རྨི་ལམ་དང་རེ་བ་མཉམ་དུ་གནས་པའི་ལྷ་རིའི་སྨྱན་སྦྱོར།
གསར་འགོད་པ།
ཞོགས་པའི་སྐྱེ་རེངས་དང་མུན་པའི་ས་སྲོད་གྲོགས་སུ་འགུག་མཁན་ཁྱེད་ཡིན་ལ།
དགུང་སྐར་ཚོགས་ཀྱིས་ཞྭ་དང་ནངས་བ་མོ་ཡིས་ལྷམ་བྱེད་མཁན་དེ་ཡང་ཁྱེད་ཡིན།
རྔུལ་ཆུ་ཡིས་ལོ་ཟླ་འབྲི་བཞིན་པའི་ལྷ་རིའི་སྨྱན་སྦྱོར།
གསར་འགོད་པ།
ཡངས་པའི་རྒྱལ་ཁམས་སྐྱེ་རྒུའི་མགྲོན་དུ་བསུ་མཁན་དེ་ཁྱེད་ཡིན་ལ།
སྲིད་པའི་འགྱུར་ལྡོག་སྤྱན་གྱི་དགའ་སྟོན་དུ་འབུལ་མཁན་དེ་ཡང་ཁྱེད་ཡིན།
སྤོབས་པ་དང་ཡིད་ཆེས་ཀྱིས་ཁེངས་པའིལྷ་རིའི་སྨྱན་སྦྱོར།
གསར་འགོད་པ།
བདེན་དོན་གྱི་དར་ཆ་དང་རྒྱུ་འབྲས་ཀྱི་ཚད་ཤིང་།
གནས་ལུགས་ཀྱི་བདག་པོ་དང་དུས་ཚོད་ཀྱི་སྔོན་མ་ཡིན།
རྣམ་དཔྱོད་དང་བློ་གྲོས་ཀྱིས་ཕྱུག་པའི་ལྷ་རིའི་སྨྱན་སྦྱོར།
དེར་བརྟེན། གསར་འགོད་པ།
ཁྱེད་ནི་མཐོན་པོའི་རི་ན། དམའ་མོའི་གཤོང་ན།
དམངས་སེམས་ཀྱི་བདེ་སྡུག་གཟུགས་སུ་འཆིང་བའི་ལྷ་རིའི་སྨྱན་སྦྱོར།
གསར་འགོད་པ།
འཐབ་སའི་གཡུལ་ན། བདེ་དགའི་ཀློང་ན།
ཡིག་འབྲུའི་གསེབ་ན། འཆར་སྒོའི་སྒང་ན།
དུས་གསུམ་གྱི་མཛའ་མཐུན་གཅིག་ཏུ་སྒྲིལ་བས་ལྷ་རིའི་སྨྱན་སྦྱོར།
གསར་འགོད་པ།
བཙན་པོའི་དྲུང་ན། གཉོམ་པོའི་རྒྱབ་ན།
ངལ་རྩོལ་གྱི་ལྷག་བསམ་མེ་ལྟར་འབར་བའི་ལྷ་རིའི་སྨྱན་སྦྱོར།
དེ་བས། གསར་འགོད་པ།
ཁྱེད་ཀྱི་ཕྱག་ཏུ་ཐོགས་པ་ནི་རང་ཉིད་བསྲུང་བའི་གོ་ཆ་མིན་ལ།
གནས་ལུགས་དང་བདེན་པ་འཚོལ་བའི་བརྙན་མིག་གོ།
ལྷ་རིའི་སྨྱན་སྦྱོར།
End
扫码关注我们了解更多资讯
微信公众号
抖音账号
了解嘉黎更多资讯
请扫描下载珠峰云APP
点击关注“嘉黎融媒”视听账号
“嘉黎县融媒体中心”新闻账号
