音乐上、乐器、乐理等都有要求，唔似以前我哋嗰代，辛苦之处系忙到有迷失感，嗰时拍紧戏又要走去唱歌，都有声音话我唱成咁（差），问题系分唔到身，当应接不暇时，唔系做得咁好。」
获得伊健高度赞赏的Ian，自认是粉丝：「梗系有睇佢嘅《极速传说》。（同偶像合作有压力？）又冇喎。」但坦言在伊健身上获益良多，尤其要坚持做自己，他说：「觉得大众好多评论，但其实每个人都系行自己嘅路，我觉得呢个世界系要接纳做自己，同埋都要接纳人哋做人哋，个心态点样去应对啲事情，或者点去应对自己嘅成长，最后都要纯粹啲，做自己想做嘅自己。」
身家过亿「系辛苦赚番嚟」
伊健向来有「隐世楼王」之称，单是在港已拥有4个物业，还未计海外持有的物业，身家早已过亿。问到Ian可会视买楼为目标？他直言完全不羡慕，反而很满足现状：「如果我有钱会请妈咪食饭，我工作就系为咗照顾身边嘅人，佢哋开心同健康就得啦。」
伊健闻言忍不住说：「真系唔同年代有唔同想法，佢未必视买楼系一种价值，佢哋有另一种价值观。」提到身家已经亿亿声，伊健大呻：「有冇咁多？依家楼市跌咗，得番几多吖，呢啲系辛苦赚番嚟。」
双方年纪相差26岁，问到伊健可觉得自己老了？他大方表示可接受不再年轻：「老系慢慢嘅，人会老系正常，我以前见到前辈会觉得自己有日都好似佢哋咁，心态调整就冇问题。（同年轻人合作有冇觉得自己后生咗？）又冇喎！本身唔Young。」
他直认是剧组演员中最年长的一位，但和年轻一辈同样合作愉快，正如他亦有留意Ian的演唱会及歌曲，并给予评语：「佢啲歌我有听，最新推出嗰只《凿》，（曲风）有少少转变，觉得佢系挑战紧自己，佢之前啲歌就好符合佢形象。」
另外，Ian昨日到电台接受访问宣传新歌，吸引近百Hellosss（粉丝暱称）一早到电台门外守候偶像，当他抵达电台时，即走近粉丝挥手及打招呼，相当亲民。
今年以故事形式出歌的Ian，刚推出了新歌《玩偶奇遇记》，是故事系列的第5首作品，亦是整个故事的最终章，他笑指本身还构思了很多浩瀚场景放在新歌MV，不过因成本问题惟有放弃，提到有粉丝建议搞展览，他表示可以认真考虑，不过签唱会就未必有时间举办。
谢谢大家，今后也让我们一起愉快吃瓜吧~
