(一)支持家电产品以旧换新
ཏང་གི་ཚོགས་ཆེན་ཉི་ཤུ་པ་དང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་དང་གསུམ་པའི་དགོངས་དོན་ཕྱོགས་ཡོངས་ནས་ལག་བསྟར་དང་། གཞི་ཁྱོན་ཆེ་བའི་སྒྲིག་ཆས་གསར་སྒྱུར་དང་འཛད་སྤྱོད་དངོས་རྫས་རྙིང་ཚབ་གསར་བརྗེ་བྱེད་པར་སྐུལ་འདེད་གཏོང་རྒྱུའི་སྐོར་གྱི་ཏང་ཀྲུང་དབྱང་དང་རང་སྐྱོང་ལྗོངས་ཀྱི་ཐབས་ཇུས་དང་བཀོད་སྒྲིག་དོན་འཁྱོལ་ནན་ཏན། རང་སྐྱོང་ལྗོངས་ཏང་ཨུད་དང་སྲིད་གཞུང་། ལྷོ་ཁ་གྲོང་ཨུད་དང་སྲིད་གཞུང་། ལྷོ་བྲག་རྫོང་ཨུད་དང་སྲིད་གཞུང་བཅས་ཀྱི་འབྲེལ་ཡོད་ལས་ཀའི་བླང་བྱ་དོན་འཁྱོལ་མཐར་ཕྱིན་བཅས་བྱ་ཆེད། རྒྱལ་ཁབ་འཕེལ་སྒྱུར་ཨུ་ལྷན་དང་ནོར་སྲིད་པུའི《གཞི་ཁྱོན་ཆེ་བའི་སྒྲིག་ཆས་གསར་བརྗེས་དང་འཛད་སྤྱོད་དངོས་རྫས་རྙིང་ཚབ་གསར་བརྗེ་བྱ་རྒྱུར་རྒྱབ་སྐྱོར་ཤུགས་ཆེན་བྱ་རྒྱུའི་སྐོར་གྱི་བྱ་ཐབས་འགའ་ཞིག》དང་དེ་བཞིན་རང་སྐྱོང་ལྗོངས་དང་ལྷོ་ཁ་གྲོང་ཁྱེར་གྱི་འབྲེལ་ཡོད་ཡིག་ཆའི་བླང་བྱ་གཞིར་བཟུང་།“བདེ་སྐྱིད་ལྡན་པའི་ལྷོ་བྲག དགའ་སྐྱིད་འཚོ་བར་ལོངས་སྤྱོད”ཅེས་པའི་འཛད་སྤྱོད་དངོས་རྫས“རྙིང་ཚབ་གསར་བརྗེའི”བྱེད་སྒོ་སྤེལ་རྒྱུ་གཤམ་གསལ།
གཅིག བྱེད་སྒོའི་དུས་ཚོད།
2024ལོའི་ཟླ་10ཚེས་1ཉིན་ནས་འགོ་ཚུགས་པ་དང་2024ལོའི་ཟླ་12ཚེས་31ཉིན་མཇུག་འགྲིལ་རྒྱུ།
གཉིས། བྱེད་སྒོའི་ཁ་གཏད།
བྱེད་སྒོ་སྤེལ་རིང་ལྷོ་བྲག་རྫོང་དུ་ཡོད་པའི་མི་སྣ།
གསུམ། བྱེད་སྒོའི་ནང་དོན།
ཁྱིམ་སྤྱོད་གློག་ཆས་རྙིང་ཚབ་གསར་བརྗེ། ཁྱིམ་ཆས་རྙིང་ཚབ་གསར་བརྗེ།
བཞི། མ་དངུལ་བཀོད་སྒྲིག
