ءناپسىنىڭ قۇلى نەمەسە قايىنىسىن ولتىرگەن كەلىنشەك…

..................................................................................

中华民族是一个伟大的民族，爱国主义精神是我们这个民族最美的花朵，爱国，是一个神圣的字眼，在历史发展的曲折过程中，爱国主义历来是我国人民所崇尚的。维护民族团结，建设和谐家园！中华民族是一个伟大的民族，爱国主义精神是我们这个民族最美的花朵，维护民族团结，建设和谐家园！！

~~~~~~~👇👇👇👇👇🙏🙏🙏🙏👇👇👇👇👇~~~~~~

ءناپسىنىڭ قۇلى نەمەسە قايىنىسىن  ولتىرگەن كەلىنشەك…

كۇزدىڭ قوڭىر سالقىن  اۋاسى بويىن سەرگىتىپ، ويىن سەرپىلتە قالعان بەرىكبول  ەتەكتە  جەر قايىسىپ جايىلىپ جاتقان قوي تۇلىگىنە قاراپ ەدى،  وزىنەن- ءوزى بويىن ءبىر  ماقتانىش سەزىمى كەرنەي باستادى.  

- پا،  شىركىن!  وسىنشاما باي- داۋلەتتىڭ يەسى بولۋ قانداي باقىت ەدى، مىنا  عالامدا مەندەي باسىنا باقىت قۇسى قونعان  جان ساۋساقپەن سانارلىق شىعار، ءسىرا،  -  دەپ كەرىلە سوزىلىپ ورنىنان تۇردى.  وتىرىپ الىپ  كوز جۇگىرتكەننەن گورى، قورالى مالعا تۇرەگەلىپ تۇرىپ، توبەسىنەن قاراعان كوڭىلگە انا عۇرلىم توق سەزىلەدى عوي.  بەرىكبولدىڭ بۇل  تۇرىسى بويىن كەرنەگەن الگى ماقتانىش سەزىمىن قامشىلاي ءتۇسۋى ءۇشىن  ەدى.  - راسىندا دا،  مول- اق!  … ھا!  ھا! ھا!…-  دەپ بەتىن باتىستان سوققان كەشتىڭ سامالىنا توسىپ، قۇلاشىن جايىپ كەڭ تىنىستادى.  ول ارتىنان كەلىپ  قالعان ايەلى جاينانى كورگەن جوق  ەدى.  سەزىمىنە ەرىك بەرىپ، ساندىرىقتاپ سويلەي بەردى.  

- جەر الەمنىڭ جاناشىرى- كۇن، سەن ماعان قاراشى!  مەن قانداي باقىتتى جارالعان جانمىن.  ءدال وسى توڭىرەكتە قويى مىڭعا جەتكەن، قوس- قوستان كولىگى، قورجىن تولى اقشاسى بار ەشكىم جوق.  وسى بايلىق مەندە عانا.  مەندە!!!  - دەدى ول.  

-  ەندى سەنىڭ جىندى بولۋىڭ عانا  قالىپ ەدى!  ساۋاپ بوپتى!  - دەدى جاينا قاتقىل ۇنمەن دۇرسە قويا بەرىپ.  

- قۇداي ساقتاسىن!  - دەپ تۇلا بويىمەن سەلىك ەتكەن  -  بەرىكبول ارتىنا جالت قارادى.  ەكى مىقىنىن تايانىپ، سۇپ- سۇرى بولىپ  تۇرعان ايەلىن كورگەندە، قاسىنا جەتىپ كەلگەن جىن- شايتان نەمەسە بوتەن بىرەۋ بولماعانىنا ىشتەي قۋاندى.  دەسە دە، بويىن قورقىنىش ەمدى  دارمەنسىزدىك بيلەي باستادى.  

-  سەنبسىڭ تاعى؟  - دەدى ايەلىنە مىڭگىرلەپ.  -  ە،  ە… مەن بولسام نە بوپتى؟  قاسىڭدا ءجۇرىپ  تاقياڭا تار كەلدىم بە، قۋ جىندى !  ساعان بەكەر بوسقا ساندىراقتاعاندى قوي دەپ قاشانعى ايتا بەرەم.  ەم قونباس اقىماق!   - دەپ بەرىكبولعا قاباتىن يتشە شەبەلەنە جاقىنداپ، سۇق قولىن شوشايتىپ الىپ، توڭىرەكتە جايىلىپ جاتقان مالدى نۇسقاي سويلەدى،

- بۇل  قايداعى  سەنىڭ بايلىعىڭ؟!  

سەن  بىرەۋدىڭ  قارا  تابان قويشىسىسىڭ، ءبىلدىڭ بە؟!  - دەدى كۇيەۋىن  جۇلىپ الارداي دولدانىپ، تىستەنە جاقىنداپ.  - قويساڭشى!  - دەدى بەرىكبول ەستىلەر ەستىلمەس ۇنمەن كىبىرتىكتەپ.  - قويمايمىن!  

