ཡིག་གཟུགས། སོ་ཕག་གཤིབ་འདྲ། དབུ་ཅན་རྣོ་གཟུགས། ལག་བྲིས་སྐུད་གཟུགས།

    མངགས་ཉོ་གནང་ས། 

མི་རྟག་དྲན་པའི་གསུང་མགུར།

རྒྱ་ཆེན་དོན་གཉིས་གྲུབ་པའི་དགའ་སྟོན་ལ་རོལ་བའི།།

མ་འདྲིས་འགྲོ་བའི་རྩ་ལག་ཟས་གཙང་གི་སྲས་པོ།།

མཐའ་དང་ཟད་དུ་མེད་པའི་བྱིན་རླབས་ཀྱི་སྦྲང་ཆར། །

ཐུགས་རྗེའི་ཆུ་འཛིན་འཁྲིགས་པའི་གུར་ཁང་ནས་ཕོབ་ཅིག །

ཐང་ཆེན་ཕ་མཐར་བྲལ་བའི་དུད་སྤྲིན་གྱི་སྤྲིས་མ།།

རྐང་གླིང་སྐད་བརྡ་བསྒྱུར་བའི་རྒྱུས་མེད་ཀྱི་གྲོགས་པོ།།

ཁ་དོག་སྣ་ལྔ་ཤར་བའི་ཞིང་ཆེན་གྱི་རེ་མིག།

སྣང་ཡུལ་གང་ལ་བལྟས་ཀྱང་སྐྱོ་ཉམས་ཤིག་འདུག་པ།།

ཉེ་འབྲེལ་འཁོར་གཡོག་འཛོམས་པ་ཚོང་འདུས་ཀྱི་མགྲོན་པོ།།

སྟོབས་འབྱོར་ཁེངས་དྲེགས་དར་བ་རྨི་ལམ་གྱི་ལོངས་སྤྱོད།།

སྐྱིད་སྡུག་སྤེལ་མའི་ཉམས་མྱོང་དབྱར་དགུན་གྱི་འགྱུར་ལྡོག།

བསམ་ཞིང་མ་བཅོས་ཤུགས་པའི་གླུ་དབྱངས་ཤིག་ཤོར་སོང།།

མེད་ན་ལྟོགས་ཀྱིས་དོགས་པའི་བཟའ་བཏུང་གི་རྩོལ་སྒྲུབ།།

ཡོད་ན་ཟད་ཀྱིས་དོགས་པའི་ཁེ་ཚོང་གི་འདུ་འགོད།།

དོན་ཆུང་ལས་ལ་འབད་པའི་ཕྲེང་གོག་དེ་བགྲང་ནས།།

ཡུན་ཐུང་མི་ཚེ་ཕྲ་མོའི་ཕྲེང་ཐག་དེ་ཟད་སོང༌།།

བྱས་ཀྱང་འཛད་དུས་མེད་པའི་འཇིག་རྟེན་གྱི་བྱ་གཞག།

བྱས་བྱས་ལས་ཀྱི་མཐའ་ལ་ཡི་ཆད་ཀྱི་སྣོན་པ།།

བྱས་ནས་གྲུབ་པར་རློམས་པའི་བདེ་འབྱོར་ཀུན་བསགས་ཀྱང༌།།

སྡུག་བསྔལ་ཕུང་བོ་འདི་ཡི་བཅུ་ཆ་ལས་མི་འདུག།

ཁྲམ་དང་གཡོ་སྒྱུའི་རྩེད་མོ་དགུ་སྒྲིག་ཏུ་བྱས་ཏེ།།

འབད་པ་བརྒྱ་ཡིས་སྒྲུབ་པའི་འཇིག་རྟེན་གྱི་མདུན་མས།།

ཡུན་རིང་བསྒུགས་པའི་མཐའ་ལ་སྟོང་བསླུས་སུ་བྱས་པས།།

