བོད་རང་སྐྱོང་ལྗོངས་ཀྱི་མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་ཁུལ་འཛུགས་གཏོད་བྱེད་རྒྱུའི་སྲོལ་ཡིག
ལེའུ་ལྔ་པ། འཛུགས་གཏོད་དང་གཟེངས་བསྟོད།
དོན་ཚན་སོ་གཅིག་པ། རིམ་ཁག་མི་དམངས་སྲིད་གཞུང་གིས་ངེས་པར་དུ་མི་རིགས་མཐུན་སྒྲིལ་ཡར་ཐོན་འཛུགས་གཏོད་བྱེད་སྒོ་དེ་ལས་ཁུངས་དང་། ཁེ་ལས། སྡེ་ཁུལ། ཤང་གྲོང་རྡལ། གྲོང་ཚོ་གྲོང་ལྷན། སློབ་གྲྭ། དམག་དཔུང་། ཆོས་ལུགས་བྱེད་སྒོ་སྤེལ་གནས་སོགས་སུ་སྤེལ་རྒྱུར་སྐུལ་འདེད་གཏོང་དགོས་པ་དང་དཔེ་བཟང་གི་ས་གནས（གྲོང་ཁྱེར）དང་། དཔེ་བཟང་གི་རྫོང་（ཆུས）དཔེ་བཟང་གི་ཤང་གྲོང་རྡལ（ཁྲོམ་གཞུང་）དཔེ་བཟང་གི་གྲོང་ཚོ་གྲོང་ལྷན། དཔེ་བཟང་གི་སྡེ་ཁུལ། དཔེ་བཟང་གི་ཚན་པ་བཅས་འཛུགས་གཏོད་དང་། དཔེ་བཟང་མཉམ་སྡེབ་དང་དཔེ་བཟང་མི་སྒེར་ལ་གཟེངས་བསྟོད་བྱེད་རྒྱུ་སྒྲིག་འཛུགས་བྱེད་དགོས།
དོན་ཚན་སོ་གཉིས་པ། མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་གི་ས་གནས（གྲོང་ཁྱེར）དང་། དཔེ་བཟང་གི་རྫོང་（ཆུས）དཔེ་བཟང་གི་ཤང་གྲོང་རྡལ（ཁྲོམ་གཞུང་）དཔེ་བཟང་གི་གྲོང་ཚོ་གྲོང་ལྷན། དཔེ་བཟང་གི་སྡེ་ཁུལ་བཅས་ལ་ངེས་པར་དུ་གཤམ་གསལ་གྱི་གཞི་རྩའི་ཆ་རྐྱེན་འཛོམས་དགོས་པ་སྟེ།
（གཅིག）དར་ཆ་གསལ་སྟོན་གྱིས་ཁ་ཕྲལ་ལ་ངོ་རྒོལ་བྱས་ཏེ། མེས་རྒྱལ་གོང་བུ་གཅིག་གྱུར་དང་། མི་རིགས་མཐུན་སྒྲིལ་སྲ་བརྟན། སྤྱི་ཚོགས་ཞི་མཐུན་བརྟན་ལྷིང་བཅས་ལ་སྲུང་སྐྱོང་མཐའ་གཅིག་ཏུ་བྱེད་པ།
（གཉིས）ཏང་དང་རྒྱལ་ཁབ་ཀྱི་མི་རིགས་སྲིད་ཇུས་དང་། བཅའ་ཁྲིམས། ཁྲིམས་སྲོལ་ཕྱོགས་བཅས་ཕྱོགས་ཡོངས་ནས་དོན་འཁྱོལ་བྱེད་པ།
（གསུམ）མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་འཛུགས་གཏོད་བྱེད་པའི་ལས་ཀའི་རྩ་འཛུགས་ལས་ཁུངས་ཚགས་ཚུད་དང་རྒྱུན་རྣམ་ཅན་གྱི་སྒྲིག་སྲོལ་ལམ་སྲོལ་འཐུས་ཚང་ཡིན་པ།
（བཞི）འཕེལ་རྒྱས་ཀྱི་བསམ་གཞི་གསར་པ་ལག་བསྟར་དོན་འཁྱོལ་བྱས་ནས་གྲོང་གསེབ་དར་རྒྱས་ཀྱི་འཐབ་ཇུས་དང་། མཐའ་དར་དམངས་ཕྱུག་གི་བྱ་སྤྱོད། དེ་བཞིན་གྲོང་ཁྱེར་དང་གྲོང་གསེབ་མཉམ་འདྲེས་ཐོག་འཕེལ་རྒྱས་སོགས་ཀྱི་སྲིད་ཇུས་བྱ་ཐབས་ལག་བསྟར་ཧུར་ཐག་བྱས་ནས་ཁུལ་ཁོངས་དེ་གའི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་གཏོང་རྒྱུར་སྐུལ་འདེད་བཏང་སྟེ་མི་རིགས་ཁག་ཁག་གི་མང་ཚོགས་ཀྱི་ཡོང་འབབ་རྒྱུན་མཐུད་འཕར་སྣོན་མགྱོགས་པོ་ཡོང་བ་དང་མི་དམངས་ཀྱི་འཚོ་བ་ཟམ་མི་ཆད་པར་ལེགས་སུ་གཏོང་བ།
（ལྔ）གཞི་རྩའི་སྤྱི་པའི་ཞབས་ཞུའི་མ་ལག་འཐུས་སྒོ་ཚང་དུ་བཏང་སྟེ། གཞི་རྩའི་སྤྱི་པའི་ཞབས་ཞུ་འདྲ་མཉམ་ཅན་དང་ཁྱབ་མཉམ་རང་བཞིན་ལ་སྐུལ་འདེད་གཏོང་བ།
网信羌塘
主审：柳跟象
审编：旦珍
编辑：才白玛
来源：西藏自治区民族事务委员会
