西藏自治区学习、使用和发展藏语文的规定 （双语）

༄༅། །བོད་སྐད་ཡིག་སློབ་སྦྱོང་དང་།  བེད་སྤྱོད།  གོང་འཕེལ་བཅས་གཏོང་རྒྱུའི་སྐོར་གྱི་བོད་རང་སྐྱོང་ལྗོངས་ཀྱི་གཏན་འབེབས།

1987年7月9日，西藏自治区第四届人民代表大会第五次会议通过；根据2002年5月22日西藏自治区第七届人民代表大会第五次会议关于修改《西藏自治区学习、使用和发展藏语文的规定（试行）》的决定修正；2019年7月31日，西藏自治区第十一届人民代表大会常务委员会第二十二次会议修正。

第一条 藏语文是西藏自治区通用的语言文字。为了保障藏语文的学习、使用和发展，根据《中华人民共和国宪法》、《中华人民共和国民族区域自治法》、《中华人民共和国国家通用语言文字法》的有关规定，结合自治区实际，制定本规定。

དོན་ཚན་དང་པོ།  བོད་སྐད་ཡིག་ནི་བོད་རང་སྐྱོང་ལྗོངས་ཀྱི་སྤྱི་སྤྱོད་སྐད་ཡིག་ཡིན།  བོད་སྐད་ཡིག་སློབ་སྦྱོང་དང་།  བེད་སྤྱོད།  གོང་འཕེལ་བཅས་གཏོང་རྒྱུར་འགན་སྲུང་བྱེད་ཆེད། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས》དང་། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་ས་ཁོངས་རང་སྐྱོང་བཅའ་ཁྲིམས》《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁབ་སྤྱི་སྤྱོད་སྐད་ཡིག་བཅའ་ཁྲིམས》བཅས་ཀྱི་འབྲེལ་ཡོད་གཏན་འབེབས་གཞིར་བཟུང་།  རང་སྐྱོང་ལྗོངས་ཀྱི་དོན་དངོས་དང་ཟུང་འབྲེལ་བྱས་ནས་གཏན་འབེབས་འདི་བཟོས་པ་ཡིན།

第二条 自治区坚持各民族语言文字平等的原则。维护语言文字法制的统一。

各级人民政府应当重视和加强学习、使用和发展藏语文工作。

དོན་ཚན་གཉིས་པ།  རང་སྐྱོང་ལྗོངས་ཀྱིས་མི་རིགས་ཁག་གི་སྐད་ཡིག་འདྲ་མཉམ་གྱི་རྩ་དོན་རྒྱུན་འཁྱོངས་བྱེད་རྒྱུ་དང་།  སྐད་ཡིག་གི་ཁྲིམས་ལུགས་གཅིག་གྱུར་ཡོང་རྒྱུར་སྲུང་སྐྱོང་བྱེད་དགོས།  

རིམ་ཁག་མི་དམངས་སྲིད་གཞུང་གིས་བོད་སྐད་ཡིག་སློབ་སྦྱོང་དང་།  བེད་སྤྱོད།  གོང་འཕེལ་བཅས་གཏོང་རྒྱུའི་ལས་དོན་ལ་མཐོང་ཆེན་དང་ཤུགས་སྣོན་རྒྱག་དགོས།

第三条 自治区各级国家机关在执行职务时，藏语文和国家通用语言文字具有同等效力。

དོན་ཚན་གསུམ་པ།  རང་སྐྱོང་ལྗོངས་ཀྱི་རིམ་ཁག་རྒྱལ་ཁབ་ལས་ཁུངས་ཀྱིས་ལས་འགན་སྒྲུབ་སྐབས།  བོད་སྐད་ཡིག་དང་རྒྱལ་ཁབ་ཀྱི་སྤྱི་སྤྱོད་སྐད་ཡིག་ལ་འདྲ་མཉམ་གྱི་རྩིས་འགྲོ་ཡོད།