ལོ་གསུམ་སྡུག་ལས་བྱས་པའི་ཨ་ཐང་ནི་ཆད་སོང༌།།

འབྱོར་ཚེ་ཉེ་བའི་དྲུང་ན་ཞུད་ཞུད་དུ་འགྲོ་ཞིང༌།།

རྒུད་ཚེ་རིང་བོའི་ས་ནས་མཛུབ་ཀེར་གྱིས་འཕྱ་བ།།

དྲིན་བྱས་དྲིན་དུ་མི་གོ་གྲོགས་ངན་གྱི་གཤིས་ལ།།

བསམ་ཞིང་ངུ་མ་དགོད་ཀྱི་སྣང་བ་ཞིག་ཤར་སོང༌།།

ཤེས་བརྩོན་ཐོས་པ་ཅན་གྱི་ཉམ་ཆུང་གི་ཁ་སྟབས།།

བླུན་པོ་ནོར་རྐྱལ་ཁུར་བའི་དབང་ཤེད་ཀྱིས་བཅོམ་སྟེ།།

ཆོས་མཐུན་བཀུར་སྟིའི་བཞུགས་གྲལ་གོ་ལོག་ཏུ་བསྡེབས་ནས།།

སེང་གེ་ཁྲི་ཡི་གཡོག་ཏུ་གྱུར་ཚུལ་འདི་སྐྱོ་བ།།

ཟིན་མེད་དབྱར་དགུན་དུས་བཞིའི་སོ་ཚིས་ལ་འབད་ནས། །

དོན་མེད་རྣམ་གཡེང་ངང་དུ་མི་ཚེ་ཕྱེད་ཟད་ཀྱང༌། །

ད་དུང་སྣང་མེད་གཞོན་པའི་འཕྱོར་ཉམས་དེ་ཆེ་བ།།

ལུས་རྒས་སེམས་མ་རྒས་པའི་སྣང་ཚུལ་འདི་སྐྱོ་བ།།

ཚོགས་དྲུག་སྣང་བ་ཡུལ་གྱི་མེ་ཏོག་གི་ཐང་དུ།།

གཏད་མེད་རིག་པའི་བུ་ཆུང་ཕར་ཕར་ལ་འཁྱམས་པས།།

དོན་ཆེན་གནས་ལ་སེམས་པའི་དྲན་འདུན་གྱི་ལམ་སྲོལ།།

ད་ལྟ་རྗེས་མེད་བོར་བའི་སྣང་ཚུལ་འདི་སྐྱོ་བ།།

རི་བོ་སྒང་དྲུག་ལྗོངས་ནས་རི་དྭགས་བཞིན་འཁྱམས་ཏེ།།

ཐག་རིང་རྒྱུས་མེད་མི་ཡི་རྒྱལ་ཁམས་སུ་སླེབས་ནས། །

མདོ་མེད་འཕྱོར་མོའི་ཕྱོགས་ལ་སེམས་ཀྱི་གཤིས་ཤོར་ཏེ།།

དྲིན་ཅན་ཕ་མ་བརྗེད་པའི་བུ་རུལ་ང་སྐྱོ་བ།།

མ་རིག་རྣམ་རྟོག་འདྲེ་མོའི་གར་སྟབས་ཀྱི་རྗེས་སུ། །

མི་བདེན་འཁྲུལ་བའི་ཆོས་འདི་ཡོམ་ཡོམ་དུ་གཡོས་པས།།

དེ་རིང་མཐོང་བའི་སྣང་བ་སོང་ཉིན་ནི་བརྗེད་དེ། །

གང་ལ་གཏད་སོ་མེད་པའི་ངང་ཚུལ་འདི་སྐྱོ་བ།།

བལྟས་ན་སྐྱིད་སྐྱིད་འདྲ་བའི་འཇིན་རྟེན་གྱི་ཕུན་ཚོགས།།

ཐོས་ན་རང་རང་སྐབས་ཀྱི་སྡུག་བསྔལ་རེ་འདུག་པ། །

འཕྲལ་སྣང་བདེ་བའི་གནས་སྐབས་རྨི་ལམ་ཙམ་སོང་རྗེས། །

ཅིས་ཀྱང་རང་སེམས་སྐྱོ་བའི་རྐྱེན་སྣ་རེ་འདུག་པ། །

རེ་དོགས་འོག་འགྱུའི་རྣམ་རྟོག་སྡུག་བསྔལ་གྱི་སྐྱུར་རྩི། །

ཤུགས་འབྱུང་དགའ་བའི་ཉམས་ཀྱི་འོ་མ་དང་འདྲེས་པས། །

བཟའ་བཏུང་ལོངས་སྤྱོད་ཕྱི་ཡི་སྐྱིད་ཆས་ཙམ་འགྲིགས་ཀྱང༌།།

བློ་བདེ་གུ་ཡངས་ནང་གི་སྐྱིད་ཉམས་དེ་མི་འདུག །

ཆེ་འདོད་རེ་བའི་གཞི་མ་མེ་ནང་དུ་བསྲེགས་ཤིང༌། །

མི་འདོད་ཁྲལ་གྱི་བཙུན་གཟུགས་ཐལ་དོང་དུ་བསྐྱུར་ཏེ།།

གང་དྲན་སེམས་རྗེས་འབྱུང་བ་སྨྱོན་པ་ཡི་སྤྱོད་པས།།

ལྗོངས་དང་ལྗོངས་སུ་རྒྱུ་བའི་གུ་ཡངས་ཤིག་བྱུང་ན།།

ཚུལ་གསུམ་རྟགས་ཀྱི་རྫོང་གོག་རྨེག་མེད་དུ་བཤུག་ཅིང༌།།

མཐའ་བརྒྱད་དམ་བཅའི་མདུད་པ་རང་ས་རུ་ཆད་དེ།།

གང་ཤར་སྣང་བ་གཞི་མེད་རྩ་བྲལ་དུ་གོ་ནས། །

ཞེ་བློ་གཏིང་ནས་བདེ་བའི་དགའ་སྤྲོ་ཞིག་བྱུང་ནས། །

སྟོང་བ་མཐའ་དབུས་མེད་པའི་འོད་གསལ་གྱི་དབྱིངས་སུ།།

འཛིན་མེད་སེམས་ཀྱི་ངོ་བོ་རོ་གཅིག་ཏུ་ཐིམ་སྟེ།།

རང་མྱོང་བརྗོད་དུ་མེད་པའི་ཟག་མེད་ཀྱི་བདེ་བར། །

ཉིན་དང་མཚན་དུ་སྤྱོད་པའི་སྐལ་བཟང་ཞིག་བྱུང་ན།།

སྣང་བ་མི་རྟག་ཨ་མའི་ངོ་འཛུམ་གྱི་དཀར་ནག།

རེས་སྐྱིད་རེས་སྡུག་རང་ཉམས་རྗེས་དྲན་གྱི་སྐྱོ་གླུ། །

རྒྱུས་མེད་ཕྱི་མའི་ཐང་ཆེན་བྷང་ག་ལའི་ཡུལ་དུ།།

མདོ་སྨད་འཁྱམས་པོ་དགེ་འདུན་ཆོས་འཕེལ་གྱིས་བླངས་སོ།།

ཤར་ཕྱོགས་བྷང་ག་ལའི་ཡུལ་དུ་རིའི་བུ་མོའི་གྲོང་དང་ཉེ་བར་དགེ་འདུན་ཆོས་འཕེལ་གྱིས་བྲིས་པའོ།།

