وتباسىلىق دراما ومىربەكوۆتەردىڭ قارا شاڭىراعىنان كوپ جىلدان بەرى بەرەكە-بىرلىك كەتكەن ەدى. وتاعاسى قاسىم ومىربەكوۆ ءوز ۇلدارى، استانالىق شەنەۋنىك سامات پەن راديونىڭ ديرەكتورى ەرجاندى قانشا تاتۋلاستىرعىسى كەلگەنىمەن، ونىڭ بۇل ارەكەتىنەن تۇك شىقپايدى، ويتكەنى اعايىندى ەكى جىگىت ءبىر-بىرىمەن ارالاسقىسى كەلمەيدى. اكەلەرى كەنەتتەن قايتىس بولعان سوڭ اعايىندى جىگىتتەر ءوز جانۇيالارىمەن بىرگە قارا شاڭىراققا كەلۋگە ءماجبۇر بولادى. الايدا سامات ايەلى ايگۇلمەن جانە بالالارىمەن، ەرجان قالىڭدىعىمەن بىرگە تۋعان ۇيلەرىنە اكەسىن قۇرمەتتەگەندىكتەن عانا كەلمەگەن ەدى. ولاردىڭ بارلىعى كەزىندە شاعىن قالاشىقتىڭ اكىمى بولعان مارقۇم اكەلەرىنىڭ مۇراسىنان وزدەرىنە تيەسىلى قوماقتى ۇلەستى كوزدەپ كەلەدى. اكەلەرىن جەرلەپ بولعان ولار قاسىمنىڭ سەنىمدى وكىلى ولجاستى وسيەت حاتتى جاريا ەتەدى دەپ كۇتەدى. الايدا ولجاس مارقۇم قاسىم ومىربەكوۆتىڭ سوڭعى تىلەگىن جاريا ەتۋگە ۇلگەرمەيدى، ونى ءولى كۇيىندە تاۋىپ الادى. ال كونۆەرتتەگى وسيەت حات جوق بولىپ كەتەدى. وسىدان سوڭ سىرتتان كەلگەن تۋىستاردىڭ بارلىعى تەرگەۋ كەزىندە ەشقايدا كەتپەۋ تۋرالى قولحات جازىپ بەرىپ، قالادا قالۋعا ءماجبۇر بولادى. ءسويتىپ، ومىربەكوۆتەردىڭ قارا شاڭىراعىندا ۇرىس-كەرىس، الداۋ-ارباۋ، شيەلەنىسكە تولى وقيعالار ورىن الادى، بۇرىنعى ماحاببات وقيعالارى سۋ بەتىنە قالقىپ شىعىپ، وتباسى مۇشەلەرى ۇزاق ۋاقىت جاسىرىپ كەلگەن قۇپيا-سىرلار بىرىنەن كەيىن ءبىرى اشىلا باستايدى. ءۇي قىزمەتشىلەرى دە كۇدىكتىلەر قاتارىنان تابىلادى، ويتكەنى اسپاز بەن باعباننىڭ دا كىسى ولتىرەتىندەي ۋاجدەرى بار. كورەرمەندەر تەرگەۋشى نيازبەن بىرگە ولجاستى كىم ءولتىردى جانە ول وسيەت حاتتا نە جازىلعان دەگەن باستى سۇراققا جاۋاپ ىزدەيدى.
قىزىقساڭىز كۇندەلىكتى نازارلارىڭىز بىزدە بولسىن ،تەكشەمىزدى قوسىپ الىڭىزدار
جوعارداعى Basbet دەگەندى باسىپ تەكشەمىزگە تىركەلىپ الىڭىز، ءار كۇن سايىن جاڭا قازاقشا تەلەحيكايالاردى وسى تەكشەدەن توتەلەي كورە الاسىزدار!
تەزىرەك جاڭالانسىن دەسەڭىز بارماق پەن 在看 دى باسىڭىز!
👇👇👇 دوستار اۋماعىنا شىعارىپ، ورتاقتاسىپ وتىرىڭىز!
