ས་ཡོམ་གྱི་གནོད་འཚེ་བྱུང་རྗེས་ཇི་ལྟར་བྱས་ནས་འཕྲོད་བསྟེན་འགོག་སྲུང་ཡག་པོ་བྱ་དགོས་པའི་དོན་ཚན།
ས་ཡོམ་བྱུང་རྗེས་ཀྱི་བཟའ་བཏུང་འཕྲོད་བསྟེན་ཐད།
༡ ཁ་ལག་བཟོ་བྱེད་ཀྱི་ཆུ་དང་འཐུང་ཆུ་ཚང་མ་བདེ་འཇགས་དང་དྭངས་གཙང་གི་ཆུ་སྤྱད་དགོས།
༢ ས་ཡོམ་གྱིས་རྐྱེན་པས་ཤི་རྨས་བྱུང་བ་དང་ནད་ཕོག་པའམ་ཡང་ན་རྒྱུ་རྐྱེན་གསལ་པོ་མེད་པར་ཤི་བའི་ཁྱིམ་བྱ་དང་ཕྱུགས་ཟོག་གི་ཤ་ཟ་མི་རུང་ཞིང་། དེ་མིན་སྤུས་ཚད་འགན་ལེན་དུས་ཚོད་ལས་བརྒལ་བ་དང་ངོ་བོ་འགྱུར་བའི་ཟས་རིགས་ཟ་མི་རུང་།
༣ ཟས་རིགས་དང་བཏུང་བྱ་བླུགས་པའི་སྣོད་ཆས་ཀྱིས་ཟས་རིགས་ལ་སྦགས་བཙོག་ཐེབས་པར་སྔོན་འགོག་བྱེད་དགོས། ལྷག་པར་དུ་ཐུན་མོང་དུ་སྤྱོད་པའི་ཟ་སྣོད་འཐུང་ཆས་བེད་སྤྱོད་མ་བྱས་གོང་དང་བེད་སྤྱོད་བྱས་རྗེས་ཚང་མ་གཙང་མར་བཀྲུ་དགོས་པར་མ་ཟད། ཟས་རིགས་བཙོས་མ་དང་རྗེན་པ་བཏུབ་སའི་ཚལ་པང་དབྱེ་བ་འབྱེད་པར་དོ་སྣང་བྱ་དགོས།
༤ ཞིང་སྨན་སོགས་དུག་ལྡན་དངོས་རྫས་དག་ཉར་ཚགས་ཡག་པོ་བྱས་ཏེ། དུག་ལྡན་རྫས་འགྱུར་དངོས་རྫས(ཞིང་སྨན་དང་། ཟེ་སྐྱུར་ཚྭ་ཕལ་པ། སིན་འགྱུར་རྫས། བྱི་བའི་སྨན་སོགས)ཀྱིས་བཟའ་བཅའ་ལ་སྦགས་བཙོག་བཟོ་བ་དང་དེ་བཞིན་སྤྱོད་ནོར་དང་ཟ་ནོར་ཤོར་བར་སྔོན་འགོག་བྱ་དགོས།
༥ གང་སར་གཅིན་སྐྱག་མི་གཏོང་བ་དང་། ཟ་མ་མ་བཟས་གོང་དང་གསང་སྤྱོད་ལ་ཕྱིན་རྗེས་ངེས་པར་དུ་ལག་པ་བཀྲུ་དགོས། སྤྱི་པའི་ཆུ་ཁུངས་སུ་གད་སྙིགས་གཡུགས་པ་དང་གཅིན་གཏོང་བ། དེ་མིན་སྒོ་ཕྱུགས་གསོ་བ་བཅས་བྱེད་མི་རུང་།
༦ ཟས་རིགས་བཟོ་སྐབས་ད་ལྟ་བཟོས་ཤིང་ད་ལྟ་ཟ་བ་དང་། ཟས་རིགས་ངེས་པར་དུ་བཙོ་དགོས་པ་མ་ཟད། ཟས་ལྷག་རྣམས་མ་བཟས་གོང་ཚ་པོ་བཟོས་ནས་དུག་སེལ་བྱ་དགོས།
