དྲི་མེད་རིག་གནས་སྤྱི་སྟེགས་སུ་ཕེབས་པར་དགའ་བསུ་ཞུ།
Zhimei Literature Pingtai
之美文学平台
ལྟོ་སྐྱ་གོས་ཧྲུལ་གྱོན་པའི་གྲྭ་རྐྱང་ཡིན།།
མངོན་ཤེས་རྫུ་འཕྲུལ་ཅན་གྱི་གྲུབ་ཐོབ་མིན།།
སྐུ་ཚེ་ཆོས་རྭར་ཟད་པའི་གྲྭ་རྐྱང་ཡིན།།
གྲྭ་རྐྱང་འདི་ལྟར་གཤེགས་པར་མྱ་ངན་ཞུ།།
ཐུབ་བསྟན་གསལ་བར་བྱེད་པའི་ཤཱཀྱའི་གཙོ།།
བསྟན་སྲུང་ཞལ་བཞེས་གནང་བའི་སྲུང་མའི་ཚོགས།།
མ་འོངས་གསལ་ལེར་གཟིགས་པའི་བྱང་འཕགས་པ།།
དོན་འདི་གོད་ཆག་ཡིན་པ་མ་གཟིགས་སམ།།
གོད་ཆག་ཟློག་པའི་དྲན་པ་མི་སྐྱེ་འམ།།
འཆད་པ་དམ་ཆོས་སྙིང་བོའི་བཅུད་ལེན་པ།།
རྩོད་པ་མཁས་པའི་དབང་བོའི་ཡིད་འགུགས་མཁན།།
རྩོམ་པ་གནའ་དེང་རིག་པར་བྱང་ཆུབ་པ།།
འཆད་རྩོད་རྩོམ་གསུམ་རྩལ་ལ་དབང་འབྱོར་བ།།
མཁས་དབང་འཇམ་བློ་གཤེགས་ལ་མྱ་ངན་ཞུ།།
ཁྱེད་ནི་དགེ་ལྡན་བསྟན་པའི་སྲོག་ཤིང་སྟེ།།
མཁའ་ལམ་རྒྱུ་སྐར་ཁྲོད་ཀྱི་ཟླ་བ་དང་།།
རིགས་སྨྲ་ཡོངས་ཀྱི་ནང་ནས་ཁྱུ་མཆོག་ཅེས།།
གཟུ་བོར་གནས་པའི་ཚོགས་ཀྱིས་མགྲིན་གཅིག་ཏུ།།
ཁ་བའི་ལྗོངས་འདིར་ཡིག་འབྲུའི་བུ་ཡུག་འཚུབ།།
རྩ་དང་ཟིལ་བའི་ངོས་ན་མྱ་ངན་ཡོད།།
ཁང་སྐྱ་བུ་ཡུག་གསེབ་ན་སྨྲེ་སྔགས་གདའ།།
གྲོང་དང་དགོན་པའི་དཀྱིལ་དུ་ཐལ་མདོག་འཁྱིལ།།
མྱ་ངན་ཐང་ཆེན་འདི་ཡི་སློབ་ཚོགས་ཀྱིས།།
ཨ་ཐང་ཆད་པའི་སྨྲེ་ངག་དགུང་དུ་གཏོར།།
ཞེས་རྫ་སེར་ཤུལ་དགོན་གྱི་དམར་སེར་འདུས་མང་ཡོངས་ཀྱི་གྲལ་མཐའ་རུ་གནས་པ་རྫ་ཆུ་ཤེལ་གྱིས།
གསལ་བཤད།
འཕྲིན་སྟེགས་སུ་ཚོགས་པ་དང་མི་སྒེར་གང་རུང་གི་
ཁེ་དབང་ལ་གནོད་པའི་ནང་དོན་ཡོད་ཚེ་མྱུར་དུ་
འབྲེལ་གཏུགས་བྱོས་དང་དྲྭ་ལམ་ནས་བསུབ་ཆོག
དོ་དམ་པའི་འབྲེལ་གནས།lop098890