“ཁྱིམ་སྤྱོད་གློག་ཆས་ཐོན་རྫས་རྙིང་ཚབ་གསར་བརྗེ”ཡི་བྱེད་སྒོའི་མ་དངུལ་སྒོར་ཁྲི་38དང་། “ཁྱིམ་ཆས་རྙིང་ཚབ་གསར་བརྗེ”ཡི་བྱེད་སྒོའི་མ་དངུལ་སྒོར་ཁྲི་25 རིགས་ཁག་གི་བྱེད་སྒོའི་མ་དངུལ་འགུལ་རྣམ་ལེགས་སྒྲིག་མི་བྱེད་པ་དང་། གལ་ཏེ་མ་དངུལ་སྔ་སྣུར་དུ་སྤྲད་ཚར་ན་བྱེད་སྒོ་སྔ་སྣུར་དུ་མཇུག་འགྲིལ་རྒྱུ། དེ་དང་ཆབས་ཅིག་ཁེ་ལས་ཀྱིས་རང་འགུལ་ངང་རིན་གོང་བཅག་ནས་ཁེ་ཕན་སྤྲོད་པའི་བྱ་ཐབས་ལ་བརྟེན་ནས་སྤྱི་ཚོགས་ཀྱི་མ་དངུལ་གཏོང་རྒྱུར་སྐུལ་མ་གཏོང་བ་དང་། སྤྱི་ཚོགས་ཀྱི་མ་དངུལ་དེ་བྱེད་སྒོའི་སྤྱིའི་མ་དངུལ་ནང་བརྩི་རྒྱུ་མིན།
ལྔ། བྱེད་སྒོའི་ཁ་གསབ་ཞིབ་སྲོལ།
(གཅིག)ཁྱིམ་སྤྱོད་གློག་ཆས་ཐོན་རྫས་རྙིང་ཚབ་གསར་བརྗེ་བྱེད་པར་རྒྱབ་སྐྱོར་བྱེད་པ།
མི་སྒེར་གྱི་འཛད་སྤྱོད་པས་ནུས་ཕྱོད་དམ་ཆུ་ནུས་ཚད་གཞི་རིམ་པ་གཉིས་པ་དང་དེ་ཡན་གྱི་འཁྱགས་སྒམ་དང་གོས་འཁྲུད་འཕྲུལ་ཆས། བརྙན་འཕྲིན། དྲོད་སྙོམས་འཕྲུལ་ཆས། གློག་ཀླད། ཆུ་ཚ་པོ་བཟོ་ཆས། ཁྱིམ་སྤྱོད་ཐབ་ཆས། སྣུམ་དུད་རྔུབ་བྱེད་འཕྲུལ་འཁོར་བཅས་ཁྱིམ་སྤྱོད་གློག་ཆས་ཐོན་རྫས་རིགས་8ལ་རྙིང་ཚབ་གསར་བརྗེའི་ཁ་གསབ་སྤྲོད་རྒྱུ། ཁ་གསབ་ཚད་གཞི་ནི་ཐོན་རྫས་ཀྱི་མཐའ་མའི་ཕྱིར་འཚོང་རིན་གོང་གི་15%ཡིན་པ་དང་ནུས་ཕྱོད་དམ་ཆུ་ནུས་ཚད་གཞི་རིམ་པ་དང་པོ་དང་དེ་ཡན་གྱི་ཐོན་རྫས་ཉོ་སྒྲུབ་བྱས་པར་སླར་ཡང་ཐོན་རྫས་ཀྱི་མཐའ་མའི་ཕྱིར་འཚོང་རིན་གོང་གི་5%ཡི་ཁ་གསབ་སྤྲོད་རྒྱུ། འཛད་སྤྱོད་པ་རེས་ཐོན་རྫས་རིགས་རེ་ནས་དངོས་པོ་གཅིག་ལ་ཁ་གསབ་ལེན་ཆོག་པ་དང་དངོས་པོ་རེར་ཁ་གསབ་སྒོར་2000ལས་བརྒལ་མི་ཆོག