ས་ཡོམ་བྱུང་རྗེས་ཀྱི་ཁོར་ཡུག་འཕྲོད་བསྟེན།
༡ གད་སྙིགས་བསྡུ་རུབ་དང་ཐག་གཅོད་བྱེད་པར་གནོད་འཚེ་ཕོག་པའི་མང་ཚོགས་འདུ་འཛོམས་བྱ་ཡུལ་གྱི་གནས་ཚུལ་དངོས་ལ་གཞིགས་ནས་གད་སྙིགས་བསྡུ་རུབ་ས་ཚིགས་ལུགས་མཐུན་གྱིས་བཀོད་སྒྲིག་བྱས་ཏེ་ཆེད་མངགས་མི་སྣས་དུག་སེལ་དང་། གཙང་མ་འཕྱགས་པ། སྐྱེལ་འདྲེན་བཅས་ཀྱི་འགན་འཁུར་ནས་ཉིན་རེའི་གད་སྙིགས་ཉིན་དེར་གཙང་སེལ་ཐུབ་པ་བྱ་དགོས།
༢ འགོས་ནད་ཕོག་པའི་ནད་པའམ་ཡང་ན་འགོས་ནད་ཕོག་པར་དོགས་པ་ཡོད་པའི་ནད་པས་བཟོས་པའི་གད་སྙིགས་ལ་དུག་སེལ་རྫས་གཏོར་ཏེ་ཐག་གཅོད་བྱ་དགོས་ལ། ཆ་རྐྱེན་ཡོད་ན་མེར་སྲེག་པའི་ཐབས་སྤྱད་ནས་ཐག་གཅོད་བྱ་དགོས། གད་སྙིགས་དང་བཙོག་ཆུ་བརྒྱུད་འདྲེན་གྱི་ཆ་རྐྱེན་མེད་པའི་སྐབས་སུ་གནས་སྐབས་སུ་གད་སྙིགས་ཀྱི་དོང་དང་བཙོག་ཆུའི་དོང་བསྐྲུན་ནས་ཐག་གཅོད་བྱས་ན་ཆོག །དོང་འདི་འཚོ་བ་སྐྱེལ་ཁུལ་གྱི་རླུང་འོག་ཁ་ཕྱོགས་སུ་བསྐྲུན་དགོས་ལ་དུས་བཀག་ལྟར་དུག་སེལ་རྫས་གཏོར་དགོས། མང་ཚོགས་སྐུལ་སློང་བྱས་ནས་ས་ཡོམ་ཁུལ་གྱི་འཕྲོད་བསྟེན་སྤྱི་ཆིངས་བཟོས་ཤིང་རང་འགུལ་གྱིས་བརྩི་སྲུང་ཞུ་དགོས་པའི་འབོད་སྐུལ་བྱ་དགོས།
༣ འཕྲོད་བསྟེན་རིམས་འགོག་མི་སྣས་སྡོད་དམངས་ལ་འོས་འཚམ་གྱི་ས་གནས(འཚོ་བ་སྐྱེལ་ཁུལ་གྱི་རླུང་འོག་གི་ཁ་ཕྱོགས་སུ་གནས་པར་མ་ཟད་བར་ཐག་རིང་དྲགས་རྒྱུ་མེད་པ། ཆུ་ཁུངས་དང་ཉུང་མཐར་ཡང་སྨི་༣༠ཡི་བར་ཐག་ཡོད་དགོས)བདམ་སྟེ་སྟབས་བདེའི་རྒྱུ་ཆ་སྤྱད་ནས། གནས་སྐབས་ཀྱི་གསང་སྤྱོད་བསྐྲུན་དགོས་པའི་མཛུབ་སྟོན་བྱ་དགོས། གནས་སྐབས་གསང་སྤྱོད་ལ་སྐྱག་གཅིན་མི་འཛག་པ་དང་བཤང་རིགས་ཕྱིར་མི་འཕྱུར་བར་བྱ་དགོས།
ས་ཡོམ་བྱུང་རྗེས་རྒྱུན་མཐོང་གི་མྱུར་གཤིས་འགོས་ནད་སྔོན་འགོག་བྱ་དགོས།
