钥匙萌可系列 发明萌可
乐活
2025-01-27 20:01
广东
又推迟更新。无办法，塞鬼咗条下水道，两日通咗3次屎渠……呢条内容会唔会被举报恶心低俗？本期介绍嘅系发明萌可，系第四季第9集登场。中意发明药剂，然后洒系地上，如果有两个或以上嘅目标踩中咗药水，佢哋就会互换身体。发明萌可嘅钥匙系锥形烧瓶钥匙，代表元素系发明，代表职业系巫师加科学家。随身物系烧瓶以及魔法杖，口头禅系“发明”。造型有D似魔法师，搞到我一开始记错以为系魔法萌可。双手分别拿住魔杖以及烧瓶，双持。专属卡牌。唔知道系咪绘图系唔系镜像化咗，因为双手手持嘅道具调转咗。锥形烧瓶钥匙比较特别，我呢个化学生比较有爱。之所以今次详细介绍钥匙盒，系因为呢张背景图好搭，都系实验室嘅背景图。虽然上面嘅有机化学式我都up唔出来系乜。其实呢种套装都有附送锁状二维码小卡片，只不过几位主角皇室萌可系单独裁剪好嘅厚卡纸，而套装里面系需要自己系底板纸上面按虚线裁剪出来，而且非常薄，好容易烂。