མི་སྒེར་གྱི་འཛད་སྤྱོད་པས་ཁྱིམ་སྤྱོད་གློག་ཆས་ཐོན་རྫས་རིགས་8ཕུད་པའི་ཁྱིམ་སྤྱོད་གློག་ཆས་ཐོན་རྫས(ལག་ཐོགས་ཁ་པར་དང་ངོས་ལེབ་གློག་ཀླད་སོགས)ཉོས་པར། 《〈བོད་རང་སྐྱོང་ལྗོངས་ཀྱི་འཛད་སྤྱོད་དངོས་རྫས་རྙིང་ཚབ་གསར་བརྗེའི་ལག་བསྟར་ཇུས་གཞི 〉 པར་འགྲེམས་བྱ་རྒྱུའི་སྐོར་གྱི་བོད་རང་སྐྱོང་ལྗོངས་ཚོང་དོན་ཐིང་སོགས་སྡེ་ཚན་4ཡི་བརྡ་ཐོ》(བོད་ཚོང་སྤེལ[2024]ཡིག་ཨང་166པ)དང་《〈བོད་རང་སྐྱོང་ལྗོངས་ཀྱི་འཛད་སྤྱོད་དངོས་རྫས་རྙིང་ཚབ་གསར་བརྗེའི་ཁ་གསབ་ལག་བསྟར་ཞིབ་སྲོལ〉པར་འགྲེམས་བྱ་རྒྱུའི་སྐོར་གྱི་བོད་རང་སྐྱོང་ལྗོངས་ཚོང་དོན་ཐིང་དང་བོད་རང་སྐྱོང་ལྗོངས་ནོར་སྲིད་ཐིང་གི་བརྡ་ཐོ》
(བོད་ཚོང་སྤེལ[2024]ཡིག་ཨང་187པ)ཡི་ཚད་གཞི་དང་བླང་བྱ་གཞིར་བཟུང་། སྒོར་500ལོན་ན་སྒོར་100གཅོག་རྒྱུ་དང་། སྒོར་1000ལོན་ན་སྒོར་200གཅོག་རྒྱུ། ་སྒོར་1500ལོན་ན་སྒོར་300གཅོག་རྒྱུ། སྒོར་2000ལོན་ན་སྒོར་400གཅོག་རྒྱུ། སྒོར་3000ལོན་ན་སྒོར་600གཅོག་རྒྱུ། སྒོར་5000ལོན་ན་སྒོར་1000གཅོག་རྒྱུ། སྒོར་7500ལོན་ན་སྒོར་1500གཅོག་རྒྱུ་བཅས་ཀྱི་ཚད་གཞི་ལྟར་འཛད་སྤྱོད་པར་ཁ་གསབ་སྤྲོད་རྒྱུ། འཚོང་བྱེད་ཀྱི་ཁྱིམ་སྤྱོད་གློག་ཆས་རྙིང་པ་དེ་ཉོ་བྱེད་ཀྱི་དང་ཁྱིམ་སྤྱོད་གློག་ཆས་གསར་པའི་རིགས་དང་ཡིན་གཅིག་གཅིག་པ་ཡིན་པའི་དགོས་པ་མེད་ཅིང་འཛད་སྤྱོད་པ་མི་རེས་ཐོན་རྫས་རིགས་རེ་རེའི་ཁ་གསབ་ལོངས་སྤྱོད་ཐེངས་གཅིག་ལས་བྱེད་མི་ཆོག
(གཉིས)ཁྱིམ་ཆས་ཆས་རྙིང་ཚབ་གསར་བརྗེ་བྱེད་པར་རྒྱབ་སྐྱོར་བྱེད་པ།