第四条 自治区各级国家机关的重要会议、集会，同时使用藏语文和国家通用语言文字或者其中一种语言文字。

དོན་ཚན་བཞི་པ།  རང་སྐྱོང་ལྗོངས་ཀྱི་རིམ་ཁག་རྒྱལ་ཁབ་ལས་ཁུངས་ཀྱི་གལ་ཆེའི་ཚོགས་འདུ་དང་འདུ་འཛོམས་བྱེད་སྐབས།  བོད་སྐད་ཡིག་དང་རྒྱལ་ཁབ་ཀྱི་སྤྱི་སྤྱོད་སྐད་ཡིག་གཉིས་ཀའམ་ཡང་ན་གང་རུང་གཅིག་ངེས་པར་དུ་སྤྱོད་དགོས།  

自治区企事业单位的工作会议，根据需要使用通用的一种语言文字或者两种语言文字。

རང་སྐྱོང་ལྗོངས་ཀྱི་ཁེ་ལས་དང་བྱ་གཞག་ཚན་པའི་ལས་དོན་ཚོགས་འདུ་ཚོགས་སྐབས།  དགོས་མཁོར་གཞིགས་ཏེ་སྤྱི་སྤྱོད་སྐད་ཡིག་གཅིག་གམ་ཡང་ན་སྐད་ཡིག་གཉིས་སྤྱོད་དགོས།  

各级国家机关的普发性文件应当同时使用藏文和国家通用文字。

རིམ་ཁག་རྒྱལ་ཁབ་ལས་ཁུངས་ཀྱིས་ཡོངས་ཁྱབ་ཏུ་འགྲེམས་བསྒྲགས་བྱེད་རྒྱུའི་ཡིག་ཆའི་རིགས་ལ་བོད་ཡིག་དང་རྒྱལ་ཁབ་ཀྱི་སྤྱི་སྤྱོད་ཡི་གེ་གཉིས་ཀ་སྤྱོད་དགོས།

第五条 自治区各级司法机关在司法活动中根据需要使用当地通用的一种语言文字或者几种语言文字，保障各民族公民使用本民族语言文字进行诉讼的权利。

དོན་ཚན་ལྔ་པ།  རང་སྐྱོང་ལྗོངས་ཀྱི་རིམ་ཁག་ཁྲིམས་འཛིན་ལས་ཁུངས་ཀྱིས་ཁྲིམས་འཛིན་བྱེད་སྒོ་སྤེལ་སྐབས།  དགོས་མཁོར་གཞིགས་ཏེ་ས་གནས་དེ་གའི་སྤྱི་སྤྱོད་སྐད་ཡིག་གཅིག་གམ་ཁ་ཤས་སྤྱད་དེ།  མི་རིགས་ཁག་གི་སྤྱི་དམངས་ཀྱིས་རང་མི་རིགས་ཀྱི་སྐད་ཡིག་ཐོག་ནས་གཏུག་བཤེར་བྱེད་རྒྱུའི་ཁེ་དབང་ལ་འགན་སྲུང་བྱེད་དགོས།

第六条 义务教育阶段，以藏语文和国家通用语言文字作为基本的教育教学用语用字，开设藏语文、国家通用语言文字课程，适时开设外语课程。

དོན་ཚན་དྲུག་པ།  འགན་བབས་སློབ་གསོ་སྤེལ་རིང་དུ་བོད་སྐད་ཡིག་དང་རྒྱལ་ཁབ་ཀྱི་སྤྱི་སྤྱོད་སྐད་ ཡིག་གཉིས་ཀ་སློབ་གསོའི་སློབ་ཁྲིད་ཀྱི་གཞི་རྩའི་སྐད་ཡིག་ཏུ་འཛིན་རྒྱུ་དང་།  བོད་སྐད་ཡིག་དང་རྒྱལ་ཁབ་ཀྱི་སྤྱི་སྤྱོད་སྐད་ཡིག་གི་སློབ་ཚན་བཀོད་སྒྲིག་བྱེད་དགོས་ལ།  འོས་འཚམ་གྱི་སྐབས་སུ་ཕྱི་རྒྱལ་གྱི་སྐད་ཡིག་སློབ་ཚན་བཀོད་སྒྲིག་བྱེད་དགོས།