ས་ཡོམ་བརྒྱབ་རྗེས་སེམས་ཁམས་རྨས་སྐྱོན་ཉམས་གསོའི་ཐད།
༡ རང་སོ་སོའི་མྱོང་ཚོར་སྦས་མི་རུང་བ་སྟེ། གཉེན་ཉེ་དང་གྲོགས་པོ་རྣམས་ལ་རང་ཉིད་ཀྱི་སྡུག་བསྔལ་དང་སེམས་ཁྲལ་དག་བཤད་ནས་སྐྱོ་སྣང་དང་སྡུག་བསྔལ་སེལ་གང་ཐུབ་བྱ་དགོས།
༢ གཉིད་ཉལ་བ་དང་ངལ་གསོའི་དུས་ཚོད་འདང་ངེས་ཤིག་འགན་ལེན་ཡོང་བ་བྱ་དགོས། འདིས་རྒྱུན་ལྡན་གྱི་ལུས་སེམས་ཀྱི་གནས་སྟངས་སླར་གསོ་བྱེད་པར་ཕན་པ་ལྡན་ཡོད།
༣ གང་ཐུབ་ཀྱིས་ཁེར་རྐྱང་དུ་མི་སྡོ་པར་གཉེན་ཉེ་དང་གྲོགས་པོ་དང་མཉམ་དུ་བསྡད་དགོས། དཀའ་ངལ་འཕྲད་སྐབས་གཞན་གྱི་རོགས་རམ་དང་ལེན་བྱེད་ཤེས་དགོས་པར་མ་ཟད། རང་འགུལ་ངང་གཉེན་ཉེ་དང་གྲོགས་པོ། དེ་བཞིན་འབྲེལ་ཡོད་སྡེ་ཚན་བཅས་ལ་རོགས་རམ་གནང་རོགས་ཞུ་དགོས།
༤ ཐབས་ཤེས་ཁ་ཤས་སྤྱད་ནས་སྡུག་བསྔལ་སེལ་ཆོག་པ་སྟེ་དཔེར་ན། རོལ་དབྱངས་ལ་ཉན་ནས་ལག་ཤེས་ཀྱི་ལས་ཀ་བྱེད་པ་སོགས་བྱས་ཏེ། རིམ་བཞིན་རྒྱུན་ལྡན་གྱི་ལས་ཀ་དང་འཚོ་བའི་རྣམ་པ་སླར་གསོ་བྱས་ནས། རང་ཉིད་ཀྱི་རྒྱུན་ལྡན་གྱི་འཚོ་བ་ཕུན་སུམ་ཚོགས་སུ་གཏོང་དགོས།
༥ ཕྱི་ལ་ལས་ཀ་བྱེད་པར་བསྐྱོད་པ། ལྷག་པར་དུ་རླངས་འཁོར་གཏོང་སྐབས་ཡིད་གཟབ་བྱ་དགོས། རྒྱུ་མཚན་ནི་སེམས་ཁམས་ཀྱི་གནོན་ཤུགས་ཆེན་པོའི་འོག་བསམ་ཡུལ་ལས་འདས་པའི་རྨས་སྐྱོན(དཔེར་ན་རླངས་ཀྱི་འཁོར་དོན་རྐྱེན)དེ་བས་འབྱུང་སླ་བ་ཡིན།
༦ གལ་ཏེ་སེམས་ཁམས་ཀྱི་འགྱུར་བ་དྲག་པོ་བྱུང་བར་མ་ཟད། དུས་ཡུན་རིང་པོར་ཞི་ལྷོད་དུ་བཏང་མ་ཐུབ་ན། ཆེད་ལས་ཀྱི་སེམས་ཁམས་སྨན་པར་རོགས་རམ་གནང་རོགས་ཞུས་ཏེ་སེམས་ཁམས་ཀྱི་སྨན་བཅོས་བྱ་དགོས།
来源：中心健教所
编辑：普尺
初审：温蜀锋
复审：邓诗霞
终审：齐志强
投稿邮箱：jilongxian@wxrkz.gov.cn
扫码关注我们
查看更多精彩内容