མི་སྒེར་གྱི་འཛད་སྤྱོད་པར་2024ལོའི་ཟླ་10ཚེས་1ཉིན(ཉིན་དེ་ཚུད)ནས་ཟླ་12ཚེས་31ཉིན(ཉིན་དེ་ཚུད)བར་ཉལ་ཁྲི་དང་། གདན། འབོལ་ཁྲི། གོས་སྒམ། དཔེ་སྒམ། དཀར་སྒམ། བརྙན་འཕྲིན་འཇོག་སྒམ། ཟས་ཅོག རྐུབ་སྟེགས། ཅོག་ཙེ་སོགས་ཁྱིམ་ཆས་རིགས་10དང་། ཇ་བསྲུབས་འཕྲུལ་འཁོར་དང་རླངས་སྲེག་སྒམ། རླབས་ཐབ། དཀར་ཡོལ་འཁྲུ་ཆས། དུག་སེལ་སྒམ། གློག་རྡིག ཁ་ཧྥེ་འཕྲུལ་འཁོར། མེན་པའོ་འཕྲུལ་འཁོར། ཆུ་གཙང་བཟོ་འཕྲུལ་འཁོར། མཁའ་རླུང་གཙང་བཟོ་འཕྲུལ་འཁོར། གད་བདར་འཕྲུལ་མི། རྡུལ་རྔུབས། བརྙན་སྟོན་འཕྲུལ་ཆས། རིག་ནུས་སྒོ་ལྕགས། རིག་ནུས་ཆབ་ཟོམ། རིག་ནུས་གོས་གདང་། རིག་ནུས་འཁྲུས་ཁང་གི་ཡོ་བྱད། འདུས་གྲུབ་ཆུ་ཝ། གློག་གི་དབུར་ཏི། རླུང་འཁོར། གློག་སྒུལ་ཁ་སྤུ་བཞར་ཆས་སོགས་ཐབ་ཆས་དང་གཙང་སྦྲའི་ཡོ་བྱད་ཐོན་རྫས་རིགས་22དང་། པང་གཅལ་དང་ཁྱིམ་སྤྱོད་བདེ་འཇགས་སྒོ། གློག་སྒྲོན་སོགས་ཨར་ལས་རྒྱུ་ཆའི་རིགས་3བཅས་ཉོས་ཚེ། སྒོར་500ལོན་ན་སྒོར་100གཅོག་རྒྱུ་དང་། སྒོར་1500ལོན་ན་སྒོར་300གཅོག་རྒྱུ། སྒོར་2000ལོན་ན་སྒོར་400གཅོག་རྒྱུ། སྒོར་3000ལོན་ན་སྒོར་600གཅོག་རྒྱུ། སྒོར་5000ལོན་ན་སྒོར་1000གཅོག་རྒྱུ་བཅས་ཀྱི་ཚད་གཞི་ལྟར་འཛད་སྤྱོད་པར་ཁ་གསབ་སྤྲོད་རྒྱུ། འཛད་སྤྱོད་པ་རེ་རེས་ཐོན་རྫས་རེ་རེའི་ཁ་གསབ་ཐེངས་གཅིག་མ་གཏོགས་ལོངས་སྤྱོད་བྱེད་མི་ཆོག
བདུན། འཛད་སྤྱོད་པས་ཁ་གསབ་རེ་ཞུ་བྱེད་སྟངས།
ཁྱིམ་སྤྱོད་གློག་ཆས་རྙིང་ཚབ་གསར་བརྗེ་དང་ཁྱིམ་ཆས་རྙིང་ཚབ་གསར་བརྗེའི་ཁ་གསབ་མ་དངུལ་རེ་ཞུ་བྱེད་རྩིས་ཡོད་པའི་མི་སྒེར་གྱི་འཛད་སྤྱོད་པས། དེ་མཚུངས་ཀྱི་འཛད་སྤྱོད་དངོས་རྫས་ཉོས་རྗེས་ཟླ་10པ་དང་ཟླ་11པའི་ཚེས་20ཉིན་ནས་ཚེས་25ཉིན་བར་དང་ཟླ་12ཚེས་9ཉིན་ནས་ཚེས་14ཉིན་བར་གཤམ་གསལ་གྱི་དཔྱད་གཞིའི་ཡིག་རིགས་འཁྱེར་ནས་རྫོང་འཕེལ་སྒྱུར་ཨུ་ལྷན(ཚོང་དོན་ཅུད)དུ་ཐོག་མའི་ཞིབ་བཤེར་བྱེད་པར་ཡོང་དགོས་པ་དང་མཇུག་མཐར་རྫོང་འཕེལ་སྒྱུར་ཨུ་ལྷན་དང་ནོར་སྲིད་ཅུད་ཀྱིས་མ་དངུལ་དོན་འཁྱོལ་བྱ་རྒྱུ།
མཁོ་འདོན་བྱེད་དགོས་པའི་དཔྱད་གཞིའི་ཡིག་རིགས་གཤམ་གསལ་ལྟར། ①འཛད་སྤྱོད་པ་རང་ཉིད་ཀྱི་ཐོབ་ཐང་ལག་ཁྱེར་གྱི་རྒྱབ་མདུན་གཉིས་ཀའི་བསྐྱར་དཔར། ②ཁྱིམ་སྤྱོད་གློག་ཆས་རྙིང་པའམ་ཡང་ན་ཁྱིམ་ཆས་རྙིང་པའི་ཐོན་རྫས་ཀྱི་པར་གསལ་ཞིང་སུབ་བཅོས་བྱས་པའི་རྗེས་ཤུལ་མེད་པ། ③ཁྱིམ་སྤྱོད་གློག་ཆས་རྙིང་པ་ཚུར་སྡུད་བྱས་པའི་དཔང་འཛིན། ④ཁྱིམ་སྤྱོད་གློག་ཆས་གསར་པའམ་ཡང་ན་ཁྱིམ་ཆས་ཐོན་རྫས་གསར་པ་ཕྱིར་འཚོང་འཛིན་ཤོག ⑤《ལྷོ་བྲག་རྫོང་གི་འཛད་སྤྱོད་དངོས་རྫས་རྙིང་ཚབ་གསར་བརྗེའི་བྱེད་སྒོའི་ཁྱིམ་སྤྱོད་གློག་ཆས/ཁྱིམ་ཆས་རྙིང་ཚབ་གསར་བརྗེའི་ཁ་གསབ་རེ་ཞུའི་རེའུ་མིག》 ⑥འཛད་སྤྱོད་པ་རང་ཉིད་ཀྱི་མིང་རྟགས་དང་མཛུབ་ཐེལ། ⑦དངུལ་ཁང་བྱང་བུའི་བསྐྱར་དཔར(ཞིང་ལས་དངུལ་ཁང་)
འཛད་སྤྱོད་ཀྱི་བརྒྱུད་རིམ་ཞིབ་ཕྲ་ནི། འཛད་སྤྱོད་པས་བྱེད་སྒོར་ཞུགས་པའི་ཚོང་དུད་ཀྱི་སར་ཕྱིན་ནས་ཚོང་ཟོག་རྙིང་པའི་རིན་གོང་ཐད་ཚོང་དུད་དང་གཅིག་མཐུན་བྱུང་བ་མ་ཟད། ཚོང་དུད་དེ་རང་ས་ནས་ཁྱིམ་སྤྱོད་གློག་ཆས་གསར་པའམ་ཡང་ན་ཁྱིམ་ཆས(ཞིབ་ཕྲའི་ཚོང་ཟོག་གི་སྣ་ཁ་དེ་བྱེད་སྒོའི་ནང་དོན་ནང་གི་གཏན་འབེབས་གཞིར་བཟུང་)ཉོས་ན། འཛད་སྤྱོད་པས་ཚོང་ཟོག་གསར་པའི་རིན་གོང་གཞིར་བཟུང་དངུལ་སྤྲད(ཚོང་ཟོག་རྙིང་པ་ཚུར་བསྡུའི་རིན་གོང་ཐད་ཀར་ཁ་འཐབ་བཏང་ཆོག)རྗེས། ཚོང་ཟོག་གསར་པ་ཉོས་ནས་ཟླ་བ་གཅིག་ནང་། རེ་ཞུའི་བརྒྱུད་རིམ་གཞིར་བཟུང་ལྷོ་བྲག་རྫོང་འཕེལ་སྒྱུར་ཨུ་ལྷན(ཚོང་དོན་ཅུད)ལ་དཔྱད་གཞིའི་ཡིག་ཆ་སྤྲོད་དགོས་པ་དང་། དཔྱད་གཞིའི་ཡིག་ཆར་ཞིབ་བཤེར་ལེགས་གྲུབ་བྱུང་རྗེས་ཟླ་རེའི་ཚེས་25ཉིན་གྱི་གོང་དུ་གཅིག་སྡུད་ཐོག་མ་དངུལ་དོན་འཁྱོལ་བྱ་རྒྱུ(ཟླ་12པར་ཁ་གསབ་རེ་ཞུ་བྱེད་དགོས་པའི་འཛད་སྤྱོད་པས་ཟླ་12ཚེས་14ཉིན་གྱི་གོང་དུ་དཔྱད་གཞིའི་ཡིག་ཆ་སྤྲོད་དགོས་པ་དང་ཟླ་12ཚེས་14ཉིན་གྱི་གོང་དུ་མ་དངུལ་དོན་འཁྱོལ་བྱ་རྒྱུ) དཔེར་ན་བཀྲ་ཤིས་ཀྱིས་ལག་ཐོགས་ཁ་པར་ཚོང་ཁང་ནས་ལག་ཐོགས་ཁ་པར་གཅིག་ལ་སྒོར་3000བྱས་ནས་ཉོས་པ་དང་ལག་ཐོགས་ཁ་པར་རྙིང་པར་སྒོར་100བརྩིས་ནས་ཚུར་བསྡུ་བྱས་ན། བཀྲ་ཤིས་ཀྱིས་སྐབས་དེར་དངུལ་སྒོར་2900སྤྲད་རྗེས། ཕྱིར་ལོག་རྗེས་འབྲེལ་ཡོད་དཔྱད་ཡིག་གྲ་སྒྲིག་ཡག་པོ་བྱས་ནས་འཕེལ་སྒྱུར་ཨུ་ལྷན(ཚོང་དོན་ཅུད)ལ་སྤྲད་པ་དང་ཞིབ་བཤེར་ལེགས་གྲུབ་བྱུང་རྗེས་འཕེལ་སྒྱུར་ཨུ་ལྷན(ཚོང་དོན་ཅུད)གྱིས་བཀྲ་ཤིས་ལ་ཁ་གསབ་སྒོར་600སྤྲོད་ཀྱི་ཡོད(ཚོང་ཟོག་གི་ཐོག་མའི་རིན་གོང་སྒོར་3000ཟིན་ནས་སྒོར་600གཅོག་པའི་གཟིགས་སྐྱོང་ལོངས་སུ་སྤྱད་ཡོད)
ཡིད་གཟབ་བྱ་རྒྱུར། རྫོང་ནོར་སྲིད་ཀྱིས་2024ལོའི་ཟླ་12ཚེས་15ཉིན་ནས་མ་དངུལ་གཏོང་སྤྲོད་མི་བྱེད་པའི་རྐྱེན་གྱིས་རྒྱ་ཆེའི་འཛད་སྤྱོད་པས་2024ལོའི་ཟླ་12ཚེས་14ཉིན་གྱི་གོང་དུ་ཁ་གསབ་རེ་ཞུའི་དཔྱད་ཡིག་གོང་ཞུའི་ལས་དོན་ལེགས་སྒྲུབ་བྱེད་དགོས་པ་དང་། དུས་བཀག་ལས་ཡོལ་ཚེ་བདག་སྤྲོད་བྱེད་ཀྱི་མེད།