第七条 自治区应当采取措施，扫除藏族公民中的中青年的藏文文盲。

དོན་ཚན་བདུན་པ།  རང་སྐྱོང་ལྗོངས་ཀྱིས་བྱ་ཐབས་སྤྱད་ནས་བོད་རིགས་སྤྱི་དམངས་ཁྲོད་ཀྱི་གཞོན་ནུ་དར་མའི་བོད་ཡིག་ཡིག་རྨོངས་སེལ་དགོས།

第八条 自治区鼓励和提倡各民族互相学习语言文字。

དོན་ཚན་བརྒྱད་པ།  རང་སྐྱོང་ལྗོངས་ཀྱིས་མི་རིགས་ཁག་དབར་ཕན་ཚུན་སྐད་ཡིག་སློབ་སྦྱོང་བྱེད་རྒྱུའི་སྐུལ་ལྕག་དང་དར་སྤེལ་གཏོང་དགོས།  

藏族干部职工在学习使用藏语文的同时，应当学习使用国家通用的语言文字；汉族和其他少数民族干部职工也应当学习使用藏语文。

བོད་རིགས་ལས་བྱེད་པ་དང་ལས་བཟོ་བས་བོད་སྐད་ཡིག་སློབ་སྦྱོང་བྱེད་པ་དང་འབྲེལ་རྒྱལ་ཁབ་ཀྱི་སྤྱི་སྤྱོད་སྐད་ཡིག་སྦྱོང་སྤྱོད་བྱེད་དགོས།  རྒྱ་རིགས་དང་གྲངས་ཉུང་མི་རིགས་གཞན་དག་གི་ལས་བྱེད་ལས་བཟོ་བས་ཀྱང་བོད་སྐད་ཡིག་སློབ་སྦྱོང་དང་བེད་སྤྱོད་བྱེད་དགོས།

第九条 自治区积极发展藏语文的教育、新闻、出版、广播、影视等事业。重视出版藏文少儿、通俗、科普读物。

དོན་ཚན་དགུ་པ།  རང་སྐྱོང་ལྗོངས་ཀྱིས་བོད་སྐད་ཡིག་གི་སློབ་གསོ་དང་།  གསར་འགྱུར། དཔེ་སྐྲུན། རླུང་འཕྲིན། གློག་བརྙན་བརྙན་འཕྲིན་བཅས་ཀྱི་བྱ་གཞག་གོང་འཕེལ་ཧུར་ཐག་གཏོང་དགོས་པ་དང་།  བོད་ཡིག་གི་ལོ་ཆུང་བྱིས་པའི་ལྟ་དེབ་དང་།  གོ་བདེའི་ལྟ་དེབ།  ཚན་རིག་ཁྱབ་གདལ་དཔེ་དེབ་བཅས་དཔེ་སྐྲུན་བྱེད་རྒྱུར་མཐོང་ཆེན་བྱེད་དགོས།  

鼓励和支持科研机构、科技人员、文艺工作者用藏语文进行科普宣传、文艺创作和演出。

ཚན་ཞིབ་ལས་ཁུངས་དང་།  ཚན་རྩལ་མི་སྣ།  རིག་རྩལ་ལས་དོན་པ་བཅས་ཀྱིས་བོད་སྐད་ཡིག་ཐོག་ནས་ཚན་རྩལ་ཁྱབ་གདལ་དྲིལ་བསྒྲགས་དང་།  རྩོམ་རིག་སྒྱུ་རྩལ་གསར་རྩོམ།  འཁྲབ་སྟོན་བཅས་བྱེད་རྒྱུར་སྐུལ་ལྕག་དང་རྒྱབ་སྐྱོར་བྱེད་དགོས།

自治区采取措施培养藏文教师、编辑、记者、作家和秘书等人才，重视培养研究藏语文的专门人才。

རང་སྐྱོང་ལྗོངས་ཀྱིས་བྱ་ཐབས་སྤྱད་ནས་བོད་ཡིག་དགེ་རྒན་དང་།  བོད་ཡིག་རྩོམ་སྒྲིག་པ།  བོད་ཡིག་    གསར་བཀོད་པ།  བོད་ཡིག་རྩོམ་པ་པོ།  བོད་ཡིག་དྲུང་ཡིག་སོགས་ཤེས་ལྡན་པ་གསོ་སྐྱོང་བྱེད་དགོས་པ་དང་།   བོད་སྐད་ཡིག་ཞིབ་འཇུག་བྱེད་མཁན་ཆེད་ལས་ཤེས་ལྡན་པ་གསོ་སྐྱོང་བྱེད་རྒྱུར་མཐོང་ཆེན་བྱེད་དགོས།

第十条 自治区各级国家机关、事业单位录用国家公务员和聘用技术人员时，对能够同时熟练使用藏语文和国家通用语言文字的，在同等条件下优先录用。

དོན་ཚན་བཅུ་པ།  རང་སྐྱོང་ལྗོངས་ཀྱི་རིམ་ཁག་རྒྱལ་ཁབ་ལས་ཁུངས་དང་།  བྱ་གཞག་ཚན་པས་རྒྱལ་ཁབ་ཀྱི་གཞུང་ཞབས་པ་བསྡུ་བ་དང་ལག་རྩལ་པ་གདན་ཞུ་བྱེད་སྐབས།  ཆ་རྐྱེན་གཅིག་མཚུངས་འོག་བོད་སྐད་ཡིག་དང་རྒྱལ་ཁབ་ཀྱི་སྤྱི་སྤྱོད་སྐད་ཡིག་གཉིས་ཀ་མཉམ་སྤྱོད་གོ་འཕེར་ཐུབ་མཁན་རིགས་སྔོན་ལ་བསྡུ་དགོས། 

第十一条 自治区各级国家机关、人民团体、企事业单位以及驻区外常设机构的公章、证件、牌匾应当同时使用藏文和国家通用文字。

དོན་ཚན་བཅུ་གཅིག་པ།  རང་སྐྱོང་ལྗོངས་ཀྱི་རིམ་ཁག་རྒྱལ་ཁབ་ལས་ཁུངས་དང་།  མི་དམངས་ཚོགས་པ།  ཁེ་ལས་དང་བྱ་གཞག་ཚན་པ།  དེ་བཞིན་ལྗོངས་ཕྱིར་བཅའ་སྡོད་རྒྱུན་བཙུགས་ལས་ཁུངས་བཅས་ཀྱི་ཐམ་  ག་དང་།  ལག་ཁྱེར།  སྒོ་བྱང་བཅས་ཀྱི་ཐོག་ངེས་པར་དུ་བོད་ཡིག་དང་རྒྱལ་ཁབ་ཀྱི་སྤྱི་སྤྱོད་ཡི་གེ་གཉིས་ཀ་མཉམ་དུ་སྤྱོད་དགོས།  

城市公共场所设施、招牌、广告等用字应当同时使用藏文和国家通用文字，并应书写规范、工整，译文准确。

གྲོང་ཁྱེར་གྱི་སྤྱི་པའི་བྱེད་སྒོ་སྤེལ་སའི་སྒྲིག་བཀོད་ཐོག་གི་ཡི་གེ་དང་།  ཡིག་བྱང་།  བརྡ་ཁྱབ་སོགས་ལ་བོད་སྐད་ཡིག་དང་རྒྱལ་ཁབ་ཀྱི་སྤྱི་སྤྱོད་ཡི་གེ་གཉིས་ཀྱི་ཐོག་ནས་འབྲི་རྒྱུ་མ་ཟད།  ཡིག་གཟུགས་ཚད་ལྡན་དང་།    གྲལ་འགྲིག་པོ།  སྒྱུར་ཡིག་ནང་དོན་འཕྱུགས་པ་མེད་པ་བཅས་ཡོང་བ་བྱེད་དགོས།

