欢迎订阅小号，来第一线吃瓜 ↓↓↓
无线《万千星辉颁奖典礼》将于本月19日假澳门举行，14日一众有份角逐奖项的候选者，包括陈晓华（Hera）、刘颖镟、罗天宇、郭柏妍、杨卓娜等人，齐集记者会为奖项作拉票。
Hera分别有《最佳女配角》、《飞跃进步女艺人》及《马来西亚最喜爱TVB女主角》提名，被问到奖项叫「3飞」，她说：「上年我冇去过颁奖典礼，但好开心可以拍宣传片，个故事讲我作为新人好努力去争取提名，拍时喺场地度有好神奇嘅感觉，所以好想感受吓企喺颁奖台上嘅感觉。」问到最有信心攞哪个奖？她说：「『第4飞嘅《最佳衣着奖》，因为我攞过，有秘诀，衫已准备好，系华丽又有性感，简洁得嚟又有设计感，睇到件衫就会投我票，今次唔系斋性感。」
问到是否对「最佳女配角」奖最大信心？她就话：「咁就好啦，我其实冇乜信心，因为睇到啲候选名单，有《黑色月光》嘅黄翠如，我都有睇佢套剧，真做得好好，觉得每个提名都好值得攞奖，个个都好犀利，（你应攞勤工奖？）系呀，我有剧后呢个名，再加个《勤工剧后奖》就好啦。（对《飞跃进步女艺员》有冇信心？）好多强对手，综艺嗰边有关嘉敏、陈懿德，觉得呢个奖都系鼓励大家努力啦，赞吓大家有进步，其他对手都进步好大。」
她又呻错过机会，因不知《异空感应》会推出，所以在马来西亚宣传今年推出的新剧时，没有为自己拉票，但开心和马来西亚观众见面，并打入《马》奖的10强已很开心及感荣幸。又补充如有奖就开香槟，冇奖会继续努力，不过强调：「我全部奖都想要。」
刘颖镟个人则有一个《最佳女配角》提名，不过还有参演的剧集及主持的奥运节目入围，她说：「我系奥运6星，所以都几期待，知道佢哋制作节目好花心思，所以希望佢哋得奖。」问到可有信心攞《女配角》奖时，她觉得候选对手太犀利，个人投杨卓娜及黄翠如，两人演得好是值得攞奖，所以就算自己陪跑都好开心，况且尚有《最佳衣着》奖可以争取，她希望攞到此有意义的奖项：「我件晚装系骚腿，同埋颜色应未着过。」
问到她心水的「视后」人选？她贪心谓想投姚子羚、杨茜尧、林夏薇及陈自瑶一票，因为她们演的剧，自己全部有追看，又谓：「都唔知观众会投边位，但我想借呢个机会帮张振朗拉吓票，因为我成日同佢讲佢会攞『视帝』，所以希望佢有好成绩，我同佢拍咗新剧叫《夺命提示》，希望今年会播出。」
郭柏妍个人有《最佳女配角》及综艺节目提名，她睇好《黑色月亮》的杨卓娜及黄翠如，还有《巾帼枭雄之悬崖＞的陈晓华，而今年她主力三部拍剧，但有四部未出街，有谓她今年较少曝光，她笑谓：「系咪消失咗？因为我喺内地拍《夫妻的博弈》，但都开心第一次喺内地拍两个月咁耐，返香港都系即日来回，依家深圳啲戏份都完晒，仲冇唔够10日嘅香港戏份。」
她又说今次在内地拍剧可以真正和自己相处，有学习更独立机会，感觉有得着及是次大挑战，望观众看见不一样的自己，未来工作安排就尚未知。可觉得Hera比自己机会更多？她觉得公司好好，畀机会各演员展现自己才能，比较的想法，最紧要赢自己，她说：「我只注重自己嗰part,公司畀咗我同晓华好多唔同机会，佢喺《异空感应》中 1人分饰两角好叻。」又说和Hera曾合作《金式森林》，对方饰演其后母，大家感情好。」
罗天宇表示本身及剧集提名有共11项提名，无奈入到10强只得《最佳男配角》，他说：「觉得呢个战略好好，每年拍10套剧，起码个人有2至3个提名，有主题曲、综艺及剧集，虽然攞奖机会率系低啲，但希望拍多啲剧，我又平，非常抵用，唔加价，仲会减价。」他又谓睇好萧正楠夺《最佳男配角》，尤其是萧正楠：「我4齣剧有4个角色，但佢1套剧就有3个角色系好难，难在每个时段要知演紧乜，要拿捏得好好先得。」而《最佳女配角》，觉得Hera最有机会，除因和她在《巾帼枭雄之悬崖》中饰演夫妻外，亦觉得她大有进步。
谢谢大家，今后也让我们一起愉快吃瓜吧~
