澳門日報圖片
被捕內地男外僱,姓謝,40幾歲,報稱喺燒臘店任職廚師。治安警以禁用武器罪將案件移送檢察院偵辦。另一名內地男外僱,50幾歲,報稱建築公司職員。
本星期一深夜11時幾,治安警接報指道咩卑利士街有人持有武器,立即派員到場,發現案中2名外僱以及1名在場調解嘅本地男子,3人為朋友關係。經調查,該名男外僱當晚約8點與多名朋友包括同是外僱嘅事主喺連勝街某食店食飯時,兩人因飲酒口角。
至深夜約11點時,兩人相約到道咩卑利士街講數,期間突有一把菜刀從疑人腰間跌落地下,事主因擔心自身安危,立即報警。
經查問,該男外僱供稱因對方身材大隻,到場講數前先喺燒臘店拿把菜刀作自衛,聲稱從來冇打算用菜刀威嚇他人或用作傷人。
來源:澳門日報及網絡等