WXRedian | 巴青融媒 | ད་ལྟའི་དུས་ལ་ཆམ་པ་ཕོག་སླ་བས། སྔོན་འགོག་འདི་ལྟར་བྱེད་དགོས།

ད་ལྟའི་དུས་ལ་ཆམ་པ་ཕོག་སླ་བས། སྔོན་འགོག་འདི་ལྟར་བྱེད་དགོས།

民生 2024-10-22 15:56 西藏

ད་ལྟའི་དུས་ནི་ཆམ་པ་ཕོག་སླ་བའི་དུས་ཚིགས་ཤིག་ཡིན་པས། ང་ཚོས་ནམ་དུས་འདིར་ཆམ་ནད་སྔོན་འགོག་ཇི་ལྟར་བྱེད་དགོས་ཤེ་ན།

གཅིག ཆུ་ཚ་པོར་རྐང་པ་སྦོང་དགོས། རྒྱུན་དུ་ནས་ཆུ་ཚ་པོར་རྐང་པ་སྦོང་དགོས་པ་དང་། རྐང་པ་དམར་པོ་ཆག་ཆག་སྦངས་ཚེ་སྔོན་འགོག་གི་ནུས་པ་དེ་བས་ཡག་པ་ཐོན་སྲིད།

གཉིས། ཆུ་ཁོལ་མང་ཙམ་འཐུང་དགོས། དགུན་དུས་སྐམ་ཤས་ཆེ་བས་ཆུ་ཁོལ་མང་ཙམ་འཐུང་དགོས་ཤིང་། འདི་ལྟར་བྱས་ཚེ་གཟུགས་པོའི་དུག་རྒྱུ་གཅིན་པ་དང་མཉམ་དུ་ཕྱིར་དོན་པར་ཕན་པ་ཆེན་པོ་ཡོད།

གསུམ། ཆུ་གྲང་མོས་གདོང་པ་བཀྲུ་དགོས། ཆུ་གྲང་མོས་གདོང་པ་བཀྲུས་ན་པགས་པའི་ནང་གི་ཁྲག་འཁོར་རྒྱུག་དེ་བས་ལེགས་པ་ཐུབ་པས། ནད་འགོག་ནུས་པ་སྔར་བས་ཡག་ཏུ་འགྲོ་ལ། ཆམ་ནད་སྔོན་འགོག་ཀྱང་དེ་བས་ལེགས་པ་ཡོང་ཐུབ།

བཞི། ལག་པ་འཕུར་དགོས། རྒྱུན་དུ་ལག་པ་འཕུར་འཕུར་བཏང་ན་ཁྲག་གི་འཁོར་རྒྱུག་ལ་ཕན་པ་ཡོད་ལ། དབུགས་ལམ་གྱི་ནད་འགོག་ནུས་པ་ཆེ་རུ་འགྲོ་བར་ཡང་ཕན་པ་ཆེན་པོ་ཡོད།

ལྔ། ཚྭ་ཆུས་ཁ་བཤལ་དགོས། ཚྭ་ཆུ་ནི་རང་བྱུང་གི་དུག་སེལ་ཡོ་བྱད་ཅིག་ཡིན་ཞིང་། གལ་སྲིད་ཁྱེད་ལ་ཆམ་པ་རྒྱག་གྲབས་ཡོད་དུས། ཚྭ་ཆུས་ཁ་བཤལ་ཐེངས་འགའ་བཏང་ན། ཆམ་ནད་སྔོན་འགོག་ཡག་པོ་བྱེད་ཐུབ།

དྲུག ལུས་སྦྱོང་འོས་འཚམ་བྱེད་དགོས། ལུས་སྦྱོང་འོས་འཚམ་བྱས་ཚེ་མིའི་ལུས་པོའི་རྙིང་ཚབ་གསར་འབྱེད་ཡག་པོ་ཡོང་བ་དང་སྦྲགས། ཆམ་ནད་སྔོན་འགོག་བྱེད་ཐུབ།

BQTV

监审：阿旺

责编：格桑扎拉

编辑：次仁尼吉

来源：西藏日报藏文媒体

邮箱:nqbqgdj@163.com

关注：巴青新闻

巴青融媒

记录巴青发展的点点滴滴、传播大众生活的方方面面；及时准确的宣传党的方针政策和县委县政府的决策部署，聚焦社会热点，反应百姓心声，弘扬主旋律，传递正能量；充分发挥舆论监督作用，搭建政府与百姓沟通的纽带和桥梁打造百姓生活的精神食粮。