ཀཀཀཀཀཀཀཀཀཀཀཀཀཀཀཀཀཀཀཀཀཀཀཀཀཀཀཀཀཀཀཀཀཀཀཀ

ཁཁཁཁཁཁཁཁཁཁཁཁཁཁཁཁཁཁཁཁཁཁཁཁཁཁཁཁཁཁཁཁཁཁཁཁ

གགགགགགགགགགགགགགགགགགགགགགགགགགགགགགགགགགགག

ངངངངངངངངངངངངངངངངངངངངངངངངངངངངངངངངངངངང

ཅཅཅཅཅཅཅཅཅཅཅཅཅཅཅཅཅཅཅཅཅཅཅཅཅཅཅཅཅཅཅཅཅཅཅཅ

ཆཆཆཆཆཆཆཆཆཆཆཆཆཆཆཆཆཆཆཆཆཆཆཆཆཆཆཆཆཆཆཆཆཆཆཆ

ཇཇཇཇཇཇཇཇཇཇཇཇཇཇཇཇཇཇཇཇཇཇཇཇཇཇཇཇཇཇཇཇཇཇཇཇ

ཉཉཉཉཉཉཉཉཉཉཉཉཉཉཉཉཉཉཉཉཉཉཉཉཉཉཉཉཉཉཉཉཉཉཉཉ

ཏཏཏཏཏཏཏཏཏཏཏཏཏཏཏཏཏཏཏཏཏཏཏཏཏཏཏཏཏཏཏཏཏཏཏ

ཐཐཐཐཐཐཐཐཐཐཐཐཐཐཐཐཐཐཐཐཐཐཐཐཐཐཐཐཐཐཐཐཐཐཐ

དདདདདདདདདདདདདདདདདདདདདདདདདདདདདདདདདདད

ནནནནནནནནནནནནནནནནནནནནནནནནནནནནནནནནནནན

པཔཔཔཔཔཔཔཔཔཔཔཔཔཔཔཔཔཔཔཔཔཔཔཔཔཔཔཔཔཔཔཔཔཔཔ

ཕཕཕཕཕཕཕཕཕཕཕཕཕཕཕཕཕཕཕཕཕཕཕཕཕཕཕཕཕཕཕཕཕཕཕཕ

བབབབབབབབབབབབབབབབབབབབབབབབབབབབབབབབབབབབ

མམམམམམམམམམམམམམམམམམམམམམམམམམམམམམམམམམམ

ཙཙཙཙཙཙཙཙཙཙཙཙཙཙཙཙཙཙཙཙཙཙཙཙཙཙཙཙཙཙཙཙཙཙཙ

ཚཚཚཚཚཚཚཚཚཚཚཚཚཚཚཚཚཚཚཚཚཚཚཚཚཚཚཚཚཚཚཚཚཚཚ

ཛཛཛཛཛཛཛཛཛཛཛཛཛཛཛཛཛཛཛཛཛཛཛཛཛཛཛཛཛཛཛཛཛཛཛ

ཝཝཝཝཝཝཝཝཝཝཝཝཝཝཝཝཝཝཝཝཝཝཝཝཝཝཝཝཝཝཝཝཝ

ཞཞཞཞཞཞཞཞཞཞཞཞཞཞཞཞཞཞཞཞཞཞཞཞཞཞཞཞཞཞཞཞཞཞ

ཟཟཟཟཟཟཟཟཟཟཟཟཟཟཟཟཟཟཟཟཟཟཟཟཟཟཟཟཟཟཟཟཟཟཟཟཟ

འའའའའའའའའའའའའའའའའའའའའའའའའའའའའའའའའའ

ཡཡཡཡཡཡཡཡཡཡཡཡཡཡཡཡཡཡཡཡཡཡཡཡཡཡཡཡཡཡཡཡཡ

རརརརརརརརརརརརརརརརརརརརརརརརརརརརརརརརརརར

ལལལལལལལལལལལལལལལལལལལལལལལལལལལལལལལལལལ

ཤཤཤཤཤཤཤཤཤཤཤཤཤཤཤཤཤཤཤཤཤཤཤཤཤཤཤཤཤཤཤཤཤཤ

སསསསསསསསསསསསསསསསསསསསསསསསསསསསསསསསསསས

ཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧཧ

ཨཨཨཨཨཨཨཨཨཨཨཨཨཨཨཨཨཨཨཨཨཨཨཨཨཨཨཨཨཨཨཨ