سەن كىم ەدىڭ ماعان قوي دەيتىندەي!  الدىمەن ءوزىڭدى جونگە سالىپ  الىپ، سوسىن ماعان اقىل ايت  ءبىلدىڭ بە، مالعۇن!  قاشانعى ساعان جايما- شۋاقتاپ ايتا بەرەم.  ساعان وسى مىنەزىم كەرەك، وسى مىنەزىم!  سەنىڭ  مىجىمالىعىڭ مەنى وسى كۇيگە جەتكىزگەن!  - دەدى جاينا وزىنە جاقىنداپ كەلىپ، شىنتاعىنان تارتقان بەرىكبولدىڭ  قولىن  سىلكە   بۇلقىنىپ…

- جاينا، بار جوعى ءبىر  اكەدەن ەكى-اق بالامىز.  ورتاسىنان تەڭ ءبولىپ  الساق تا جەتپەي مە مىنە سوعۇرشا كوپ مال،  - دەپ تۇسىندىرە باستاپ ەدى.  - تاۋسىلىپ بولمايتىن مىلجىڭىڭدى تاعى باستادىڭ با؟  

شارشادىم وسى سوزدەرىڭنەن!  - دەپ بەرىكبولدىڭ  ءسوزىن تيىپ تاستادى دا،  -  اكەڭ ۇنەمى نە دەيتىنىن بىلەمىسىڭ؟   -  دەددى بەرىكبولعا بەجىرەيە سۇراق قويىپ.   - اكەم نە دەۋشى ەدى؟  -  دەپ  بەرىكبول اڭتارىلا ايەلىنە قارادى.  جاڭاعىداي ەمەس ساباسىنا تۇسە  قالعان جاينا بۇل  جولى بۇلقىنباي، جۇلقىنباي جاۋاپ قاتتى.  دەسەدە، كوزىن سىعىرايتىپ، اۋزىن بۇرىستىرە شوشايتىپ، كەلەمەج كەسكىنمەن:  -  اكەڭ ۇنەمى « وسى مال سەرىكبولىما بىتكەن مال» دەپ وتىرادى عوي  ، راس پا؟  -  دەدى.  

- ءيا، راس.  دەسە نە بوپتى؟  … ءىنىم دۇنيەگە كەلگەنگە دەيىن وتباسىمىز كەدەي بولىپتى.  سەرىكبول  تۋىلعان سوڭ اياق استىنان مالىمىز وسە باستاپتى.  وندا تۇرعان نە بار،- دەدى  بەرىكبول  جايناعا  سۇراۋلى كوزىن قاداپ.  

- سەن ناعىز سۋ ميسىڭ ءبىلدىڭ بە؟  !  ەم قونباس سۋ ميسىڭ!!!  - دەپ جاينا قايتا بۋىرقانىپ،- ساعان سويلەگەننەن، ەشكىنىڭ قۇلاعىنا دومبىرا شەرتكەن  انا عۇرلىم ءتيىمدى،  - دەدى دولدانا بۋىلىعىپ.  - ال،  ال… القيسساڭدى تاعى باستادىڭ با؟!  ايتەۋىر، ساعان  ءبىر  جاقپادىم عوي.  سوندا ماعان  نە ىستە دەمەكسىڭ؟  -دەدى بەرىكبول جاينا باسىن ءبىر  جاعىنا قىلجيتىپ، ەرىنىن جىمىرا، قاسىن كەردى.  سوسىن ەكى ساۋساعىن شوشايتىپ:  - قۇلاعىم تىنىش بولسىن  دەسەڭ، ەكى شارتىم بار،  ەكى- اق.  سونىڭ ءبىرىن تاڭدا،  - دەدى.  

- ايت ەندەشە؟!  ونسىز دا تىنىشتىعى جوق قۇلاعىم سەندە!  - دەدى بەرىكبول  جايناعا بەتىن بۇرىپ.  جاينا يىعىن قوزعاپ، كەڭ تىنىستاپ الىپ، كۋيەۋىنە:  - ءبىرىنشى شارتىم- ءبىز تەز ارادا بولەك وتاۋ بولىپ  شىعامىز.  

باسقا جاققا قونىس اۋدارامىز.  سول  ءۇشىن  اكەڭنىڭ كوزى تىرىسىندە مالدى ەكىگە ءبولىپ، كوبىن ءبىز الىپ  كەتەمىز.  ەكىنشى شارتىم- ەنشى المايتىن شارت.  ونىڭ ەسەبى ءوز ىشىمدە بولادى،- دەدى.  - سەن  نەمەنە اۋزىڭا كەلگەندى كوكىپ  تۇرسىڭ!  ءىنىم ۇيلەنبەي تۇرىپ قالاي عانا مەن ەنشى الىپ، بولەك كەتپەكپىن.  سوندا ماعان اكەڭدى توناپ، جۇرتقا تاستاپ كەت دەمەكپسىڭ؟!  - دەدى بەرىكبول  كوزىن الايتىپ، سۇستى بەينەمەن جايناعا جاقىنداپ.  