第十二条 自治区企业生产的在区内销售的商品包装、说明等应当同时使用藏文和国家通用文字。

དོན་ཚན་བཅུ་གཉིས་པ།  རང་སྐྱོང་ལྗོངས་ཁེ་ལས་ཀྱིས་ཐོན་སྐྱེད་བྱས་པའི་ལྗོངས་ནང་ཁུལ་དུ་བྲིན་ཚོང་  བྱེད་རྒྱུའི་ཚོང་ཟོག་ཐུམ་སྒྲིལ་ཐོག་གི་ཡི་གེ་དང་།  གསལ་བཤད་སོགས་ལ་ངེས་པར་དུ་བོད་ཡིག་དང་རྒྱལ་ཁབ་ཀྱི་སྤྱི་སྤྱོད་ཡི་གེ་གཉིས་ཀ་མཉམ་དུ་སྤྱོད་དགོས།

自治区内的各类服务行业的名称、经营项目、标价、票据等同时使用藏文和国家通用文字。

རང་སྐྱོང་ལྗོངས་ནང་ཁོངས་ཀྱི་ཞབས་ཞུའི་ལས་རིགས་ཁག་གི་མིང་དང་།  ཚོང་གཉེར་གྱི་རྣམ་གྲངས།    གོང་ཚད།  འཛིན་ཤོག་སོགས་ཀྱི་ཐོག་བོད་ཡིག་དང་རྒྱལ་ཁབ་ཀྱི་སྤྱི་སྤྱོད་ཡི་གེ་གཉིས་ཀ་མཉམ་དུ་སྤྱོད་དགོས།

第十三条 县级以上人民政府藏语文工作部门，应当加强对藏语文学习、使用的监督管理，加强对藏语文的科学研究，促进藏语文的发展。

དོན་ཚན་བཅུ་གསུམ་པ།  རྫོང་རིམ་པ་ཡན་གྱི་མི་དམངས་སྲིད་གཞུང་གི་བོད་སྐད་ཡིག་ལས་དོན་སྡེ་ཚན་གྱིས་ངེས་པར་དུ་བོད་སྐད་ཡིག་སྦྱོང་སྤྱོད་ཐད་ལྟ་སྐུལ་དོ་དམ་བྱེད་རྒྱུར་ཤུགས་སྣོན་རྒྱག་དགོས་པ་དང་།  བོད་སྐད་ཡིག་ལ་ཚན་རིག་ཞིབ་འཇུག་བྱེད་རྒྱུར་ཤུགས་སྣོན་བརྒྱབ་ནས་བོད་སྐད་ཡིག་གོང་འཕེལ་ཡོང་བར་སྐུལ་འདེད་གཏོང་དགོས།

第十四条 自治区应当采取措施培养翻译人才，重视和加强藏语文和国家通用语言文字的翻译工作。

དོན་ཚན་བཅུ་བཞི་པ།  རང་སྐྱོང་ལྗོངས་ཀྱིས་ངེས་པར་དུ་བྱ་ཐབས་སྤྱད་དེ་ཡིག་སྒྱུར་མི་སྣ་གསོ་སྐྱོང་བྱེད་རྒྱུ་དང་།  བོད་ཡིག་དང་རྒྱལ་ཁབ་ཀྱི་སྤྱི་སྤྱོད་ཡི་གེ་གཉིས་ཀྱི་ཡིག་སྒྱུར་ལས་དོན་ལ་མཐོང་ཆེན་དང་ཤུགས་སྣོན་རྒྱག་དགོས།  

自治区人民政府藏语文工作部门统一规范并颁布藏语文名词术语，促进译文的规范化、标准化。

རང་སྐྱོང་ལྗོངས་མི་དམངས་སྲིད་གཞུང་གི་བོད་སྐད་ཡིག་ལས་དོན་སྡེ་ཚན་གྱིས་བོད་སྐད་ཡིག་གི་མིང་ཚིག་ཐ་སྙད་བཀས་བཅད་གཅིག་གྱུར་དང་ཚད་ལྡན་བཟོ་རྒྱུ་མ་ཟད།  འགྲེམ་བསྒྲགས་བྱས་ཏེ་སྒྱུར་ཡིག་ཚད་ལྡན་ཡོང་བ་བྱེད་དགོས།  

