ས་དགའ་རྫོང་གིས་༢༠༢༥ལོར་གྲོང་ཁྱེར་དང་གྲོང་རྡལ་གྱི་སྡོད་ཁང་འགན་ལེན་ཁྱིམ་ཚང་གི་བོགས་གཏོང་ཁ་གསབ་དངུལ་རེ་ཞུའི་སྤྱི་བསྒྲགས།ས་དགའ་རྫོང་གི་གྲོང་ཁྱེར་དང་གྲོང་རྡལ་གྱི་སྡོད་ཁང་འགན་སྲུང་གི་ཁྱིམ་ཚང་མི་སྣ།གྲོང་ཁྱེར་དང་གྲོང་རྡལ་གྱི་སྡོད་ཁང་འགན་སྲུང་ཁྱིམ་ཚང་གི་དགོས་མཁོ་སྐོང་ཆེད།རང་རེའི་ཅུས་ཀྱིས་ལོ་འཁོར་གྱི་བོགས་གཏོང་ཁ་གསབ་སྤྲོད་གྲབས་ཡོད།ད་རེས་ཀྱི་བོགས་གཏོང་ཁ་གསབ་རེ་ཞུ་བྱེད་མཁན་ཁྱིམ་ཚང་ངམ་མི་སྒེར་ལ་དུས་གཅིག་ཏུ་གཤམ་གྱི་རེ་ཞུའི་ཆ་རྐྱེན་འཛོམས་དགོས་པ་མ་ཟད།གནས་སའི་ཤང（གྲོང་རྡལ）དང་།གྲོང་ཚོའི་དཔང་ཡི་གཐེམ་ཐོའི་མ་ཡིག（བསྐྱར་དཔེ）རེ་འདུན་ཞུ་མཁན་དང་དེ་བཞིན་ཁྱིམ་མིའི་ཐོབ་ཐང་ལག་ཁྱེར་གྱི་བསྐྱར་དཔེ།མི་སྒེར་གྱི་འདུན་ཞུ།ཁང་པ་བོགས་གཏོང་གན་རྒྱ（ངེས་པར་དུ་དངོས་གཞིའི་གློག་རྡུལ་པར་གཞིའི་གན་རྒྱ་）དང་ཡོང་འབབ་དམའ་བའི་ཁྱིམ་ཚང་གི་ངོ་སྤྲོད་ཡིག་ཆ་སོགས་འབྲེལ་ཡོད་རེ་ཞུའི་ཡིག་ཆ་༢༠༢༤ལོའི་ཟླ་༢པའི་ཚེས་༡༡ཉིན་གོང་ལ་ས་དགའ་རྫོང་སྡོད་ཁང་དང་གྲོང་ཁྱེར་གྲོང་གསེབ་འཛུགས་སྐྲུན་ཅུས་ལ་བསྐྱལ་དགོས། གྲོང་ཁྱེར་དང་གྲོང་རྡལ་གྱི་སྡོད་ཁང་འགན་སྲུང་ཁྱིམ་ཚང་གི་ཡོང་འབབ་ཚད་གཞི་ནི་ཁྱིམ་ཚང་གི་མི་རེའི་ཆ་སྙོམས་ཡོང་འབབ་རང་སྐྱོང་ལྗོངས་ཀྱིས་ཁྱབ་བསྒྲགས་བྱས་པའི་གྲོང་ཁྱེར་དང་གྲོང་རྡལ་གྱི་གྲོང་མིའི་ཁྱིམ་ཚང་གི་མི་རེའི་ཆ་སྙོམས་ཡོང་འབབ་ཟླ་རེར་བཀོལ་སྤྱོད་ཆོག་པའི་ཡོང་འབབ་ཚད་གཞི་ལས་མི་བརྒལ་བ་བྱེད་དགོས།（ལོ་འཁོར་གོང་མའི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་ལྟར་རྩིས་རྒྱག་རྒྱུ།）གཅིག། གནས་དེ་གའི་གྲོང་ཁྱེར་དང་གྲོང་རྡལ་གྱི་ཐེམ་ཐོ་ཡིན་པའི་ཡུལ་མིས་བོགས་མར་གཏོང་ལེན་གྱི་ཁ་གསབ་རེ་ཞུ་བྱེད་སྐབས་གཤམ་གསལ་གྱི་ཆ་རྐྱེན་དང་མཐུན་དགོས་པ་སྟེ།
༡ཁྱིམ་ཚང་གི་ཡོང་འབབ་གྲོང་ཁྱེར་དང་གྲོང་རྡལ་གྱི་སྡོད་ཁང་འགན་སྲུང་ཁྱིམ་ཚང་གི་ཡོང་འབབ་ཚད་གཞི་ལས་མི་བརྒལ་བ།（མི་རེར་ཟླ་རེར་ཡོང་འབབ་སྒོར་༡༨༥༠ལས་མི་བརྒལ་བ།）རེ་ཞུ་བྱེད་མཁན་དང་ཐུན་མོང་ཐོག་རེ་ཞུ་བྱེད་མཁན་ཁྱིམ་ཚང་གི་ཁོངས་མིར་འཕྲུལ་སྒུལ་འཁོར་རིགས（དབང་པོ་སྐྱོན་ཅན་གྱི་རླངས་འཁོར་ཚུད་མེད）དང་ཁྱིམ་ཚང་གི་རྒྱུ་ནོར་༧༠ཡི་ཚོང་ཟོག་སྡོད་ཁང་དཀྱུས་མའི་རིན་གོང་བསྡོམས་འབོར་གྱི་ ༣༠％ལས་མི་བརྒལ་བ་བྱ་རྒྱུ་རེད།༢ ཁྱིམ་ཚང་རང་ལ་དབང་བའི་སྡོད་ཁང་གི་རྒྱ་ཁྱོན་ལ་སྨི་གྲུ་བཞི་མ་༡༥ལས་བརྒལ་མི་ཆོག་པའམ།ཡང་ན་ས་གནས་དེ་གའི་གྲོང་ཁྱེར་དང་གྲོང་རྡལ་གྱི་ཁང་པ་གླས་ནས་སྡོད་པ་མ་ཟད།ཁང་པ་བོགས་མར་གཏོང་ལེན་གྱི་ཐོ་འགོད་སྙན་སེང་ཡང་ཞུ་དགོས་ཤིང་།དེ་མིན་གྱི་རྣམ་པ་གཞན་དག་གི་སྡོད་ཁང་འགན་སྲུང་ལོངས་སྤྱོད་བྱས་མེད།༣ རེ་འདུན་ཞུ་མཁན་གཙོ་བོ།ས་གནས་དེ་གའི་གྲོང་ཁྱེར་དང་གྲོང་རྡལ་གྱི་ཐེམ་ཐོ་ཡོད་དགོས་པ་མ་ཟད།དངོས་སུ་གནས་སྡོད་བྱེད་དགོས་པ་དང་།ཁྱིམ་ཚང་གི་ཁོངས་མིའི་ནང་ཉུང་མཐར་ཡང་མི་༡ལ་ས་གནས་དེ་གའི་གྲོང་ཁྱེར་དང་གྲོང་རྡལ་གྱི་ཐེམ་ཐོ་ལོ་གསུམ་ཡན་རག་དགོས།༤ ཁྱིམ་ཚང་གི་ཁོངས་མིའི་བར་དུ་ཁྲིམས་བཀོད་ཀྱི་ཞབས་ཏོག་ཞུ་བ་དང་།གསོ་སྐྱོང་བྱེད་པའམ་གསོ་སྐྱོང་བྱེད་པའི་འབྲེལ་བ་ཡོད།གཉིས། ཁེར་རྐྱང་གི་སྡོད་དམངས་ཀྱིས་རེ་འདུན་ཞུས་པར་གཤམ་གྱི་ཆ་རྐྱེན་དག་ཚང་དགོས།