- ءسوزدى بۇرمالاما!  مەن ساعان تونا دەپ تۇرعان جوقپىن.  ءوزىڭ  شىعارسىڭ توناعىسى كەلىپ جۇرگەن!  - دەدى جاينا ءمىز باقپاستان.  وسى ساتتە باسىن قوس قولداپ قۇشاقتاپ، وتىرا كەتكەن بەرىكبول:  - اتتەڭ، قايران باسىم قور بولدىڭ عوي!  ابدەن قاتىردى عوي  مىنا اشكوز،- دەپ جىلامسىرادى.

- مەنىڭ ارتىمنان قالماي جۇگىرىپ ءجۇرىپ  الىپ ەدىڭ عوي.  قانە باقىتتى قىلامىن دەگەنىڭ، وسى ما ماعان سيلاعان  باقىتىڭ؟   -  دەپ جاينا جۇرە سويلەدى.  -  وسىدان  ارتىق ساعان نە كەرەك؟   ىشكەنىڭ الدىڭدا،  ىشپەگەنىڭ ارتىڭدا، نە كيەم، نە ىشەم دەپ جاتقان جوقسىڭ.  وسىعان دا قاناعات ەتسەڭشى.  ۇرەرگە ءيتى، سىعارعا ءبيتى جوق  تاقىر كەدەيدىڭ قىزى ەكەنىڭدى ۇمىتىپ قالدىڭ با؟  !  

ارمانداما بولەك كەتكەندى!  - دەدى بەرىكبول، اشۋ ۇستىندە  بويىنا جىگەر ءبىتىپ، كەسكىن سويلەپ.  - تارت ءتىلىڭدى!!!  - دەپ شاڭق ەتكەن جاينا،- كورسەتەم  ساعان ءالى كورەسىنى!  سەنىڭ باي بولعان ءتۇرىڭ قۇرسىن.  بىرەۋدىڭ مالىن مالدانعان سورلى…  دەمەك مەنىڭ  ەكىنشى شارتىمدى قابىلداعانىڭ عوي.  

جارايدى، ونى دا ۋاقىت كورسەتەدى،- دەپ ەتەككە قاراي جۇگىرە باسىپ، جونەلە بەردى.  جاي كەتكەن جوق.  

بەرىكبولعا قولىنداعى تاس قيىرشىقتارىن شاشىپ،  جاندارىنا جەتىپ كەلگەن جەمقور قارا ساۋلىقتى باسىنان تەبە كەتتى.  - ەي، مالدى تەپپە، كيەسى اتادى!  - دەپ داۋىسىن كوتەرە زەكىگەن بەرىكبول،- مىنا نەمەنىڭ ىرىمى جامان، نيەتى تىم تارىلىپ  بارادى،  باسىنان باق تايايىن دەپ جۇرگەن سورلى عوي،- دەپ كۇڭكىلدەدى.  - مالىڭنىڭ كيەسىنىڭ باسىنا تىشتىم!  اتپاق تۇگىلى اتسىن، مىنە ەندەشە!  - دەپ جاينا جايىلىپ تۇرعان ءبىر  توقتىعا اياعىن سەرمەدى.ءبىراق، اساۋ توقتى شايپاۋ قاتىننىڭ اياعىن بويىنا دارىتپادى، سەكىرە قاشتى.  قويدىڭ شەتى توقتىمەن بىرگە ۇركە ءتۇرىلدى.  - قاپ!  مىنانى اي- ءا!  

جايىلىپ  جاتقان مالدىڭ مازاسىن الىپ،- دەپ توبە ۇستىندە بەرىكبول  باياۋعانا ءۇن قاتىپ قالا بەردى.  جاينا اۋزى دامىك الماعان بويدا دولدانا سويلەپ، ەتەككە ءتۇسىپ كەتتى.  وسى اڭگىمە  ارالارىندا نەشە مارتە قايتالانىپ ايتىلسا دا، بەرىكبول  ءىنىسى ۇيلەنبەي تۇرىپ مالدىڭ كوبىن الىپ، بولەك كەتەيىك دەگەن جاينانىڭ شارتىنا ءۇزىلدى- كەسىلدى قارسى بولدى.  بۇل  شارتتاردى قىزىنىڭ اۋزىنا سالىپ بەرىپ، پەردە ارتىندا جاسىرىنىپ وتىرعان قايىن ەنەسى ەكەنىن دە بەرىكبول  جاقسى ءبىلىپ  ءجۇردى.  سەرىكبول  - بەرىكبولعا قاراعاندا ءسال ەركە توتايلاۋ وسكەن.  