自治区各级国家机关人民团体、企事业单位，根据需要设置翻译机构或者配备翻译人员。

རང་སྐྱོང་ལྗོངས་རིམ་ཁག་རྒྱལ་ཁབ་ལས་ཁུངས་དང་།  མི་དམངས་ཚོགས་པ།  ཁེ་ལས་དང་བྱ་གཞག་ཚན་པ་བཅས་ཀྱིས་དགོས་མཁོར་གཞིགས་ཏེ་ཡིག་སྒྱུར་ལས་ཁུངས་འཛུགས་པའམ་ཡིག་སྒྱུར་བྱེད་མཁན་བཀོད་སྒྲིག་བྱེད་དགོས།

第十五条 县级以上人民政府对学习、使用和发展藏语文做出显著成绩的单位和个人给予表彰和奖励。

དོན་ཚན་བཅོ་ལྔ་པ།  རྫོང་རིམ་པ་ཡན་གྱི་མི་དམངས་སྲིད་གཞུང་གིས་བོད་སྐད་ཡིག་སྦྱོང་སྤྱོད་སྤེལ་གསུམ་ཐད་གྲུབ་འབྲས་གཟེངས་སུ་ཐོན་པའི་ཚན་པ་དང་མི་སྒེར་ལ་གཟེངས་བསྟོད་དང་བྱ་དགའ་སྤྲོད་དགོས།

第十六条 违反第十一条规定的，由县级以上人民政府藏语文工作部门责令限期改正。

དོན་ཚན་བཅུ་དྲུག་པ།  དོན་ཚན་བཅུ་གཅིག་པའི་གཏན་འབེབས་ལས་འགལ་ཚེ།  རྫོང་རིམ་པ་ཡན་གྱི་མི་དམངས་སྲིད་གཞུང་གི་བོད་སྐད་ཡིག་ལས་སྡེ་ཚན་གྱིས་དུས་བཀག་ནང་ལེགས་བཅོས་བྱེད་དུ་འཇུག་དགོས།

第十七条 违反第十二条规定的，由市场监督管理部门责令限期改正。

དོན་ཚན་བཅུ་བདུན་པ།  དོན་ཚན་བཅུ་གཉིས་པའི་གཏན་འབེབས་ལས་འགལ་ཚེ།  ཁྲོམ་ར་ལྟ་སྐུལ་དོ་དམ་ཚན་པས་དུས་བཀག་ནང་ལེགས་བཅོས་བྱེད་དུ་འཇུག་དགོས།

第十八条 违反本规定其他条款的，由县级以上人民政府藏语文工作部门给予批评教育或者由所在单位给予行政处分。

དོན་ཚན་བཅོ་བརྒྱད་པ།  གཏན་འབེབས་འདིའི་དོན་ཚན་གཞན་དག་ལས་འགལ་ཚེ།  རྫོང་རིམ་པ་ཡན་གྱི་མི་དམངས་སྲིད་གཞུང་གི་བོད་སྐད་ཡིག་ལས་དོན་སྡེ་ཚན་གྱིས་དེར་སྐྱོན་བརྗོད་དང་སློབ་གསོ་གཏོང་བའམ་སྡེ་ཚན་དེ་གས་སྲིད་འཛིན་ཆད་པ་གཅོད་དགོས།

第十九条 自治区人民政府根据本规定制定实施细则。

དོན་ཚན་བཅུ་དགུ་པ།  རང་སྐྱོང་ལྗོངས་མི་དམངས་སྲིད་གཞུང་གིས་གཏན་འབེབས་འདི་གཞིར་བཟུང་ཞིབ་ཕྲའི་ལག་བསྟར་བྱེད་ཕྱོགས་ཀྱི་ཞིབ་སྲོལ་བཟོ་རྒྱུ།