༡ རེ་འདུན་ཞུ་མཁན་ལོ་༣༥ཟིན་པ།༢ རེ་འདུན་ཞུ་མཁན་ནི་རང་ལོ་༡༨ལ་སླེབས་པའི་མ་མཐའི་འཚོ་བའི་འགན་སྲུང་མི་སྣའམ་ཡང་ན་གཟིགས་སྐྱོང་དང་།སྔོན་གཤེགས་དཔའ་བོའི་ཁྱིམ་མི།མི་ཧྲེང་རྒན་འཁོགས།དྭ་ཕྲུག་དང་དབང་པོ་སྐྱོན་ཅན་སོགས་དམིགས་བསལ་དཀའ་ངལ་ཡོད་པའི་འཚོ་སྐྱོང་བྱ་ཡུལ་ཡིན།༣ རེ་འདུན་ཞུ་མཁན་གྱིས་ས་གནས་དེ་གའི་གྲོང་ཁྱེར་དང་གྲོང་རྡལ་དུ་ལས་ཞུགས་བརྟན་པོ་དང་མི་དགོས་མཁན་སྡེ་ཚན་དང་ངལ་རྩོལ་（གདན་ཞུ་）གན་རྒྱ་བཞག་པ་མ་ཟད་གྲོང་ཁྱེར་དང་གྲོང་རྡལ་གྱི་ལས་བཟོ་པའི་སྤྱི་ཚོགས་འགན་བཅོལ་ཡང་འཇལ་དགོས།གསུམ། ལས་ཞུགས་བརྟན་པོ་དང་ཕྱི་ནས་ཡོང་བའི་གླ་པར་བོགས་མར་གཏོང་ལེན་གྱི་ཁ་གསབ་རེ་ཞུ་བྱེད་པར་གཤམ་གསལ་གྱི་ཆ་རྐྱེན་དང་མཐུན་དགོས་ཏེ།
༡ ལས་ཀ་བྱེད་སའི་སྤྱི་བདེ་སྡེ་ཁག་གིས་སྤྲད་པའི་གནས་སྡོད་ལག་ཁྱེར་ཡོད་དགོས།༢ ཡོང་འབབ་གྲོང་ཁྱེར་དང་གྲོང་རྡལ་གྱི་སྡོད་ཁང་འགན་སྲུང་ཁྱིམ་ཚང་གི་ཡོང་འབབ་ཚད་གཞི་ལས་མི་བརྒལ་བ།༣ རང་ལྗོངས་ཀྱི་གྲོང་ཁྱེར་དང་གྲོང་རྡལ་དུ་ལས་ཞུགས་བརྟན་པོ་ཡོང་བ་བྱས་ནས་མི་སྤྱོད་ཚན་པ་དང་ངལ་རྩོལ་（གདན་ཞུ་）གན་རྒྱ་བཞག་སྟེ་ས་གནས་དེ་གའི་གྲོང་ཁྱེར་དང་གྲོང་རྡལ་དུ་སྤྱི་ཚོགས་འགན་བཅོལ་ལོ་༣དང་དེའི་ཡན་བསྟུད་མར་འཇལ་སྤྲོད་བྱེད་རྒྱུ་མ་ཟད་འགན་བཅོལ་ནང་ཞུགས་ནས་གྲོན་དངུལ་འཇལ་དགོས།༤ རང་ཉིད་དང་བཟའ་ཟླ་ལས་ཀ་བྱེད་ཡུལ་དུ་རང་ལ་སྡོད་ཁང་མེད་པ་མ་ཟད།ལྗོངས་ནང་ཁུལ་དུ་རྣམ་པ་གཞན་གྱི་སྡོད་ཁང་འགན་སྲུང་ལོངས་སྤྱོད་བྱས་མེད་པ།༥ ས་གནས་དེ་གའི་གྲོང་ཁྱེར་དང་གྲོང་རྡལ་དུ་ཁང་པ་གླས་ནས་སྡོད་པ་དང་འབྲེལ་ཁང་པ་བོགས་མར་གཏོང་ལེན་གྱི་ཐོ་འགོད་སྙན་སེང་ཡང་ཞུ་དགོས།དེ་དོན་ཆེད་དུ་ཁྱབ་བསྒྲགས་བྱས།
འབྲེལ་ གཏུག་ ཁ་ པར། ༠༨༩༢༨༢༠༢༠༡༦ ༡༨༠༨༩༩༧༧༠༠༣ས་དགའ་རྫོང་སྡོད་ཁང་དང་གྲོང་ཁྱེར་དང་གྲོང་གསེབ་འཛུགས་སྐྲུན་ཅུས་
༢༠༢༥ལོའི་ཟླ་༡པའི་ཚེས་༡༤ཉིན།
