贾局长自叹
(南音说唱) 刘荫慈撰曲
刘志光演唱
【南音】
惊得我腾腾震，震到入心！
一自倡廉反腐，我就失去三魂！
因我当局长几年，贪咗好多钱银(仄)
既有珍珠钻戒，又有钞票黄金。
D银纸一箱箱，多到冇地趸，
又唔敢拧去银行存款，
就收埋床下底，都封满灰尘！
对住咁多钱财，赚得有得震时冇得瞓
成世都使唔晒，只赚得个担心！
我只顾住敛财，总唔识谂一谂，
以为钱多係幸福，其实係往绝路行！
【插白】（略）
回念当年，我威到“抆”，
有权有势，个个敬我几分，
揾我批个工程，以百万来贿赠，
你若想升职，千万咪失手神！
我贪得无厌，有权唔贪就笨，
成了只大老虎，难免九死一生，
我又唔想赃款归公，总係心存侥幸
唯望风雷过后，做个漏网之人！
但睇吓形势风头，查处步步加紧，
推进廉政建设，强化反腐败斗争！
中央要“猛药去疴”，要刮骨療毒菌，
【转乙反南音】我若然再顽抗，就会自绝于人民，
【插白】（略）
【秃头南音】唉，越唸越惊心越震，
到处天罗地网冇地藏身，
赶快自首係唯一出路，
眼睇反腐行动正雷厉风行！
我决意坦白退赃，望减轻罪行！
愿在监房之内，悔过自新，
真係失足竟成千古恨，千古恨，
恨当初唔走正路，愧对人民！