اكەسى « ىرىسىمنىڭ الدى»  دەپ ىرىمداپ، ماڭدايىنان قاقپاي وسىرگەننەن دە بولار،  مالعا ونشا جاقىن ەمەس- ءتى.  ءارى، بويداق بولعان سوڭ جاستىقتىڭ جەلىگىنە دە ەرىك بەرىپ،  قۇربى- قۇرداستارىمەن ءسان- سالتانات، ساۋىق قۇرىپ كەتەتىن.  كەيدە ايلاپ، اپتالاپ ۇيگە  قونباي، اعايىن- تۋىستاردىڭ ءوزى تەتەلەس ۇلدارىنىڭ قاسىندا ءجۇرىپ  قالاتىن.  اكەسى تىيىم سالماعان سوڭ،  بەرىكبول  دا ارتىنان ەرگەن جالعىز ىنىسىنە توسقاۋىل قويىپ جاتپايتىن.  

قايتا،« مەن كورمەگەن قىزىقتى وسى كورسىنشى»  - دەپ وتىرۋشى ەدى.جاينانىڭ ىرىڭ-جىرىڭى باستالعالى بەرى سەرىكبول  ۇيدە بولماعان. بەرىكبول  ىشتەي «جەڭگەسىن جونگە سالىپ العانىمشا ءىنىمنىڭ كەلمەي تۇرا تۇرعانى دا ءجون  بولدى»  دەپ جۇرگەن.  الايدا، سەرىكبول  كەشىككەن سايىن،  جاينانىڭ  ىدىس- اياق  سىلدىرلاتۋى  سيرەگەننىڭ، باسىلعاننىڭ ورنىنا جيىلەي ءتۇستى. وعان سەبەپ تە جوق  ەمەس.  جاينانىڭ  شەشەسى ارت- ارتىنان ءۇش- ءتۇرت رەت كەلىپ ۇلگەرگەن.  

كۇن جاڭبىرلى بولىپ،  بەرىكبول  مالدى قوراعا زورعا دەگەندە ايداپ جەتكەنى سول  ەدى.  الدىنان كىشكەنە ۇلى جۇگىرىپ شىقتى:  - اكە، اكە!  كەنجە اعام كەلدى، ءدال قازىر ءتور الدىندا دومالانىپ اۋىرىپ جاتىر،- دەدى.  

بەرىكبولدىڭ بالالارى اۋىل بالالارىنا قوسىلىپ،  سەرىكبولدى كەنجە اعا دەيتىن.  بەرىكبول   ءىنىسىنىڭ كەلگەنىنە قۋانىپ قالسا دا، اۋىرىپ جاتقانىن ەستىپ ابىرجىپ قالدى.  

مالدى اسىعىس قورالادى دا، كىشى ۇلىن قولىنان جەتەلەپ، ۇيگە  جۇگىرە باسىپ جەتتى.  اكەسى تاڭەرتەڭ  ەرتە بازارشىلاپ كەتكەن ەدى.  ءالى كەلمەپتى.  ءتور الدىندا ءىشىن قوس قولىمەن شەڭبەكتەپ سەرىكبول  جاتىر.  تۇرى قاشىپ، كوز جانارى وشكىندەپ كەتكەن.  لوقسيدى.  اۋزى كوبىرشيدى.   قۇسا المايدى.  بەتى ءبىر  قىزارىپ،  ءبىر  قۋارادى.  اعاسىنا سالەم بەرۋگە دە  شاماسى كەلمەدى.  ءتىلى كۇرمەلىپ قالعان سياقتى.  كوزبەن عانا يشارا جاسادى.  ءبىر  سۇمدىقتىڭ بولعانىن ءىشى سەزگەن بەرىكبول:  - ارتىمنان ەرگەن جالعىزىم-اۋ، جانىم- اۋ!  ساعان نە بولدى؟!  - دەپ كەڭكىلدەپ جىلاي كەلىپ، سەرىكبولدى قۇشاقتاي الدى.  ءىنىسى باسىن شايقادى.  جىلاما دەگەنى، ءيا بولماسا، ادام بولمايمىن دەگەنى بەلگىسىز.   بۇنى كورگەندە  بەرىكبول  تىپتەن وكىرىپ قويا بەردى.  وسى كەزدە ىدىس-اياق جاقتا جۇرگەن ايەلى- جاينا ......

تولعىن     تومەندەگى     جازۋدىڭ   ۇستىن    باسىپ    تولعىن    كورىڭىز        

             ءناپسىنىڭ قۇلى نەمەسە قايىنىسىن ولتىرگەن كەلىنشەك…